മലയാളി യുവതിയെ കൊലപ്പെടുത്തി മൃതദേഹം തറയ്ക്കുള്ളില് ഒളിപ്പിച്ചു
ഷാര്ജയില് മലയാളി യുവതിയെ ഭര്ത്താവ് കൊലപ്പെടുത്തി മൃതദേഹം വീടിനകത്തെ തറയില് ഒളിപ്പിച്ചു. ഷാര്ജയിലെ വീട്ടില്നിന്നാണ് ഇവരുടെ ജീര്ണിച്ച മൃതദേഹം കണ്ടെത്തിയത്. ഒരു മാസം മുമ്പായിരുന്നു കൊലപാതകമെന്നാണു സൂചന. ഇവരുടെ പേരുവിവരങ്ങള് പുറത്തുവിട്ടിട്ടില്ല. വീടിന്റെ തറയ്ക്കടിയില് ഒളിപ്പിച്ച മൃതദേഹം പോലീസ് നായകളെ ഉപയോഗിച്ചാണ് കണ്ടെത്തിയത്. യുവതിയുടെ ഭര്ത്താവ് ഇവരെ കൊലപ്പെടുത്തി മൃതദേഹം തറയില് ഒളിപ്പിച്ചതാണെന്നു പോലീസ് കരുതുന്നു. മലയാളിയായ ഇയാള് കേരളത്തിലേക്കു കടന്നതായി പോലീസ് സ്ഥിരീകരിച്ചു. വീടിന്റെ മുന്വശത്ത് വീട് വാടകയ്ക്കു നല്കും എന്ന ബോര്ഡ് തൂക്കിയശേഷമാണ് ഇയാള് നാടുവിട്ടത്.
കൊല്ലപ്പെട്ട യുവതിയുടെ സഹോദരന് നല്കിയ പരാതിയിലാണ് പോലീസ് മൃതദേഹം കണ്ടെത്തിയത്. സഹോദരന് എല്ലാ ദിവസവും കൊല്ലപ്പെട്ട യുവതിയുമായി സംസാരിച്ചിരുന്നു. എന്നാല് യുവതി ഫോണ് വിളികള്ക്കു പ്രതികരിക്കാതായതോടെ ഇയാള് കേരളത്തില്നിന്നു ഷാര്ജയിലെത്തിയാണു പരാതി നല്കിയത്.
യുവതിയുടെ ഭര്ത്താവിനെ പോലീസ് തിരിച്ചറിഞ്ഞു. ഇയാള്ക്കെതിരേ ഇന്റര്പോള് അറസ്റ്റ് വാറന്റ് പുറപ്പെടുവിച്ചതായി ഷാര്ജ പോലീസ് അറിയിച്ചു. സംശയത്തിന്റെ നിഴലില്നില്ക്കുന്ന മലയാളിക്ക് മറ്റൊരു ഭാര്യകൂടിയുണ്ട്. കൊലപാതകത്തിനു മുന്പുതന്നെ ഇയാള് ഈ സ്ത്രീയെയും രണ്ടു കുട്ടികളെയും കേരളത്തിലേക്ക് അയച്ചിരുന്നതായാണു പോലീസിനു ലഭിച്ചിരിക്കുന്ന സൂചന.
https://www.facebook.com/Malayalivartha