പ്രവാസികൾ പരിഭ്രാന്തർ ; ആധാർകാർഡ് സംവിധാനം എന്തിന് ?
ഇന്ത്യയിൽ എവിടെയും ആധാർ കാർഡിന്റെ ഉപയോഗം നിർബന്ധമാക്കിയപ്പോൾ അതിൽ പ്രവാസികളും പരിഭ്രാന്തരായി. ബാങ്ക് അക്കൗണ്ടുകള് തുടങ്ങി അത്യാവശ്യകാര്യങ്ങള്ക്കെല്ലാം ആധാര് നിർബന്ധമാക്കിയിരിക്കുകയാണ്. നിലവിൽ ഇന്ത്യയില് താമസിക്കുന്നവര്ക്ക് മാത്രം നല്കുന്നതാണ് ആധാര്കാര്ഡ്. 182 ദിവസമോ അതിലധികമോ തുടര്ച്ചയായി വിദേശത്ത് താമസിക്കുന്നവരെ പ്രവാസികളായാണ് കണക്കാക്കുന്നത്. അതി തിനാല് ആധാര് നിയമത്തിലെ മൂന്നാം വകുപ്പനുസരിച്ച് പ്രവാസികള് ആധാര് കാര്ഡിനര്ഹരല്ല. എന്നാല് ഒരു വര്ഷത്തിനിടെ 182 ദിവസം തുടര്ച്ചയായി ഇന്ത്യയില് താമസിക്കുന്നവര് പ്രവാസികളാണെങ്കിൽ പോലും ആധാറിന് അപേക്ഷിക്കാം. ഇതിൽ തെറ്റില്ല.
ഇന്ത്യയിൽ ഉപയോഗിക്കുന്ന മൊബൈൽ സിം കാർഡ് ആധാർ കാർഡുമായി ബന്ധിപ്പിക്കണം എന്ന നിയമത്തിൽ നിന്ന് പ്രവാസി ഇന്ത്യക്കാരെ ഒഴിവാക്കി. എൻ ആർ ഐ കളെയും (നോൺ റസിഡന്റ് ഇന്ത്യൻസ്), ഓ സി ഐ (ഓവർസീസ് സിറ്റിസൺസ് ഓഫ് ഇന്ത്യ), പി ഐ ഓ (പേര്സൺസ് ഓഫ് ഇന്ത്യൻ ഒറിജിൻ) കാർഡ് ഉള്ളവരെയുമാണ് ഈ നിബന്ധനയിൽ നിന്ന് ഒഴിവാക്കിയിരിക്കുന്നത്. ഈ കാറ്റഗറിയിൽ പ്പെട്ട ഉപഭോക്താക്കളുടെ വിവരങ്ങൾ പരിശോധിച്ച് സ്ഥിരീകരിക്കുന്നതിനു ആധാർ അല്ലാത്ത മറ്റു മാർഗങ്ങൾ സ്വീകരിക്കും.
https://www.facebook.com/Malayalivartha