ചെങ്ങന്നൂർ പിടിക്കാൻ നിർണായക നീക്കവുമായി ബിജെപി; കെ.എം മാണിയുമായി ബി.ജെ.പി നേതാക്കള് കൂടിക്കാഴ്ച നടത്തി
ശക്തമായ ത്രികോണ മത്സരം നടക്കുന്ന ചെങ്ങന്നൂര് ഉപതെരഞ്ഞെടുപ്പിൽ വിജയം ഉറപ്പാക്കാൻ നിർണായക നീക്കങ്ങളുമായി ബിജെപി. കേരള കോണ്ഗ്രസ് ചെയര്മാന് കെ.എം മാണിയുമായി ബിജെപി നേതാക്കൾ കൂടിക്കാഴ്ച്ച നടത്തി. ബിജെപി മുൻ പ്രസിഡന്റ് പി.കെ. കൃഷ്ണദാസ് ഉൾപ്പെടെയുള്ള നേതാക്കൾ മാണിയുടെ പാലായിലെ വസതിയിലെത്തിയാണ് കൂടിക്കാഴ്ച നടത്തിയത്.
ഞായറാഴ്ച കേരള കോണ്ഗ്രസിന്റെ സ്റ്റിയറിംഗ് കമ്മിറ്റി യോഗം നടക്കാനിരിക്കെയാണ് ബിജെപിയുടെ നിർണായക നീക്കം. കൂടിക്കാഴ്ച ഒന്നര മണിക്കൂര് നീണ്ടുനിന്നു. യുഡിഎഫ് വിട്ട മാണി ഇതുവരെ തന്റെ നിലപാട് വ്യക്തമാക്കിയിട്ടില്ല. ഈ സാഹചര്യത്തിലാണ് മാണിയുടെ പിന്തുണ ഉറപ്പാക്കാനുള്ള ബിജെപി നീക്കം.
തെരഞ്ഞെടുപ്പിൽ എല്ലാ വിഭാഗം ജനങ്ങളുടെയും പിന്തുണ ആഗ്രഹിക്കുന്നുവെന്ന് പി.കെ. കൃഷ്ണദാസ് വ്യക്തമാക്കി. ചെങ്ങന്നൂരിലെ പാര്ട്ടിയുടെ നിലപാട് എന്താണെന്ന് തെരഞ്ഞെടുപ്പ് പ്രഖ്യാപിച്ച ശേഷം വ്യക്തമാക്കാമെന്ന് മാണി ബി.ജെ.പി നേതാക്കളെ അറിയിച്ചു.
https://www.facebook.com/Malayalivartha