30 വര്ഷമായി ഉറങ്ങിയിട്ടില്ലാത്ത ഈ 70-കാരന് ഇപ്പോഴും ഒരാഗ്രഹം ബാക്കി!
സൗദി പൗരനായ ഒരു 70-കാരന് ഉറക്കം നഷ്ടപ്പെട്ടിട്ട് 30 വര്ഷങ്ങളായി. നിരവധി ഡോക്ടര്മാരും വിദഗ്ദ്ധന്മാരും ഇദ്ദേഹത്തെ പരിശോധിച്ചെങ്കിലും പരിഹാരമുണ്ടായിട്ടില്ല.
സൈനിക സേവനം അനുഷ്ഠിക്കുന്ന കാലത്ത് ഒരു സൈനിക അസൈന്മെന്റുമായി ബന്ധപ്പെട്ട് ഇദ്ദേഹം തുടര്ച്ചയായി 20 ദിവസത്തോളം ഉണര്ന്നിരുന്നിരുന്നു. അതിനു ശേഷം ഉറക്കം കിട്ടിയിട്ടേ ഇല്ല എന്നാണ് സൗദി മാധ്യമങ്ങള് റിപ്പോര്ട്ട് ചെയ്യുന്നത്. ഇദ്ദേഹത്തിന്റെ ലക്ഷണങ്ങള്ക്ക് മരുന്നുകള് നല്കിയെങ്കിലും ഉറക്കം തിരികെയെത്തിയില്ല.
ഒടുവില് സൈനിക സേവനം അവസാനിച്ച ശേഷം തന്റെ അവസ്ഥയുടെ കാരണം കണ്ടുപിടിക്കാന് ഇദ്ദേഹം ആശുപത്രികള് കയറിയിറങ്ങിയെങ്കിലും ഫലമുണ്ടായില്ല. നാല് രാജ്യങ്ങളില് നിന്നുള്ള ഡോക്ടര്മാരുടെ സംഘത്തിന് പോലും ഇദ്ദേഹത്തിന്റെ അവസ്ഥയുടെ കാരണം കണ്ടെത്താന് കഴിഞ്ഞില്ല.
അടുത്തിടെയാണ് ഇദ്ദേഹത്തിന്റെ കഥ സൗദി അറേബ്യന് പ്രദേശമായ അല് ബാഹയുടെ എമിര് (അമിര്) കേള്ക്കാനിടയായത്. വിവരങ്ങളെല്ലാം അറിഞ്ഞപ്പോള് ഇദ്ദേഹത്തിന് എന്ത് ആവശ്യമുണ്ടെങ്കിലും സാധിച്ചു കൊടുക്കാനുള്ള സന്നദ്ധത അമിര് അറിയിച്ചു.
ഒരു ഫാമിലി കാര് വാങ്ങണം എന്നതാണ് തന്റെ ഇപ്പോഴത്തെ ആഗ്രഹമെന്ന് ഇയാള് പറഞ്ഞതോടെ എമിര് ഇദ്ദേഹത്തിന്റെ എല്ലാ ആവശ്യങ്ങളും നിറവേറ്റാമെന്ന് ഉറപ്പ് നല്കിയിരിക്കുകയാണ്.
https://www.facebook.com/Malayalivartha