മൂന്നടിയോളം നീളം വയ്ക്കുന്ന ചുറ്റിക തലയന് പുഴു
മലേഷ്യയില് ഹൈക്കിംഗ് നടത്തുന്നതിനിടെയാണ് ഡാനിഷ് ഹോ അസാധാരണമായ ഒരു കാഴ്ച കണ്ടത്. ചുറ്റിക തലയുള്ള ഒരു പാമ്പിനെയാണ് ഹോ കണ്ടത്. എന്നാല് വാസ്തവത്തില് അത് പാമ്പ് ആയിരുന്നില്ല. ബൈപാലിയം വിഭാഗത്തില് പെടുന്ന ഒരു പുഴുവായിരുന്നു. ഫ്ലാറ്റ് വേം ഇനത്തിലെ ഏറ്റവും വലിയ പുഴുവാണ് ചുറ്റിക തലയന് പുഴു.
ഏതോ സയന്സ് ഫിക്ഷന് സിനിമയില് നിന്നും പ്രത്യക്ഷപ്പെട്ട വിചിത്ര ജീവിയെ പോലെയാണ് അതിന്റെ രൂപ ഭാവങ്ങള്. അവ ഇപ്പോള് യു എസ് , യൂറോപ് എന്നിവിടങ്ങളില് അധിനിവേശം നടത്തുകയാണെന്നാണ് വിദഗ്ദ്ധര് പറയുന്നത്.
മലേഷ്യയുടെ തെക്കന് സംസ്ഥാനമായ ജോഹോറിലെ , ജോഹോര് ബഹ്റു പട്ടണ വാസികളായ ഹൊയും കുടുംബവും ഇത് വരെയും ഇത്തരത്തില് ഒന്നിനെ കണ്ടിട്ടില്ല. ഇതിന്റെ വിഡിയോയും ചിത്രങ്ങളും മലേഷ്യയില് മാത്രം തന്നെ 82000 തവണ ഷെയര് ചെയ്യപ്പെട്ടു കഴിഞ്ഞു.
ഈ വീഡിയോ സോഷ്യല് മീഡിയയില് പോസ്റ്റ് ചെയ്തു കൊണ്ട് ഹോ ചോദിച്ചത്, ഇത് എന്ത് തരം പാമ്പാണ് ഇതെന്നാണ്. അതിന് കമന്റ് സെക്ഷനില് വന്ന മറുപടിയിലാണ് പ്ലാനേറിയന് സ്പീഷീസില് പെട്ട ജീവിയാണതെന്ന് ഹോയ്ക്ക് മനസ്സിലായത്.
ചുറ്റിക തലയന് പുഴു മാംസാഹാരിയാണ്. അത് പുറപ്പെടുവിക്കുന്ന ഒരു തരം വഴുവഴുപ്പുള്ള ദ്രവത്തില് ഇരകളെ കുടുക്കിയാണ് അതിന്റെ ഇര പിടുത്തം. തന്റെ കണ്ഠനാളം കൊണ്ട് ഇരയെ വരിഞ്ഞു മുറുക്കി അതിന്റെ ശരീരത്തിലെ ജ്യൂസുകള് വലിച്ചു കുടിക്കുകയാണ് ചെയ്യുന്നത്. എന്നാല് മറ്റൊന്നും കഴിക്കാനില്ലാത്ത നേരത്ത് അതിന്റെ ആഹാര രീതി വിചിത്രമാണ്. അപ്പോള് അവ സ്വയം ആഹാരമാകുകയാണ് ചെയ്യുന്നത്. അങ്ങനെയുള്ള അവസരങ്ങളില് സ്വന്തം ശരീര കലകളെ തന്നെ ദഹിപ്പിച്ച് ആഹാരം ആക്കുകയാണ് ചെയ്യുന്നത്.അതിന്റെ പ്രത്യുത്പാദന അവയവങ്ങളെ പോലും ഈ അവസരത്തില് അത് ഭക്ഷണമാക്കാറുണ്ട്.
അതിന്റെ പ്രത്യുല്പ്പാദന രീതിയും വിചിത്രമാണ്. അവയ്ക്ക് മുട്ടയിട്ടും കുഞ്ഞുങ്ങളെ ജനിപ്പിനാവും. സ്വന്തം ശരീരത്തെ കഷ്ണം കഷ്ണമായി മുറിച്ചും കുഞ്ഞുങ്ങളെ ഉണ്ടാക്കാന് അവയ്ക്കു കഴിയും. മുറിഞ്ഞ ഓരോ കഷ്ണങ്ങള്ക്കും 10 ദിവസത്തിനുള്ളില് പുതിയ തല ഉണ്ടാകുമത്രേ. ഈ ജീവിയ്ക്ക് ശ്വസനേന്ദ്രിയ വ്യവസ്ഥയോ, രക്ത ചംക്രമണ വ്യവസ്ഥയോ, ഇല്ലെന്നതില് തീരുന്നില്ല ഇതിന്റെ പ്രത്യേകത. ഇതിന് അസ്ഥികൂട വ്യവസ്ഥയും ഇല്ല, കൂടാതെ അതിന്റെ മലദ്വാരമായി പ്രവര്ത്തിക്കുന്നത് അതിന്റെ വായ തന്നെയാണ്.
https://www.facebook.com/Malayalivartha