ജിംനേഷ്യത്തില് കുഴഞ്ഞുവീണ് പ്രവാസിക്ക് ദാരുണാന്ത്യം
കണ്ണൂര് സ്വദേശി മസ്കത്തില് കുഴഞ്ഞുവീണു മരിച്ചു. തലശ്ശേരി എ.സി. ചന്ദ്രോത്ത് വീട്ടില് പരേതനായ മുഹമ്മദ് കുട്ടിയുടെ മകന് മുഹമ്മദ് ഹഷീല് (44) ആണ് ശനിയാഴ്ച രാത്രി മരിച്ചത്. തറാവീഹ് നമസ്കാരത്തിന് ശേഷം കുടുംബത്തെ റൂവിയിലെ വീട്ടിലാക്കിയശേഷം അസൈബയിലെ ജിംനേഷ്യത്തില് പോയതാണ്.
അല്പസമയം വര്ക്ക്ഒൗട്ട് ചെയ്തശേഷം കുഴഞ്ഞുവീണ ഹഷീലിനെ ആസ്റ്റര് ആശുപത്രിയില് എത്തിച്ചെങ്കിലും രക്ഷിക്കാന് സാധിച്ചില്ല. സൈല് ഇന്റര്നാഷനല് എല്.എല്.സി എന്ന സ്ഥാപനത്തിലാണ് ഇയാൾ ജോലി ചെയ്തിരുന്നത്. 20 വര്ഷത്തോളമായി മസ്കത്തിലുണ്ട്. ഫീസ മാതാവും അഫ്നിദ ഭാര്യയുമാണ്. മക്കള്: റിഹാന്, നദ, അമല്. വാദി അദൈയില് താമസിക്കുന്ന ഹഫീല് സഹോദരനാണ്. മൃതദേഹം ഞായറാഴ്ച ഉച്ചയോടെ അമിറാത്തില് ഖബറടക്കി.
https://www.facebook.com/Malayalivartha