ബംഗ്ലാദേശ് സ്വദേശിയായ യുവതിയെ വിവാഹം ചെയ്ത് പണവും ആഭരണങ്ങളും തട്ടിയെടുത്ത് മുങ്ങിയ യുവാവ് പിടിയിലായി. മാവേലിക്കര ചുനക്കര സ്വദേശി ലിപിന്‍ പൊന്നപ്പനെയാണ് എറണാകുളം സെന്‍ട്രല്‍ പൊലീസ് അറസ്റ്റ് ചെയ്തത്.

ഫെയ്‌സ്ബുക്ക് വഴിയാണ് യുവാവ് ബംഗ്ലാദേശ് യുവതിയെ പരിചയപ്പെട്ടത്. ഇത് പിന്നീട് പ്രണയ വിവാഹത്തിലേക്ക് കടക്കുകയായിരുന്നു. തന്റെ ആദ്യവിവാഹം മറച്ചുവച്ചാണ് യുവതിയെ ഇയാള്‍ വിവാഹം കഴിച്ചത്.

അതിനു ശേഷം കേരളത്തിലെത്തിയ ഇരുവരും ഒരു വര്‍ഷത്തോളമായി എറണാകുളത്ത് താമസിച്ചു വരികയായിരുന്നു. ഇതിനിടെയാണ് യുവതിയുടെ പണവും ആഭരണങ്ങളും കവര്‍ന്ന് ലിപിന്‍ യുവതിയെ ഫ്ലാറ്റില്‍ ഉപേക്ഷിച്ച് കടന്നു കളഞ്ഞത്.

അതേസമയം, യുവതിയും നേരത്തെ വിവാഹിതയായിരുന്നു. ആദ്യ ബന്ധത്തില്‍ യുവതിക്ക് ഒരു കുഞ്ഞുമുണ്ട്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

വീഡിയോ കാണാം.....