പാവം മിക്ക... ഇനി ആഹാരം കഴിക്കാന്‍ കഴിയില്ല! ആഹാരം കൊടുക്കാതെ വളര്‍ത്താന്‍ പറഞ്ഞു ഡോക്ടര്‍!
കാനഡയിലെ മോണ്‍ട്രിയലിലുള്ള രണ്ടു വയസുകാരന്‍ മിക്കാ ഗബ്രിയേല്‍ മാസന്‍ ലോപസിന് ഡോക്ടര്‍മാര്‍ നല്‍കിയ നിര്‍ദേശം ഏവരേയും അമ്പരപ്പിച്ചിരിക്കുകയാണ്. കുട്ടിക്ക് ആഹാരം കൊടുക്കാതെ വളര്‍ത്താനാണ് ഡോക്ടര്‍മാര്‍ മാതാപിതാക്കളോട് പറഞ്ഞിരിക്കുന്നത്.
ഫുഡ് പ്രോട്ടീന്‍ ഇന്‍ഡ്യൂസ്ഡ് എന്ററോകോളിറ്റിസ് സിന്‍ഡ്രോം ബാധിച്ചിരിക്കുന്ന മിക്കായ്ക്ക് ആകെ കഴിക്കാവുന്നത് പീച്ച് പഴങ്ങള്‍ മാത്രമാണ്. വേറെന്തു കഴിച്ചാലും അലര്‍ജി രൂപത്തില്‍ അത് മിക്കയെ പീഡിപ്പിക്കും. ആറാം മാസത്തില്‍ രോഗം തിരിച്ചറിഞ്ഞതു മുതല്‍ മാസം തോറും ഒമ്പതു വ്യത്യസ്ത സ്‌പെഷലിസ്റ്റുകളുടെ ചികിത്സയുടെ ബലത്തിലാണ് മിക്കയുടെ ജീവിതം.
ചികിത്സച്ചെലവിനുള്ള പണം കണ്ടെത്തുന്നതിനു പുറമേ മിക്കയുടെ അച്ഛനമ്മമാര്‍ നേരിടുന്ന ഒരു പ്രധാന വെല്ലുവിളി പീച്ച് പഴങ്ങള്‍ കണ്ടെത്തുന്നതാണ്. ഫ്രഷ് പഴങ്ങള്‍ തന്നെ വേണംതാനും.
ഏതെങ്കിലും തരത്തില്‍ സംസ്‌കരിച്ചോ തണുപ്പിച്ചോ സൂക്ഷിച്ച പഴം കഴിച്ചാല്‍ മിക്കയ്ക്ക് രോഗം മൂര്‍ച്ഛിക്കും. സീസണല്ലാത്തപ്പോള്‍ ജൈവരീതിയില്‍ ഉല്‍പാദിപ്പിച്ച ഫ്രഷ് പഴങ്ങള്‍ കിട്ടാന്‍ സാധ്യതതീരെയില്ല താനും. എന്തുചെയ്യണമെന്നറിയാതെ വിഷമിക്കുകയാണ് മിക്കയുടെ അച്ഛനമ്മമാര്‍.
https://www.facebook.com/Malayalivartha
