സ്ഫടികത്തില്‍ മോഹന്‍ലാല്‍ പറയുന്ന പ്രശസ്തമായ ഡയലോഗ് ഇവിടെ അപ്രസക്തം. ഉസൈന്‍ ബോള്‍ട്ടിന് എല്ലാം മറന്ന് ഓടാന്‍ കഴിയുന്നത് ആടിന്റെ ചങ്കിലെ ചോര കുടിച്ചല്ല. പകരം മാക്‌സിമം എന്‍ജോയ് ചെയ്ത് മനസ് റിലാക്‌സ് ചെയ്യും. അതിന് വേഗതയുടെ ഓട്ടക്കാരന്‍ ഉസൈന്‍ ബോള്‍ട്ട് തെരഞ്ഞെടുത്ത വഴിയാണ് ആരേയും ഞെട്ടിക്കുന്നത്. ഒരു ദിവസം 3 സ്ത്രീകള്‍ വരെയാണ് ഉസൈന്‍ ബോള്‍ട്ടിന്റെ സന്തോഷത്തിനായി അണിനിരക്കുന്നത്.

ഈ ജമൈക്കന്‍ താരത്തിന്റെ സ്ത്രീ ലമ്പടം മുമ്പും വാര്‍ത്തയായതാണ്. പക്ഷെ ജമൈക്കയ്‌ക്കോ ഭരണാധികാരികള്‍ക്കോ ജനങ്ങള്‍ക്കോ യാതൊരു പരാതിയും ബോള്‍ട്ടിനോടില്ല. കാരണം ലോകത്തിനു മുമ്പില്‍ ജമൈക്കയ്ക്കയെ തിരിച്ചറിയിപ്പിച്ചയാളാണ് ബോള്‍ട്ട്. ബോള്‍ട്ടിനെ ടെന്‍ഷനടിപ്പിച്ചാല്‍ പിന്നെ ഓട്ടവുമില്ല ബോള്‍ട്ടുമില്ല.

പാപ്പരാസികള്‍ നടത്തിയ അന്വേഷണത്തിലാണ് ഞെട്ടിക്കുന്ന ചൂടുള്ള ഓട്ട രഹസ്യങ്ങള്‍ പുറത്തായത്. ഞായറാഴ്ച രാത്രി റിയോയിലെ നിശാക്ലബ്ബില്‍ ബോള്‍ട്ട് ചെലവിട്ടത് മൂന്ന് സ്ത്രീകള്‍ക്കൊപ്പമായിരുന്നു. ബോള്‍ട്ടുമായി കിടക്കപങ്കിടുന്ന ചിത്രങ്ങള്‍ 20കാരിയായ വിദ്യാര്‍ത്ഥിനി വാട്‌സാപ്പിലൂടെ പങ്കുവച്ചിരുന്നു. അതിന് ഏതാനും മണിക്കൂര്‍ മുമ്പ് ബോള്‍ട്ട് മറ്റൊരു യുവതിയെ ചുംബിക്കുന്ന ചിത്രങ്ങളും പുറത്തുവന്നു. ഈ ചിത്രങ്ങള്‍ പുറത്തു വിടുന്നതും സ്ത്രീകളാണ്. കാരണം തങ്ങളും ബോള്‍ട്ടുമായുള്ള ബന്ധം ലോകത്തിന് കാട്ടുകയാണ് അവരുടെ ലക്ഷ്യം. അത് അവര്‍ക്ക് അഭിമാനമാണ്.

തന്റെ 30ആം പിറന്നാള്‍ ദിനമായ ഞായറാഴ്ച ബോള്‍ട്ട് റിയോയിലെ ബാഹ ദെ തിജൂക്കയിലുള്ള നിശാക്ലബ്ബില്‍ സുന്ദരിമാര്‍ക്കൊപ്പം ആഘോഷിക്കുകയായിരുന്നു. തനിക്കുവേണ്ടി 1000 പൗണ്ട് ബാറില്‍ ബില്ലടയ്ക്കുകയും ചെയ്തിരുന്നു. ബാറില്‍ ഒരു സത്രീക്കൊപ്പം ബോള്‍ട്ട് കുടിച്ചുമറിയുന്ന ചിത്രവും പുറത്തുവന്നിരുന്നു. 

ഞായറാഴ്ച നടന്ന സമാപനചടങ്ങളുകളില്‍ പങ്കെടുത്ത ശേഷമാണ് ബോള്‍ട്ട് നിശാക്ലബ്ബിലെത്തിയതെന്നാണ് സൂചന. അന്നു രാത്രി ബോള്‍ട്ടിനൊപ്പം കഴിഞ്ഞ സ്ത്രീകളിലൊരാള്‍ റിയോയിലെ കുപ്രസിദ്ധനായ മാഫിയാ തലവന്റെ വിധവയാണെന്നും റിപ്പോര്‍ട്ടുണ്ട്. ബോള്‍ട്ടിനൊപ്പമുണ്ടായിരുന്ന രണ്ടാമത്തെ സ്ത്രീയേതെന്ന് വ്യക്തമല്ല.
ഡീന ടെറര്‍ എന്നറിയപ്പെട്ടിരുന്ന അധോലോക നായകന്‍ ഡഗ്ലസ് ഡൊനാറ്റോ പെരേരയുടെ വിധവകൂടിയായ 20കായി ജെയ്ഡി ഡ്യൂറാറ്റെ എന്ന യുവതി താനും ബോള്‍ട്ടുമായി കിടക്ക പങ്കിടുന്നതിന്റെ ചിത്രങ്ങള്‍ വാട്‌സാപ്പിലൂടെ പങ്കുവച്ചത്. ഇക്കൊല്ലം മാര്‍ച്ചില്‍ പൊലീസിന്റെ വെടിയേറ്റാണ് ഡീന കൊല്ലപ്പെട്ടത്.

പിറന്നാള്‍ ആഘോഷവുമായി ബന്ധപ്പെട്ട് ഞായറാഴ്ച പുലരുംവരെ നിശാക്ലബ്ബില്‍ ചെലവിട്ട ശേഷമാണ് ബോള്‍ട്ട് മടങ്ങിയത്. അതിനിടെ ബോള്‍ട്ടും കാമുകി കാസി ബെന്നറ്റുമായുള്ള വിവാഹം ഉടനുണ്ടായേക്കുമെന്ന് കഴിഞ്ഞ ദിവസം റിപ്പോര്‍ട്ടുണ്ടായിരുന്നു.