മുപ്പത്തഞ്ചു വയസുള്ള ഒരു യുവതി തന്റെ കാലില്‍ കറന്റ് അടിക്കുന്നതുപോലെ തോന്നുന്നു എന്ന പരാതിയുമായാണ് ഫ്രാന്‍സിലെ ഒരാശുപത്രിയില്‍ ഡോക്ടറെ കാണാനെത്തിയത്.

കാലുകള്‍ക്ക് വിറയല്‍, വൈദ്യുതി പ്രവഹിക്കുന്നു തുടങ്ങിയ ലക്ഷണങ്ങള്‍ അനുഭവപ്പെടുന്നുണ്ടെന്നും അവര്‍ അറിയിച്ചു. വിശദമായ പരിശോധന നടത്തിയ ഡോക്ടര്‍ ഞെട്ടിപ്പോയി.

യുവതിയുടെ നട്ടെല്ലിനുള്ളില്‍ കണ്ടെത്തിയ നാടവിരയുടെ ലാര്‍വയാണ് യുവതിയുടെ ഈ അവസ്ഥയ്ക്ക് കാരണമായത്. ന്യൂ ഇംഗ്ലണ്ട് ജേര്‍ണല്‍ ഓഫ് മെഡിസിന്റെ റിപ്പോര്‍ട്ട് അനുസരിച്ച് കുതിരസവാരിയില്‍ കമ്പമുള്ള ആളാണ് രോഗി. കൂടാതെ കന്നുകാലിവളര്‍ത്തലുമുണ്ട്. ഈ രോഗലക്ഷണങ്ങള്‍ കാരണം കുതിരസവാരി നടത്താന്‍ കഴിയുന്നില്ല. അതിനാലാണ് അവര്‍ ആശുപത്രിയിലെത്തിയത്.

ശസ്ത്രക്രിയ നടത്തി നാടവിരയുടെ ലാര്‍വകളെ നീക്കം ചെയ്തു. എക്കിനോകോക്കസ് ഗ്രാനുലോസസ് എന്ന അണുബാധയാണ് ഈ അവസ്ഥയ്ക്കു കാരണം. നായ്ക്കളിലും മറ്റു വളര്‍ത്തുമൃഗങ്ങളിലുമാണ് ഈ പരാദവിരകള്‍ കാണപ്പെടുന്നത്.