പുത്തന്‍ ബി എം ഡബ്ല്യു കാറില്‍ കയറുന്നത് പൂജയ്ക്കു ശേഷം മതിയെന്നായിരുന്നു തീരുമാനം, പക്ഷേ പൂജയ്ക്കിടെ സാമ്പ്രാണിത്തിരിയില്‍ നിന്ന് തീപിടിച്ച് കാര്‍ ചാരമായി!
ചൈനയിലെ ജിയാങ്‌സു നഗരത്തില്‍ ഒരു യുവാവ് ഏറെ ആഗ്രഹിച്ച് വാങ്ങിയ ബിഎംഡബ്ല്യു കാര്‍ വീട്ടിലേക്ക് കൊണ്ടുവന്നു. വരവ് ആഘോഷമാക്കാന്‍ യുവാവ് ഒരു പൂജയൊക്കെ ഏര്‍പ്പാട് ചെയ്തിരുന്നു. പക്ഷേ പൂജയ്‌ക്കൊടുവില്‍ സംഭവിച്ചതെന്തെന്നോ? ബിഎംഡബ്ല്യു തീപിടിച്ച് കത്തി ചാരമായി. 50 ലക്ഷം രൂപ ചെലവിട്ടാണ് യുവാവ് ഏറെകാലമായുള്ള സ്വപ്നമായ ബിഎംഡബ്ല്യു വീട്ടിലെത്തിച്ചത്.
കാറിന് ചുറ്റും പൂജാവസ്തുക്കള്‍ വച്ച് ആരാധന നടത്തുന്നതിനിടയിലാണ് സാമ്പ്രാണിത്തിരിയില്‍ നിന്നും ആഡംബര വാഹനത്തിന് തീ പിടിക്കുന്നത്. ചുവന്ന തുണിയില്‍ വച്ച് സുഗന്ധവസ്തുക്കള്‍ പുകയ്ക്കുന്നതിനിടെയാണ് തീ പടര്‍ന്നത്. പൂജയില്‍ പങ്കെടുത്ത വീട്ടുകാര്‍ കാറിന് ചുറ്റും സാമ്പ്രാണിത്തിരി വച്ചത് യുവാവ് ശ്രദ്ധിച്ചിരുന്നില്ല.
തീ പിടിച്ച് കുറഞ്ഞ സമയത്തിനുള്ളില്‍ ബിഎംഡബ്ല്യു കത്തി ചാരമായി. വീഡിയോ ഫേസ്ബുക്കില്‍ പ്രചരിച്ചതോടെയാണ് സംഭവം പുറത്തറിയുന്നത്. അഗ്‌നിശമന സേനയുടെ പെട്ടന്നുള്ള ഇടപെടലാണ് സമീപത്തെ കെട്ടിടങ്ങളിലേക്ക് തീപടരുന്നത് ഒഴിവാക്കിയത്.
https://www.facebook.com/Malayalivartha
