Widgets Magazine
27
Apr / 2017
Thursday

ഈ പേനയുണ്ടങ്കില്‍ പഠിക്കാതെയും ജയിക്കാം; ജയിച്ചില്ലെങ്കിലോ പണം തിരികെ... വൈറലായ ഈ സംഭവമറിഞ്ഞോ?

12 MARCH 2017 12:09 PM IST
മലയാളി വാര്‍ത്ത

പരീക്ഷയെ അഭിമുഖീകരിക്കാത്തവരായി ആരുമില്ല. പരീക്ഷ ഏതായാലും ജയിക്കണമെന്ന പ്രാര്‍ത്ഥനയോടെയാണ് എല്ലാവരും എഴുതുന്നത്. പേന പൂജിച്ചും ഭസ്മമിട്ടും ചരട് ജപിച്ച് കെട്ടിയും എത്രയെത്ര പരീക്ഷയാ എഴുതിയത്. ചിലത് ജയിക്കുകയും ചെയ്തു. ഭൂരിഭാഗവും തോല്‍ക്കുകയാണ് പതിവ് അവസാനം ഒന്നിലും വിശ്വാസമില്ലാതായി തീരുന്നവരും ഉണ്ട്.

എന്നാല്‍ ഇനി പേടിക്കേണ്ടെന്നാണ് പുതിയ പരസ്യം പറയുന്നത്. ഇത്തരക്കാരെ ജയിപ്പിക്കാനായി ഒരു കിടിലന്‍ മാര്‍ഗം കണ്ടു പിടിച്ചിരിക്കുകയാണ് ഗുജറാത്തിലെ പഞ്ചമഹല്‍ ജില്ലയിലെ ഒരു ക്ഷേത്രം. ദുഷ്യന്ത് ബാപ്പുജി എന്നയാള്‍ നിര്‍മിച്ച 1900 രൂപ വിലയുള്ള പേനയാണ് താരം. സരസ്വതി യാഗത്തിലൂടെ ലഭിച്ച ദിവ്യത്വം പ്രയോഗിച്ച് നിര്‍മിച്ച പേന കൊണ്ടെഴുതിയാല്‍ വിജയമുറപ്പാണെന്നാണ് ദുഷ്യന്തിന്റെ അവകാശവാദം.

പേനയുടെ ഒപ്പം ഒരു ലഘുലേഖയും നല്‍കുന്നുണ്ട്. ഇതില്‍ മാതാപിതാക്കളെ ആകര്‍ഷിക്കുന്ന തരത്തില്‍ നിരവധി ചോദ്യങ്ങളാണ് ഉന്നയിച്ചിരിക്കുന്നത്. ഈ പേന ഉപയോഗിച്ച് പരീക്ഷയെഴുതിയ കുട്ടി പരീക്ഷയില്‍ പരാജയപ്പെട്ടാല്‍ പേനയുടെ വില തിരിച്ചു നല്‍കുമെന്നാണ് വാഗ്ദാനം. 100 ശതമാനം ഗ്യാരണ്ടിയും ലഘുലേഖയില്‍ രേഖപ്പെടുത്തിയിരിക്കുന്നു. മൊബൈല്‍ നമ്പര്‍, പരീക്ഷാ രസീത്, ഹോള്‍ ടിക്കറ്റ്, വിദ്യാഭ്യാസ സ്ഥാപനത്തിന്റെ ഐഡി എന്നിവ നല്‍കിയാല്‍ മാത്രമേ പേന ലഭിക്കുകയുള്ളൂ. എന്തായാലും പേനയുടെ ഫലപ്രാപ്തി കാത്തിരുന്നു കാണാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Latest News
Most Read
Malayali Vartha Recommends
MalayaliVartha_300x250_GL