വാടക കാര് ഓടിക്കുന്ന ഡ്രൈവര്മാരോട് ഉപഭോക്താക്കള് പങ്കുവച്ച ചില കഥകളിലൊന്ന്
പാശ്ചാത്യ രാജ്യങ്ങളില് കാര് ഡ്രൈവര്മാരായി ജോലി നോക്കുന്ന ചിലര് തങ്ങളുടെ അനുഭവങ്ങള് ഓണ്ലൈനില് പങ്കു വച്ചു.
ഒരു ബുധനാഴ്ച രാത്രി പത്തു മണി കഴിഞ്ഞ സമയത്താണ് ഒരു പെണ്കുട്ടി വാടകയ്ക്കു കാര് വിളിച്ചത്. മദ്യപിച്ചു വെളിവു കെട്ട സ്ഥിതിയിലായിരുന്നു അവള്. യാത്രാവസാനം കാര് വൃത്തിയാക്കേണ്ടി വരുമെന്ന സ്ഥിതിയുണ്ടാവും എന്ന് ഡ്രൈവര്ക്കു തോന്നി അതിനുള്ള കാശ് കൂടുതല് വാങ്ങാമല്ലോ എന്നോര്ത്ത് സന്തോഷിച്ച് കാര് ഓടിച്ചു തുടങ്ങി.
ഇത്രയധികം മദ്യപിച്ച സ്ഥിതിയില് കാറില് കയറിയതിന് അവള് ആദ്യമേ തന്നെ അയാളോട് ക്ഷമാപണം നടത്തി. എന്നിട്ട് അല്പനേരം നഗരത്തിലൊന്നു ചുറ്റിയടിച്ചിട്ട് എത്തേണ്ട സ്ഥലത്ത് കൊണ്ടു വിട്ടാല് മതി എന്നും അവള് പറഞ്ഞു. യാത്രക്കാര് ഛര്ദ്ദിക്കുകയാണെങ്കില് ശേഖരിക്കാന് കരുതുന്ന വൊമിറ്റ് ബാഗ് ഒക്കെയെടുത്ത് അയാള് കൈയ്യെത്തുന്ന ദൂരത്തു വച്ചിട്ട് ഡ്രൈവിംഗ് തുടര്ന്നു. എന്നാല് അതിന്റെ ആവശ്യം ഉണ്ടായില്ല. അവള് ജനാലയിലൂടെ പുറത്തേക്ക് തല നീട്ടി കാര്യം സാധിച്ചു.
മരിക്കുന്നതിനെ കുറിച്ച് ചിന്തിച്ചു നോക്കിയിട്ടുണ്ടോ എന്ന് പെട്ടെന്നാണ് അവള് അയാളോട് ചോദിച്ചത്. അതിന് അതെ ഞാന് മരണത്തെക്കുറിച്ചൊക്കെ ചിന്തിച്ചിട്ടുണ്ട് എന്ന് അയാള് മറുപടി നല്കി.തുടര്ന്ന് അവള് പറഞ്ഞു എന്റെ കൂടെ ജോലി ചെയ്യുന്നവര് തനിക്കു തന്ന യാത്രയയപ്പ് പാര്ട്ടിയില് സംബന്ധിച്ചിട്ടു വരുന്ന വഴിയാണ്. അവള്ക്ക് വിദേശത്ത് വളരെ മികച്ച ഒരു ജോലി ലഭിച്ചെന്നും അതിനാല് സുഹൃത്തുക്കളെയെല്ലാം വിട്ടു പോകേണ്ടി വരുമെന്നും അവള് അറിയിച്ചതിനെ തുടര്ന്ന് അവര് നല്കിയ യാത്ര അയപ്പു പാര്ട്ടിയായിരുന്നു അന്നു രാത്രി കഴിഞ്ഞത്. അതിനാലാണ് മതി മറന്നു മദ്യപിച്ചതത്രേ.
അയാള് വലിയ താത്പര്യമൊന്നും ഇല്ലാതെ മൂളി കൊണ്ടേയിരുന്നു എന്നാല് അവര് വിചാരിക്കുന്നതു പോലെ ഞാന് പോകുന്നത് വിദേശത്തേക്കല്ല, ഈ ലോകം വിട്ടു പോകാനാണ് താന് തയ്യാറെടുത്തു കൊണ്ടിരിക്കുന്നതെന്ന് അവള് പറഞ്ഞപ്പോള് ഡ്രൈവര് ഞെട്ടിത്തിരിഞ്ഞു നോക്കി. അവള് പറഞ്ഞു, തനിക്ക് ബ്രെയിന് കാന്സറാണ്. വല്ലാതെ ബാധിച്ചു കഴിഞ്ഞാണ് കണ്ടെത്തിയതെന്നതിനാല് ഇനി ഒരു ചികിത്സയും നടത്താനാവില്ലത്രേ. കീമോ തെറാപ്പിയ്ക്കൊന്നും സാധ്യതയില്ലെന്ന് അവളറിഞ്ഞതു കൊണ്ടാണ് സുഹൃത്തുക്കളെയൊക്കെ വിട്ട് ദൂരെപ്പോകുകയാണെന്ന് അവള് അവരോട് പറഞ്ഞതെന്നും അറിയാതെയാണെങ്കിലും അവളുടെ അവസാന യാത്ര ഗംഭീരമാകണം എന്ന് ആശംസിച്ചു കൊണ്ടുള്ള പാര്ട്ടിയില് പങ്കെടുത്തിട്ട് തിരികെ പോവുന്ന വഴിയാണെന്നും അവള് പറഞ്ഞപ്പോള് അയാള് ഞെട്ടിത്തരിച്ചു പോയി.
അവളെ കൊണ്ടു വിട്ടിട്ട് തിരികെ പോരുമ്പോള് വീടെത്തുവോളം കരയുകയായിരുന്നുവെന്ന് അയാള് ഇന്റര്നെറ്റില് പോസ്റ്റു ചെയ്ത വിവരണത്തില് വെളിപ്പെടുത്തി.
https://www.facebook.com/Malayalivartha