പ്രവാസികള്ക്ക് അവര് ജോലി ചെയ്യുന്ന രാജ്യത്ത് തന്നെ വേട്ടുചെയ്യുന്നതിനുളള അവസരം ലഭിക്കും
കേന്ദ്ര സര്ക്കാരിന്റെ പുതിയ തീരുമാനത്തെ യൂത്ത് ഫോറം സ്വാഗതം ചെയ്തു. പ്രവാസികള്ക്ക് അവര് ജീവിക്കുന്ന രാജ്യങ്ങളില്ത്തന്നെ വോട്ടുചെയ്യാവുന്ന രീതിയില് ജനപ്രാതിനിധ്യ നിയമം ഭേദഗതി ചെയ്യുമെന്നതാണ് സര്ക്കാരിന്റെ തീരുമാനം. ലോകമെമ്പാടുമുള്ള ഇന്ത്യന് പ്രവാസികളെ ലോകം നോക്കിക്കാണുന്നത് ഇന്ത്യന് സമ്പദ്വ്യവസ്ഥയെ താങ്ങിനിര്ത്തുന്ന ഒരു 'വിശ്വസനീയ സ്രോതസ്സ്' എന്ന നിലയ്ക്കാണ്. പ്രവാസികളില് ഭൂരിഭാഗവും നാടിന്റെ രാഷ്ട്രീയവും സാംസ്കാരികവും പ്രാദേശികവുമായ സ്പന്ദനങ്ങള്ക്കൊപ്പം ജീവിക്കുന്നവരാണ്.
സാങ്കേതികവിദ്യ ഏറെ വികസിച്ച ഒരു കാലഘട്ടത്തില് പ്രാതിനിധ്യാവകാശം പോലുള്ള പൗരാവകാശങ്ങള് പ്രവാസികള്ക്കു കാലങ്ങളായി ലംഘിക്കപ്പെടുന്നതു ലോകത്തെ ഏറ്റവും വലിയ ജനാധിപത്യ രാജ്യമായ ഇന്ത്യയില് ഒരിക്കലും സംഭവിക്കാന് പാടില്ലാത്തതാണ്. പ്രവാസികളുടെ വോട്ടവകാശത്തിനായുള്ള മുറവിളിക്കു പതിറ്റാണ്ടുകളുടെ പഴക്കമുണ്ട്. വാഗ്ദാനങ്ങള്ക്കും വാചക കസര്ത്തുകള്ക്കുമപ്പുറം ഇതു നടപ്പാക്കാനുള്ള നിയമ പരിഷ്കരണമുള്പ്പെടെയുള്ള നടപടികള്ക്ക് ഇച്ഛാശക്തി കാണിക്കണമെന്നും യൂത്ത് ഫോറം അഭിപ്രായപ്പെട്ടു. പ്രസിഡന്റ് എസ്.എ.ഫിറോസ്, ജനറല് സെക്രട്ടറി ബിലാല് ഹരിപ്പാട്, സെക്രട്ടറി അസ്ലം ഈരാറ്റുപേട്ട, മീഡിയ സെക്രട്ടറി റബീഹുസ്സമാന് എന്നിവര് പ്രസംഗിച്ചു.
https://www.facebook.com/Malayalivartha