ഇനി സുരക്ഷിതമായി പ്രവാസികള്‍ക്ക് നാട്ടിലേയ്ക്ക് പണം അയയ്ക്കാം. സാമൂഹ്യ മാധ്യമങ്ങളിലൂടേയും വോയ്‌സ് കമാന്റിലൂടേയും ഇന്ത്യയിലേക്കു പണമയക്കാനുള്ള രണ്ടു പുതിയ മാര്‍ഗ്ഗങ്ങളും ഐ.സി.ഐ.സി.ഐ. ബാങ്ക് അവതരിപ്പിച്ചു. ബാങ്ക് അടുത്തിടെ അവതരിപ്പിച്ച സോഷ്യല്‍ പേ ആണ് വാട്ട്‌സാപ്പ് പോലുള്ള സാമൂഹ്യ മാധ്യമങ്ങളും ഇമെയിലും ഉപയോഗിച്ച് ബാങ്കിന്റെ മണി 2 ഇന്ത്യ ആപ്പിലൂടെ പണമയക്കാന്‍ സഹായകമാകുന്നത്. 

സാമൂഹ്യ മാധ്യമ ആപ്പുകളുടെ സൗകര്യം പ്രയോജനപ്പെടുത്തിക്കൊണ്ടു തന്നെ ഇതിലൂടെ പണമയക്കാം. ഉപഭോക്താവിന് തന്റെ ആപ്പിള്‍ ഐ ഫോണിലെ വെര്‍ച്വല്‍ വോയ്‌സ് അസിസ്റ്റന്റായ സിരിയില്‍ നല്‍കുന്ന ലളിതമായ ഒരു കമാന്റ് വഴി ഇന്ത്യയിലുള്ള നിലവിലുള്ള സ്വീകര്‍ത്താക്കള്‍ക്കു പണമയക്കാനാവും. മുന്‍പ് ഇന്ത്യയില്‍ ഉണ്ടായിരുന്ന അഞ്ചു ഘട്ട പ്രക്രിയയുടെ സ്ഥാനത്താണ് ലളിതമായ ഈ രീതി. ഐ.ഒ.എസ്. പത്തോ അല്ലെങ്കില്‍ അതിനു മുകളിലുള്ള പതിപ്പുകളോ ഉള്ള ആപ്പിള്‍ ഐ ഫോണ്‍ അല്ലെങ്കില്‍ ഐ പാഡ് ഉപയോഗിച്ച് മണി2ഇന്ത്യ മൊബൈല്‍ ആപ്പിലൂടെ എല്ലാ ദിവസവും 24 മണിക്കൂറും ഈ സൗകര്യം പ്രയോജനപ്പെടുത്താനാവും.

ശബ്ദ നിര്‍ദ്ദേശങ്ങളുടെ അടിസ്ഥാനത്തില്‍ പ്രവാസികള്‍ക്ക് അന്താരാഷ്ട്ര പണമടവു സേവനം ലഭ്യമാക്കിയ രാജ്യത്തെ ആദ്യ ബാങ്കായി ഐ.സി.ഐ.സി.ഐ. ബാങ്ക് മാറി്.