സ്വാശ്രയ സീറ്റ് പിടിച്ചെടുത്തത് കണ്ണില്‍ മണ്ണിടാന്‍
സംസ്ഥാനത്തെ സ്വാശ്രയ മെഡിക്കല്‍ കോളേജുകളിലെ മുഴുവന്‍ സീറ്റും ഏറ്റെടുത്ത സര്‍ക്കാര്‍ നടപടി പൊതു ജനങ്ങളുടെ കണ്ണില്‍ പൊടിയിടാനുള്ള തന്ത്രമാണെന്ന് സൂചന. സര്‍ക്കാര്‍ നടപടിയ്‌ക്കെതിരെ ന്യൂനപക്ഷ സമുദായങ്ങള്‍ രംഗത്തെത്തി. എം.ഇഎസും ക്രൈസ്തവ സമുദായാംഗങ്ങളും അടക്കമുള്ളവര്‍ ഹൈക്കോടതിയെ സമീപിച്ചു കഴിഞ്ഞു. ന്യൂനപക്ഷങ്ങള്‍ക്ക് ഭരണഘടനാദത്തമായി ലഭിച്ചിരിക്കുന്ന അധികാരങ്ങള്‍ കവര്‍ന്നെടുക്കാന്‍ സര്‍ക്കാരിനു കഴിയുകയില്ല. അപ്പോള്‍ സര്‍ക്കാര്‍ നടപടി കോടതി റദ്ദാക്കും. അങ്ങനെ വരുമ്പോള്‍ തങ്ങള്‍ക്ക് ഇരട്ടി ഇമേജ് ലഭിക്കുമെന്നാണ് സര്‍ക്കാരിന്റെ കണക്കു കൂട്ടല്‍.
ക്രൈസ്തവ മുസ്ലീം സമുദായങ്ങള്‍ക്കാണ് കേരളത്തില്‍ ഏറ്റവുമധികം മെഡിക്കല്‍ കോളേജുകളുള്ളത്. കേരള സര്‍ക്കാരാകട്ടെ ഹിന്ദുക്കളുടെ സര്‍ക്കാര്‍ എന്നാണ് അറിയപ്പെടുന്നത്. മുസ്ലീംങ്ങള്‍ക്കും ക്രൈസ്തവര്‍ക്കുമെതിരെ എന്തു നടപടി സര്‍ക്കാര്‍ സ്വീകരിച്ചാലും ഹിന്ദു സമുദായാംഗങ്ങള്‍ക്കിടയില്‍ കൈയടി ലഭിക്കും. കേരളത്തില്‍ നിന്നും ധാരാളം ഹിന്ദുക്കള്‍ ബിജെപിയിലേയ്ക്ക് ചേക്കേറി കഴിഞ്ഞു. കഴിഞ്ഞ യുഡിഎഫ് സര്‍ക്കാരിന്റെ ഭൂരിപക്ഷ വിരുദ്ധ നയങ്ങളാണ് കാരണം.
തങ്ങള്‍ ചെയ്യേണ്ടത് ചെയ്‌തെങ്കിലും കോടതി വിധി എതിരായി മാറിയെന്നു സര്‍ക്കാരിനു വരുത്തി തീര്‍ക്കണം, അതിനുള്ള കൈവിട്ട കളികളാണ് ഇപ്പോള്‍ നടക്കുന്നത്. സര്‍ക്കാര്‍ ഇപ്പോള്‍ സ്വീകരിച്ചിരിക്കുന്ന നിലപാടിന് നിയമപരമായ യാതൊരു സാധൂകരണവുമില്ല. അക്കാര്യം സര്‍ക്കാരിനുമറിയാം.
ഇതിനിടെ കോടിയേരിയെ കണ്ട ചില ബിഷപ്പുമാരോട് കോടതിയെ സമീപിക്കാന്‍ അദ്ദേഹം ഉപദേശിച്ചതായി അറിയുന്നു. കോടിയേരിയും ക്രൈസ്തവ സഭാംഗങ്ങളുമായി അടുത്ത ബന്ധമുണ്ട്. എംഇ എസുമായും കോടിയേരിക്കുള്ളത് ഊഷ്മള ബന്ധമാണ്. പിണറായിക്കും എംഇഎയുമായി ബന്ധമുണ്ട്. എന്നാല്‍ സര്‍ക്കാര്‍ നിലപാട് കോടതി റദ്ദാക്കട്ടെ എന്നാണ് പിണറായി ഉപദേശിക്കുന്നത്.
https://www.facebook.com/Malayalivartha
