Widgets Magazine
24
Jul / 2017
Monday

പ്രവാസി ഇന്ത്യക്കാര്‍ക്ക് വിദേശത്ത് വോട്ട് സൗകര്യം : ഒരാഴ്ചയ്ക്കകം മറുമപടി നല്‍കണമെന്ന് സുപ്രീം കോടതി അറിയിച്ചു

15 JULY 2017 11:55 AM IST
മലയാളി വാര്‍ത്ത

വിദേശത്തുവച്ചുതന്നെ വോട്ടു ചെയ്യുന്നതിനു പ്രവാസി ഇന്ത്യക്കാര്‍ക്കു സൗകര്യമൊരുക്കാന്‍ എത്ര സമയം വേണമെന്ന് ഒരാഴ്ചയ്ക്കകം വ്യക്തമാക്കാന്‍ കേന്ദ്ര സര്‍ക്കാരിനു സുപ്രീം കോടതിയുടെ നിര്‍ദേശം. 2014-ല്‍ തുടങ്ങിയ കേസില്‍ മൂന്നുവര്‍ഷമായി സമയം നീട്ടിച്ചോദിക്കുക മാത്രമാണു ചെയ്യുന്നതെന്നും ഇങ്ങനെയല്ല സര്‍ക്കാര്‍ പ്രവര്‍ത്തിക്കേണ്ടതെന്നും ചീഫ് ജസ്റ്റിസ് ജെ.എസ്.കേഹാര്‍ അധ്യക്ഷനായ ബെഞ്ച് കുറ്റപ്പെടുത്തി. ദുബായ് ആരോഗ്യമേഖലയിലെ സംരംഭകന്‍ ഡോ. വി.പി.ഷംഷീറാണ് ഈ ആവശ്യമുന്നയിച്ചു സുപ്രീം കോടതിയെ സമീപിച്ചത്. അതിന്റെ അടിസ്ഥാനത്തില്‍ കോടതി നിര്‍ദേശപ്രകാരം തിരഞ്ഞെടുപ്പു കമ്മിഷന്‍ രൂപീകരിച്ച സമിതി ഇ-തപാല്‍ വോട്ട്, പ്രോക്‌സി വോട്ട് എന്നിവ പരിഗണിക്കാവുന്നതാണെന്നു ശുപാര്‍ശ ചെയ്തു.

പ്രവാസികള്‍ക്കു സ്വന്തം മണ്ഡലത്തില്‍ നേരിട്ടു വോട്ടുചെയ്യാന്‍ നിലവില്‍ വ്യവസ്ഥയുണ്ട്. വിദേശത്തുവച്ചുതന്നെ വോട്ടുചെയ്യാന്‍ സൗകര്യമൊരുക്കുന്നതിനു ജനപ്രാതിനിധ്യ നിയമം ഭേദഗതി ചെയ്യണമെന്നു കേന്ദ്ര സര്‍ക്കാരിനോടു വ്യക്തമാക്കിയതാണെന്നു കേന്ദ്ര തിരഞ്ഞെടുപ്പു കമ്മിഷനുവേണ്ടി മീനാക്ഷി അറോറ ചൂണ്ടിക്കാട്ടി. നിയമം ഭേദഗതി ചെയ്താല്‍ മൂന്നുമാസത്തിനകം നടപ്പാക്കാനാവും. എന്നാല്‍, തുടര്‍നടപടി എങ്ങനെയെന്നു തീരുമാനിക്കാന്‍ കൂടുതല്‍ സമയം വേണമെന്നു കേന്ദ്ര സര്‍ക്കാരിനുവേണ്ടി അഡീഷനല്‍ സോളിസിറ്റര്‍ ജനറല്‍ ആത്മാറാം നദ്കര്‍ണി പറഞ്ഞു. ഇതു കോടതിയെ ചൊടിപ്പിച്ചു.

പല തവണയായി കേന്ദ്രം സമയം നീട്ടിച്ചോദിക്കുകയാണെന്നു കോടതി പറഞ്ഞു. ഹര്‍ജിക്കാരനുവേണ്ടി ഹാജരായ മുകുള്‍ റോഹത്ഗി, ഗള്‍ഫില്‍ ഒരുകോടിയോളം പ്രവാസികള്‍ അവസരം നിഷേധിക്കപ്പെട്ടവരായുണ്ടെന്നു വാദിച്ചു. ഇതിനു നിയമഭേദഗതി ആവശ്യമില്ല, ചട്ടം ഭേദഗതി ചെയ്താല്‍ മതി. അതിനു 10 മിനിറ്റു മതി- റോഹത്ഗി തുടര്‍ന്നു. ഹര്‍ജിക്കാരനുവേണ്ടി ഹാരീസ് ബീരാനും ഹാജരായി. ചട്ടം ഭേദഗതി ചെയ്താല്‍ മതിയാവുമെന്നാണു താനും കരുതുന്നതെന്നു കേന്ദ്ര സര്‍ക്കാര്‍ അഭിഭാഷകന്‍ പറഞ്ഞപ്പോള്‍, ആ നിലപാടു രേഖപ്പെടുത്തട്ടേയെന്നു കോടതി ചോദിച്ചു.

നിലപാടറിയിക്കാമെന്ന് അഭിഭാഷകന്‍ മറുപടി നല്‍കി. മുകുള്‍ റോഹത്ഗി അറ്റോര്‍ണി ജനറല്‍ സ്ഥാനമൊഴിഞ്ഞശേഷം ആദ്യമായി ഇന്നലെയാണു കേന്ദ്ര സര്‍ക്കാരിനെതിരെ സുപ്രീം കോടതിയില്‍ ഹാജരായത്. പ്രവാസി വോട്ടവകാശം സംബന്ധിച്ച കേസില്‍ 2014-ല്‍ താന്‍ ഹര്‍ജിക്കാരനുവേണ്ടി ഹാജരായതാണ്. മൂന്നുവര്‍ഷം കഴിഞ്ഞ് അതേ കേസില്‍ ഹാജരാകുകയാണ്. ഇതിനിടെ ഒന്നും സംഭവിച്ചില്ല റോഹത്ഗി പറഞ്ഞു. മൂന്നുവര്‍ഷം അറ്റോര്‍ണി ജനറല്‍ ആയിരുന്നപ്പോള്‍ എന്തെങ്കിലും ചെയ്തുകൂടായിരുന്നോയെന്ന ബെഞ്ചിന്റെ ചോദ്യം കോടതിയില്‍ ചിരി പടര്‍ത്തി.

 



 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Most Read
latest News

എല്ലാവരും കൈയ്യൊഴിഞ്ഞതോടെ സങ്കടം സഹിക്കാനാവാതെ ദിലീപ്  (3 minutes ago)

അന്വേഷണം ക്ലൈമാക്‌സിലേക്ക്... ദിലീപും മാഡം എന്ന് വിശേഷിപ്പിക്കപ്പെടുന്ന സ്ത്രീയുമാണ് കേസിലെ മുഖ്യ ആസൂത്രകരെന്ന് പോലീസ്  (49 minutes ago)

എ.ടി.എമ്മില്‍ ക്യാമറ സ്ഥാപിച്ച് കവര്‍ച്ച നടത്താന്‍ ശ്രമിച്ച യുവാവ് അറസ്റ്റില്‍  (1 hour ago)

ബുധനാഴ്ചത്തെ ഹര്‍ത്താലിനോട് സഹകരിക്കില്ലെന്ന് വ്യാപാരികള്‍  (1 hour ago)

ദിലീപ് വീഡിയോ കോണ്‍ഫറന്‍സിലൂടെ ഹാജരായാല്‍ മതിയെന്ന് കോടതി  (1 hour ago)

കോളേജ് വിദ്യാര്‍ത്ഥികള്‍ക്കിനി സൗജന്യ വൈഫൈയുമായി ജിയോ  (2 hours ago)

ഭര്‍ത്താവിനെ അന്വേഷിച്ച് ചൈനീസ് യുവതിയും സഹോദരനും കേരളത്തിൽ ;വിസാ കാലാവധി കഴിഞ്ഞിട്ടുംമടങ്ങാത്തതിനാൽ ജയിലിലായി.  (3 hours ago)

കോവളം എം.എല്‍.എ വീട്ടമ്മയെ രണ്ട് തവണ പീഡിപ്പിച്ചെന്ന് പോലീസ് റിമാന്‍ഡ് റിപ്പോര്‍ട്ട്  (3 hours ago)

പൂര്‍ണ ഗര്‍ഭിണിയെ 16 കിലോമീറ്റര്‍ തൊട്ടിലില്‍ ചുമന്ന് ഗ്രാമവാസികൾ ; ദുരിത യാത്രയ്‌ക്കൊടുവില്‍ സുഖപ്രസവം  (3 hours ago)

കലാശപ്പോരാട്ടത്തില്‍ തോല്‍ക്കാന്‍ മിഥാലി കോഴ വാങ്ങി..?  (4 hours ago)

ബിഗ് ബഡ്ജറ്റ് ചിത്രത്തിനൊരുങ്ങി വിജി തമ്പിയും പൃഥ്വിരാജും  (4 hours ago)

കാലില്‍ ബൂട്ടിട്ട് ചവിട്ടിയ പാടുകളും ശരീരത്തില്‍ പലയിടത്തും മര്‍ദ്ദനമേറ്റ പാടുകളും: പോസ്റ്റ്‌മോര്‍ട്ടം റിപ്പോര്‍ട്ടില്‍ ഞെട്ടിപ്പിക്കുന്ന വിവരങ്ങള്‍  (4 hours ago)

അംഗീകാരത്തിന് വേണ്ടി കോഴ വാഗ്ദാനം ചെയ്ത ആറ് മെഡിക്കല്‍ കോളേജുകള്‍ക്ക് മെഡിക്കല്‍ കൗണ്‍സില്‍ അനുമതി നിഷേധിച്ചു  (4 hours ago)

"എനിക്ക് വീട്ടിൽ പോകണം ";ഐഎസിൽ ചേർന്ന പതിനാറുകാരി‍ക്ക് ഒടുവിൽ ബോധോദയം.  (4 hours ago)

ബി.ജെ.പിയില്‍ വീണ്ടും അഴിമതി;സൈന്യത്തില്‍ ജോലി വാഗ്ദാനം ചെയ്ത് പണം തട്ടി  (4 hours ago)

Malayali Vartha Recommends
MalayaliVartha_300x250_GL