ബൽറാം ഒരു ഫേസ്ബുക്ക് ജീവി; അയാൾ പറഞ്ഞതിന് ആക്രമിക്കുക പക്ഷെ കീബോർഡിൽ മാത്രം; കല്ലെറിയാനുള്ള ആശയം മോശമാണെന്നും എന്.എസ് മാധവന്
എ.കെ.ജിക്കെതിരെ മോശമായ പരാമർശം നടത്തിയ വി.ടി ബല്റാം എം.എല്.എയെ പരിഹസിച്ച് എന്.എസ് മാധവന്. ബൽറാമിനെതിരെ കല്ലെറിയാനുള്ള ആശയം മോശമാണെന്നും കുറ്റക്കാരനെന്ന് വിധിക്കുന്ന ക്രിമിനല് നടപടിയാണ് അതെന്നും എന്.എസ് മാധവന് പറഞ്ഞു.
ബൽറാം പറഞ്ഞതിന് എല്ലാ തരത്തിലും അദ്ദേഹത്തെ ആക്രമിക്കണം. പക്ഷെ കീബോർഡിലെ അക്ഷരങ്ങൾ കൊണ്ടായിരിക്കണം. കാരണം അയാൾ ഒരു ഫേസ്ബുക്ക് ജീവിയാണെന്നും എന്.എസ് മാധവന് ട്വിറ്ററിൽ കുറിച്ചു. എ.കെ.ജിക്കെതിരെ പരാമർശത്തിൽ ബൽറാമിനെതിരെ എന്.എസ് മാധവന് നേരത്തെ രംഗത്തെത്തിയിരുന്നു.
ഇന്ന് രാവിലെ തൃത്താലയില് നടന്ന പരിപാടിയിൽ പങ്കെടുക്കാനെത്തിയ ബൽറാമിനെതിരെ കയ്യേറ്റ ശ്രമമുണ്ടായി. ബൽറാമിനെതിരെ ഇടത് മുന്നണി പ്രവർത്തകർ ചീമുട്ട എറിയുകയും ചെയ്തു. ഇതോടെ കോൺഗ്രസ്സ് പ്രവർത്തകരുമായി ഇടത് പ്രവർത്തകർ ഏറ്റുമുട്ടി. സംഭവത്തിൽ പ്രതിഷേധിച്ച് നാളെ കോൺഗ്രസ്സ് തൃത്താലയില് ഹർത്താൽ പ്രഖ്യാപിച്ചിരിക്കുകയാണ്.
https://www.facebook.com/Malayalivartha