കർണാടക സർക്കാരിനെ വികസനം പഠിപ്പിക്കാൻ യോഗി കൂടുതൽ സമയം കളയണ്ട; യുപിയിലെ വിജയത്തിൽ എസ്പിയെയും ബിഎസ്പിയെയും അഭിനന്ദിച്ച് സിദ്ധരാമയ്യ
ഉത്തർപ്രദേശ് ഉപതെരഞ്ഞെടുപ്പിലേറ്റ പരാജയത്തിന് പിന്നാലെ യുപി മുഖ്യമന്ത്രി യോഗി ആദിത്യനാഥിനെതിരെ രൂക്ഷ വിമർശനവുമായി കർണാടക മുഖ്യമന്ത്രി സിദ്ധരാമയ്യ. വികസനകാര്യത്തില് കര്ണാടകയെ ഉപദേശിക്കാന് യോഗി ആദിത്യനാഥ് കൂടുതല് സമയം കളയേണ്ടെന്നായിരുന്നു സിദ്ധരാമയ്യയുടെ പ്രതികരണം.
ബിജെപി വിരുദ്ധരുടെ ഐക്യമാണ് തെരഞ്ഞെടുപ്പ് വിജയത്തില് നിര്ണായകമായത്. ചരിത്രപരമായ വിജയത്തില് എസ്പിയെയും ബിഎസ്പിയെയും അഭിനന്ദിക്കുന്നുവെന്നും അദ്ദേഹം വ്യക്തമാക്കി. കർണാടകയിൽ നിയമസഭാ തെരഞ്ഞെടുപ്പ് അടുത്തിരിക്കെ യുപിയിൽ ബിജെപിക്കേറ്റ കനത്ത തിരിച്ചടി കോൺഗ്രസിന് ആശ്വാസമാണ്.
തെരഞ്ഞെടുപ്പ് പ്രചാരണവുമായി ബന്ധപ്പെട്ട് യോഗി ആദിത്യനാഥ് കർണാടകയിൽ രണ്ട് തവണ പര്യടനം നടത്തിയിരുന്നു. പ്രചാരണ പരിപാടികളിലെല്ലാം കർണാടക സർക്കാരിനെ രൂക്ഷമായ ഭാഷയിലാണ് യോഗി വിമർശിച്ചത്. കര്ണാടകയില് വികസനപ്രവര്ത്തനങ്ങള് ഇല്ലെന്നായിരുന്നു യോഗിയുടെ പരാമർശം. ഇതിനുള്ള മറുപടിയാണ് സിദ്ധരാമയ്യയുടെ പ്രതികരണം.
https://www.facebook.com/Malayalivartha