പിഡിപിയുമായി സഖ്യം ഉപേക്ഷിച്ചതിനു ശേഷം ബിജെപി ദേശീയ അധ്യക്ഷൻ അമിത് ഷാ ആദ്യമായി ജമ്മു കശ്മീരിലേക്ക് ; ഇന്ന് ബിജെപി റാലിയിൽ പങ്കെടുക്കും
പിഡിപിയുമായി സഖ്യം ഉപേക്ഷിച്ചതിനു ശേഷം ബിജെപി ദേശീയ അധ്യക്ഷൻ അമിത് ഷാ ജമ്മു കശ്മീരിലേക്ക്. ഭാരതീയ ജനസംഘം സ്ഥാപക അധ്യക്ഷൻ ശ്യാമ പ്രസാദ് മുഖർജിയുടെ ചരമ വാർഷികത്തോടനുബന്ധിച്ചുള്ള ചടങ്ങുകളിൽ പങ്കെടുക്കാനാണു ജമ്മു സന്ദർശനം. പിഡിപിയുമായി സഖ്യം ഉപേക്ഷിച്ചതിന്മേലുള്ള ബിജെപി ഉന്നത നേതൃത്വത്തിന്റെ വിശദീകരണം ഈ സന്ദർശനത്തിൽ പ്രതീക്ഷിക്കുന്നു. ഒരു ദിവസത്തെ മുഴുനീള പരിപാടികളാണ് ജമ്മു കശ്മീരിൽ.
സംസ്ഥാനത്തെ പാർട്ടിയുടെ ഡിജിറ്റൽ മീഡിയ, സോഷ്യൽ മീഡിയ വൊളന്റിയര്മാരുമായി കൂടിക്കാഴ്ചയും സംഘടനാ തലത്തിൽ മറ്റു പരിപാടികളും സംഘടിപ്പിച്ചിട്ടുണ്ട്. സഖ്യം ഉപേക്ഷിച്ചതിനു ശേഷം സംസ്ഥാനത്തുണ്ടാകുന്ന സംഭവവികാസങ്ങൾ ബിജെപി നിരീക്ഷിക്കുകയാണ്. ഈ സാഹചര്യത്തിൽ എന്തായിരിക്കണം തുടർനടപടിയെന്നതിലും ഷാ നേതാക്കൾക്കും പ്രവർത്തകർക്കും നിർദേശം നൽകും.
https://www.facebook.com/Malayalivartha