ടെക്സാസിൽ അടിവസ്ത്രമുപയോഗിച്ച്‌ മുഖം മറച്ച്‌ വ്യാപാര സ്ഥാപനത്തില്‍ മോഷണം നടത്തിയ മോഷ്ടാവിനെ പിടികൂടാൻ നാട്ടുകാരുടെ സഹായം തേടുകയാണ് അന്വേഷണ ഉദ്യോഗസ്ഥർ. ജൂണ്‍ മാസം പതിനാറിനായിരുന്നു വന്‍കിട വ്യാപാര സ്ഥാപനത്തിലെ ഈ രസകരമായ മോഷണം.

ഇക്കഴിഞ്ഞ ബുധനാഴ്ച്ച വ്യാപാര സ്ഥാപനത്തിന്റെ ജനാല പൊളിച്ച്‌ അകത്ത് കയറുന്ന കള്ളന്റെ സിസിടിവി ദൃശ്യങ്ങൾ ടെക്സാസിലെ ലീയാണ്ടര്‍ പൊലീസ് പുറത്തു വിട്ടു. നീല നിറമുള്ള അടിവസ്ത്രമുപയോഗിച്ച്‌ മുഖംമറച്ച കള്ളനെ തിരിച്ചറിയാന്‍ സാധിച്ചില്ലെങ്കിലും കുറഞ്ഞ സമയം കൊണ്ട് പൊലീസ് പുറത്ത് വിട്ട വീഡിയോ വൈറലാകുകയായിരുന്നു.

ഇത് ആദ്യമായല്ല മോഷണത്തിന്റെ വീഡിയോ സമൂഹമാധ്യമങ്ങളില്‍ ചിരി പടര്‍ത്തുന്നത്. ഏതായാലും വീഡിയോ വൈറലായതോടെ കള്ളന് പണി കിട്ടുമെന്നത് ഉറപ്പാണ്.

വീഡിയോ കാണാം.....