ഛത്തീസ്ഗഡില്‍ 12-ാം നൂറ്റാണ്ടിലെ സ്വര്‍ണ നാണയങ്ങള്‍ ലഭിച്ചു. സ്വര്‍ണ നാണയങ്ങളും വെള്ളി നാണയവും ലഭിച്ചത്, ഛത്തീസ്ഗഡിലെ കൊന്‍ഡഗണില്‍ റോഡ് നിര്‍മിക്കുന്നതിനായി മണ്ണ് എടുത്തപ്പോഴാണ്.

മണ്‍കലത്തില്‍ സൂക്ഷിച്ച നിലയിലായിരുന്നു നാണയങ്ങള്‍. 57 സ്വര്‍ണ നാണയങ്ങളും ഒരു വെള്ളി നാണയവുമാണ് ലഭിച്ചതെന്ന് ജില്ലാ കളക്ടര്‍ നിലകാന്ത് പറഞ്ഞു.

കോര്‍കോടി ബെഡ്മാ ഗ്രാമങ്ങളെ തമ്മില്‍ ബന്ധിപ്പിക്കുന്നതിനായി റോഡ് നിര്‍മിക്കുന്നതിനിടെയാണ് നാണയങ്ങള്‍ ലഭിച്ചതെന്നും കളക്ടര്‍ പറഞ്ഞു.