പ്രധാനമന്ത്രിയെ വെല്ലുവിളിച്ച് ഇന്ത്യൻ ക്രിക്കറ്റ് ടീം നായകൻ വിരാട് കോഹ്ലി
പ്രധാനമന്ത്രി നരേന്ദ്രമോദിയെ വെല്ലുവിളിച്ച് ഇന്ത്യൻ ക്രിക്കറ്റ് ടീം നായകൻ വിരാട് കോഹ്ലി രംഗത്തെത്തിയിരിക്കുകയാണ്. ' ഹം ഫിറ്റ് ഇന്ത്യാ ഫിറ്റ് ' എന്ന ചാലഞ്ച് ക്യാംപയിന്റെ ഭാഗമായിട്ടായിരുന്നു വെല്ലു വിളി.
നരേന്ദ്രമോദിയുടെ ഫിറ്റ്നസ്സ് വീഡിയോ പങ്കുവയ്ക്കാനാണ് കോഹ്ലി ട്വീറ്റ് ചെയ്തത്. പ്രധാനമന്ത്രി വെല്ലു വിളി സ്വീകരിക്കുന്നതായി ട്വീറ്റ് ചെയ്തു. ഭാര്യ അനുഷ്കയോടും മുൻ നായകൻ എം.എസ് ധോണിയോടും കോഹ്ലി ഇതേ ആവശ്യമുന്നയിച്ചിട്ടുണ്ട്. രണ്ടു ദിവസം മുൻപ് കായിക മന്ത്രിയും ഒളിംപിക് വെള്ളി മെഡൽ ജേതാവുമായ രാജ്യവർദ്ധൻ സിങ്ങ് റാത്തോറാണ് ക്യാംപെയ്ന് തുടക്കം കുറിച്ചത്.
വിരാട് കോഹ്ലി, സൈന നേവാൾ, ഹൃതിക് റോഷൻ എന്നിവരെയാണ് മന്ത്രി വെല്ലു വിളിച്ചത്. മിക്ക താരങ്ങളും അവരുടെ ഫിറ്റ്നസ്സ് വീഡിയോ പങ്ക് വയ്ക്കുകയും ചെയ്തു. സാധാരണക്കാർക്കിടയിൽ വലിയ സ്വീകാര്യതയാണ് ചലഞ്ചിന് കിട്ടിയിരിക്കുന്നത്.
വീഡിയോ കാണാം...
https://www.facebook.com/Malayalivartha