തമിഴ്മക്കളുടെ പ്രശ്നം പരിഹരിക്കാൻ രണ്ടും കൽപ്പിച്ച് ഉലകനായകൻ ; കമൽ ഹാസന്റെ മക്കൾ നീതിമയ്യത്തിന് തെരഞ്ഞെടുപ്പ് കമ്മീഷന്റെ അംഗീകാരം
നടൻ കമൽ ഹാസന്റെ മക്കൾ നീതിമയ്യം എന്ന രാഷ്ട്രീയ പാർട്ടിക്ക് തെരഞ്ഞെടുപ്പ് കമ്മീഷന്റെ അംഗീകാരം. പാർട്ടി തെരഞ്ഞെടുപ്പ് കമ്മീഷനിൽ രജിസ്റ്റ്ർ ചെയ്യാനുള്ള നടപടി ക്രമങ്ങൾ പൂർത്തിയായി. അടുത്ത ആഴ്ച മക്കൾ നീതി മയ്യത്തിന് ഇത് സംബന്ധിച്ച രേഖകൾ കൈമാറുമെന്ന് തെരഞ്ഞെടുപ്പ് കമ്മീഷൻ അറിയിച്ചു. കഴിഞ്ഞ ആഴ്ച ഡൽഹിയിൽ പാർട്ടി രജിസ്ട്രേഷൻ പ്രക്രിയയ്ക്കായി തെരഞ്ഞെടുപ്പ് കമ്മീഷൻ ഉദ്യോഗസ്ഥരെ കമൽഹാസൻ കണ്ടിരുന്നു.
പാർട്ടിയെ സംബന്ധിച്ച് ചില ചോദ്യങ്ങൾ തെരഞ്ഞെടുപ്പ് കമ്മീഷൻ ചോദിച്ചിരുന്നു. അവയുടെ എല്ലാ വിവരങ്ങളും സമർപ്പിച്ചിട്ടുണ്ട്. എത്രയും വേഗം പാർട്ടിക്ക് അംഗീകാരം ലഭിക്കുമെന്നാണ് പ്രതീക്ഷയെന്നും അന്ന് അദ്ദേഹം വ്യക്തമാക്കി. കമൽ കോൺഗ്രസ്സ് അധ്യക്ഷൻ രാഹുൽ ഗാന്ധി, മുൻ അധ്യക്ഷൻ സോണിയ ഗാന്ധി എന്നിവരുമായും കൂടിക്കാഴ്ച നടത്തിയിരുന്നു. തമിഴ്നാട്ടിലെ രാഷ്ട്രീയ സസാഹചര്യങ്ങളെ കുറിച്ചായിരുന്നു ചർച്ച. കൂടിക്കാഴ്ചയിൽ നേതാക്കൾ സഖ്യ സാധ്യതയും ചർച്ച ചെയ്തതായി റിപ്പോർട്ടുണ്ട്.
https://www.facebook.com/Malayalivartha