പ്രവാസി മലയാളി ഗായകന്റെ നേതൃത്വത്തില്‍ ഒരുക്കിയ 'എന്റെ തോമാശ്ലീഹ' എന്ന വിഡിയോ ആല്‍ബം ശ്രദ്ധേയമായി. തൃശൂര്‍ സ്വദേശി ഷിജു ചാവക്കാട് ഒരുക്കിയ വിശ്വാസഗോപുരം.. എന്നു തുടങ്ങുന്ന ഗാനം പാലയൂര്‍ പള്ളിയുടെയും പരിസരപ്രദേശങ്ങളുടെയും പശ്ചാത്തലത്തില്‍ മനോഹരമായാണ് ചിത്രീകരിച്ചിരിക്കുന്നത്. ദയേശുക്രിസ്തുവിന്റെ 12 അപ്പോസ്‌തോലന്മാരില്‍ ഒരാളായ തിദിമോസ് എന്ന അപരനാമത്തില്‍ അറിയപ്പെടുന്ന തോമാശ്ലീഹയുടെ ഇന്ത്യാ സന്ദര്‍ശനവുമായി ബന്ധപ്പെട്ടതാണിത്. 

വീഡിയോ ഗാനത്തിന്റെ പ്രമയം വിശുദ്ധ തോമാശ്ലീഹ ഇന്ത്യയില്‍ സ്ഥാപിച്ച ഏഴ് പളളികളില്‍ പ്രധാനപ്പെട്ട പള്ളികളിലൊന്നായ പാലയൂരിന്റെ മഹത്വമാണ്. തോമാശ്ശീഹയുടെ പാദസ്പര്‍ശത്താല്‍ പരിപാവനമായ പാലയൂരിന്റെ പാരമ്പര്യം വിശ്വസികളിലെത്തിക്കാന്‍ 'എന്റെ തോമാശ്ശീഹ ഓരോ കുടുംബത്തിനും ഒരു സമ്മാനമായി അവതരിപ്പിക്കുകയാണെന്ന് ഷിജു ചാവക്കാട് പറഞ്ഞു.