കുവൈറ്റില് ജോലിയില്ലാതെ കുടുങ്ങി കഴിയുന്നവരുടെ പട്ടിക തയ്യാറാക്കി ഇന്ത്യന് എംബസി
നഴ്സിംഗ് റിക്രൂട്ട്മെന്റില് അകപ്പെട്ട് ജോലിയില്ലാതെ കുടുങ്ങി കഴിയുന്നവരുടെ പട്ടിക കുവൈത്തിലെ ഇന്ത്യന് എംബസി തയ്യാറാക്കുന്നു. ആരോഗ്യ മന്ത്രാലയം അധികൃതര് മൂന്ന് വര്ഷം മുമ്പ് ഇന്ത്യയില് നിന്ന് റിക്രൂട്ട് ചെയ്ത് കുവൈത്തില് കൊണ്ടു വന്ന് ജോലി നല്കാത്തവരുടെ പട്ടികയാണ് തയ്യാറാക്കുന്നത്. ഇവര് ഇന്ത്യന് എംബസിയുമായി ബന്ധപ്പെടാനും ആവശ്യപ്പെട്ടു.
കുവൈത്ത് ആരോഗ്യമന്ത്രാലയം 2015-16 ല് ഡല്ഹി, മുബൈ, കൊച്ചി, ബംഗലൂരൂ എന്നിവിടങ്ങളില് വച്ച് റിക്രൂട്ട് ചെയ്തവരില് ഉള്പ്പെട്ട് രണ്ട് വര്ഷത്തിലേറെയായി വിസയും, ജോലിയുമില്ലാതെ കുവൈത്തില് കഴിയുന്നവരുടെ പട്ടികയാണ് എംബസി ആരോഗ്യ മന്ത്രാലയം അധികൃതര്ക്ക് സമര്പ്പിക്കാനായി തയ്യാറാക്കുന്നത്.
ഇത്തരത്തില് കുടുങ്ങിയിരിക്കുന്ന 58 നഴ്സുമാരുടെ പരാതി നിലവില് എംബസി ലേബര് വിഭാഗത്തിന് ലഭിച്ചിട്ടുണ്ട്. എന്നാല്, ഇതില് കൂടുതല് നഴ്സുമാര് ഇങ്ങനെ കുടുങ്ങി കഴിയുന്നുണ്ട്. നാട്ടിലുംകുവൈത്തിലുമുള്ള എജന്റുമാരുടെ വാക്കുകള്ക്ക് അനുസരിച്ച് ഇവര് ഇപ്പോഴും പ്രവര്ത്തിക്കുന്നത് കൊണ്ട് പരാതിയുമായി എംബസിയെ സമീപിച്ചിട്ടുമില്ല.
20മുതല് 23 ലക്ഷം രൂപ വരെ റിക്രൂട്ട്മെന്റ് ഏജന്സികള്ക്ക് നല്കിയാണ് പലരും വന്നിരിക്കുന്നത്. വന്നതാവട്ടെ, ആരോഗ്യ മന്ത്രാലയത്തിന്റെ വിസകളിലും. ഇവര്ക്ക് , മന്ത്രാലയം താമസ സൗകര്യവും ഭക്ഷണവും അനുവദിച്ചിട്ടുണ്ട്. എന്നാല്, ജോലിയില്ല. വന്നതിന് ശേഷം താമസാനുമതി രേഖകള് ശരിയാക്കാന് കയിത്തതിനാല് പുറത്ത് ഇറങ്ങാന് പോലും പറ്റാത്ത അവസ്ഥയിലാണ്. കൂട്ടത്തില്, വിവാഹം മുടങ്ങിയവരും മാതാപിതാക്കളുടെ സംസ്ക്കാരചടങ്ങില് പോലും പങ്കെടുക്കാന് സാധിക്കാത്തവരുമുണ്ട്.
കുവൈത്ത് ആരേഗ്യ വകുപ്പ് മന്ത്രി ഡോ.ബസല് ഹമൂദ് അല്ഹതമദ് അല്സതബയുമായി ഇന്ത്യന് സ്ഥാനപതി കെ.ജീവ സാഗര് ഇതടക്കമുള്ള വിഷയങ്ങളില് ഇന്ന് ചര്ച്ചയും നടത്തിയിരുന്നു.
https://www.facebook.com/Malayalivartha