ടിക്കറ്റ് നിരക്ക് അഞ്ചിരട്ടിയാക്കി പ്രവാസികള്ക്ക് ഇരുട്ടടിനല്കി എയര് ഇന്ത്യ; അഞ്ചിരട്ടിയാക്കി ഉയര്ത്തിയത് സ്ട്രെച്ചര് സംവിധാനമുള്ള ടിക്കറ്റിന്; അധിക നികുതിയും ഈടാക്കും; പ്രതിഷേധം ശക്തമാക്കി പ്രവാസികള്
കിടപ്പിലായ രോഗികളെ വിമാനത്തില് കൊണ്ടുപോകുന്ന സ്ട്രെച്ചര് സംവിധാനമുള്ള ടിക്കറ്റിന്റെ നിരക്ക് അഞ്ചിരട്ടിയാക്കി വര്ധിപ്പിച്ചിരിക്കുകയാണ് എയര് ഇന്ത്യ. നിലവില് ദുബായിയില് നിന്ന് ഒരു രോഗിക്ക് കൊച്ചിയിലെത്താന് ചെലവ് ഇപ്പോള് നാലര ലക്ഷമാണ്. നടപടി പ്രവാസികള്ക്ക് വന് തിരിച്ചടിയായിരിക്കുകയാണ്.
അന്താരാഷ്ട്രവിമാനനിരക്കില് അഞ്ചിരട്ടിയും ആഭ്യന്തര നിരക്കുകളില് നാലിരട്ടിയുമാണ് വര്ധന. ടിക്കറ്റ് നിരക്ക് കൂടാതെ അധികമായി നികുതിയും അടയ്ക്കേണ്ടി വരും. ഗള്ഫിലെ ചികിത്സാച്ചെലവ് താങ്ങാനാവാതെ നിരവധി പേരെയാണ് സ്ട്രെച്ചറില് നാട്ടിലേക്ക് എത്തിച്ചിരുന്നത്. അതിനായി ഏറെപ്പേരും ആശ്രയിച്ചിരുന്നത് എയര് ഇന്ത്യയെയായിരുന്നു. ഇനി ആ പ്രതീക്ഷയും നഷ്ടമായിരിക്കുകയാണ്.
ഇക്കണോമിക് ക്ലാസ്സിലെ തന്നെ ഏറ്റവും ഉയര്ന്ന ക്ലാസ്സായ വൈ ക്ലാസ്സിലേക്ക് സ്ട്രെച്ചര് ടിക്കറ്റ് മാറ്റിയാണ് രോഗികളായ യാത്രക്കാരെ കൊള്ളയടിക്കുന്ന നടപടിക്ക് തുടക്കം കുറിച്ചിരിക്കുന്നത് എയര് ഇന്ത്യതന്നെ. നേരത്തെ ഇക്കണോമിക് ക്ലാസ്സിലെ സബ് ക്ലാസ്സായ കെ ക്ലാസ്സിലായിരുന്നു കിടപ്പിലായ രോഗികളെ കൊണ്ടുപോകാനുള്ള സ്ട്രെച്ചര് ടിക്കറ്റ് നല്കിയിരുന്നത്. സര്ക്കുലര് നമ്പര് 2933ലുള്ള തീരുമാനം ഈ മാസം 20 മുതലാണ് പ്രാബല്യത്തില് വന്നത്.
https://www.facebook.com/Malayalivartha