തൊഴിൽ വിസയുടെ ആവശ്യങ്ങൾക്കായി ഓഫീസുകളുടെ പടികൾ കയറിയിറങ്ങുക എന്നത് വളരെ വിരസതയുണ്ടാക്കുന്ന ഒരവസ്ഥയാണ് . ഓരോ ആവശ്യത്തിനും ഓരോ തവണ ഓഫീസ് വരാന്ത കയറിയിറങ്ങേണ്ടി വരും. എന്നാൽ ഇനി മുതൽ ഒമാനിൽ തൊഴിൽ വിസയുമായി ബന്ധപ്പെട്ട നടപടിക്രമങ്ങൾ പൂർണമായി ഓൺലൈനാക്കുന്നു. ഇതിനുള്ള നടപടികൾ ആരംഭിച്ചു. പുതിയ സ​​മ്പ്രദായം നിലവിൽ വരുന്നതോടെ വിസ ക്ലിയറൻസ്​ ലഭിക്കുന്നതിനും അപേക്ഷ നൽകുന്നതിനും മറ്റുമൊക്കെ തൊഴിലുടമകൾക്കും പി.ആർ.ഒകൾക്കും ഓഫീസുകൾ കയറിയിറങ്ങി നടക്കേണ്ടിവരില്ല. നടപടിക്രമങ്ങൾ രണ്ട്​ വർഷത്തിനുള്ളിൽ​ പൂർണമായി നടപ്പിൽ വരുത്താൻ കഴിയുമെന്നാണ്​ മാനവ വിഭവശേഷി മന്ത്രാലയത്തിന്റെ പ്രതീക്ഷ.

തൊഴിൽ വിസാ അപേക്ഷകൾ ഓൺലൈനാക്കുന്നതിന്​ എസ്റ്റോണിയൻ കമ്പനിക്കാണ് മാനവ വിഭവശേഷി മന്ത്രാലയം​ കരാർ നൽകിയിട്ടുള്ളത്​. ആറ്​ ഘട്ടങ്ങളിലായാണ്​ ഇത്​ നടപ്പിൽ വരുത്തുക. ഹൗസ്​മെയിഡ്​ വിസകൾ ഇപ്പോൾ തന്നെ ഓൺലൈനായി ലഭിക്കുന്നുണ്ട്. സ്വദേശിവത്കരണം അടക്കം മാനദണ്ഡങ്ങൾ പാലിച്ചിട്ടുള്ള കമ്പനികൾക്ക്​ ഓഫീസിൽ പോകാതെ തന്നെ ഓൺലൈനായി അപേക്ഷിക്കാൻ കഴിയുന്ന രീതിയിലുള്ള സംവിധാനമാണ്​ നിലവിൽ വരുന്നത്.