16 വര്ഷം കഴിഞ്ഞപ്പോഴാണ് വിവാഹം ഉപേക്ഷിക്കേണ്ടിയിരിക്കുന്നു എന്നു തോന്നിയത്, പക്ഷെ അതു നടക്കുന്നതിനു മുമ്പേ.....
മേഗന് ഷോര്ട്ടിന്റെ ഫെയ്സ്ബുക്കില് എത്തപ്പെട്ട ഒരു ലേഖനത്തില് അവള് ക്ലിക്കു ചെയ്തപ്പോള് തന്റെ ജീവിതം മാറിമറിയുവാന് പോകുകയാണെന്ന് കരുതിയിരുന്നില്ല. അവന് എന്നെ അടിച്ചില്ല, എങ്കിലും അത് നിന്ദയും അധിക്ഷേപവുമായിരുന്നു എന്ന തലക്കെട്ടാണ് ആ ലേഖനത്തിനുണ്ടായിരുന്നത്.
ലെയ് സ്റ്റെയ്ന് എന്ന അതിന്റെ എഴുത്തുകാരി, ശാരീരിക ഉപദ്രവം ഇല്ലെങ്കിലും അങ്ങേയറ്റം വേദനാജനകമായ ഒരു വിവാഹ ബന്ധത്തില് തുടരുന്നവരെ കുറിച്ചാണ് എഴുതിയിരുന്നത്. ലെയ് സ്റ്റെയ്നിന്റെ മുന് ഭര്ത്താവ് അവളോട് ഇടപെട്ട രീതിയെകുറിച്ചാണ് അവള് വിവരിച്ചിരുന്നത്. അയാള് അവളെ ശാരീരികമായി ഉപദ്രവിക്കുന്നേയില്ലായിരുന്നു. എന്നാല് അവളെ അവളുടെ സുഹൃത്തുക്കളില് നിന്നും കുടുംബത്തില് നിന്നുമെല്ലാം അകറ്റി. അവളുടെ ഓരോ ചലനങ്ങളും നിയന്ത്രിച്ചിരുന്നത് അയാളായിരുന്നു. പൊതു സ്ഥലങ്ങളില് വച്ച് അവളെ പരസ്യമായി ശകാരിക്കാനും കുറ്റപ്പെടുത്തുവാനും ശ്രമിച്ചു.
എന്നിട്ടും അത് ഒരു പ്രശ്നമുള്ള വിവാഹജീവിതമാണെന്നും വിവാഹമോചനം നേടേണ്ടതുണ്ടെന്നും അവള്ക്കു തോന്നിയില്ല. കാരണം അവളുടെ ഭര്ത്താവ് അവളെ തല്ലുന്നുണ്ടായിരുന്നില്ല അവളുടെ എല്ലുകള്ക്കും പല്ലുകള്ക്കും ക്ഷതമേല്ക്കുന്നുണ്ടായിരുന്നില്ല. രായ്ക്കുരാമാനം ചികിത്സ തേടി പോകേണ്ടി വരുന്നുണ്ടായിരുന്നില്ല. തന്മൂലം ഇതൊരു കുഴപ്പം പിടിച്ച വിവാഹ ജീവിതമാണെന്ന് അവര്ക്കു തോന്നിയില്ലത്രേ.
ഒടുവില് താന് വന്നുപെട്ടിരിക്കുന്ന ദുര്ഗ്ഗതിയുടെ കാണാത്ത വശത്തെ കുറിച്ച് ബോധവതിയായത് പിന്നീടാണ് എന്ന് ലെയ് സ്റ്റെയ്ന് എഴുതിയത് വായിച്ചപ്പോഴാണ് മേഗന് ഷോര്ട്ടും തന്റെ ജീവിതത്തില് അനുഭവിക്കുന്ന അവസ്ഥയും അതാണെന്ന് തിരിച്ചറിഞ്ഞത്. ആ ഫേസ് ബുക്ക് പോസ്റ്റിനടിയില്, ഇതേ കാരണങ്ങള് കൊണ്ട് ഞാനും എന്റെ വിവാഹബന്ധത്തില് നിന്നും പുറത്തു പോകുന്നു എന്ന കമന്റിട്ടെങ്കിലും അവള്ക്ക് പിന്നീട് ജീവിതത്തിലേക്ക് നടക്കാന് കഴിഞ്ഞില്ല.
ഭര്ത്താവിനെ ഉപേക്ഷിച്ച് ഇറങ്ങിപ്പോകാന് അവള് തെരഞ്ഞെടുത്ത അതേ ദിവസത്തില് അവളുടെ ഭര്ത്താവ് അവളേയും മൂന്നു മക്കളേയും വെടിവച്ചു കൊന്നിട്ട് സ്വയം വെടിവച്ചു മരിക്കുകയായിരുന്നു.
നാഷണല് കൊയാലിഷന് എഗെയ്ന്റ്സ്റ്റ് ഡൊമസ്റ്റിക് വയലന്സിന്റെ എക്സിക്യൂട്ടീവ് ഡയറക്ടറായ റൂത്ത് ഗ്ലെന് പറയുന്നത് ശാരീരിക ഉപദ്രവം ഉള്ള വിവാഹ ബന്ധങ്ങള് മാത്രമല്ല ദുരന്തമായേക്കാവുന്നത്, മാനസിക പീഡനങ്ങളെ തുടര്ന്നും ജീവിതത്തില് കാലുഷ്യം കലരുമെന്നും എല്ലാവരും ഓര്ക്കണമെന്നാണ് റൂത്ത് പറയുന്നത്.ശാരീരിക ഉപദ്രവത്തിന്റെ തെളിവുകളില്ലെങ്കിലും ഗാര്ഹിക പീഡനത്തിനും നിയമസഹായം തേടാവുന്നതാണെന്ന് അവര് ഓര്മ്മിപ്പിക്കുന്നു.
ഷോര്ട്ട് വെടിയേല്ക്കുന്നതിനു മൂന്നാഴ്ച മുമ്പ് അവള് ആദ്യമായും അവസാനമായും ഗാര്ഹിക പീഡനത്തിന് പോലീസ് സഹായം തേടിയിരുന്നു.അമേരിക്കയിലെ അടിയന്തിരമായ പോലീസ് സംരക്ഷണം ആവശ്യപ്പെട്ടു വിളിക്കുന്ന 9-1-1 നമ്പരിലേയ്ക്കു വിളിച്ച അവള് തനിക്ക് തന്റെ ഭര്ത്താവിനെ ഭയമാണെന്ന് അറിയിച്ചു. എന്നാല് ഉടന് സ്ഥലത്തെത്തിയ പോലീസിന് കേസു ചാര്ജു ചെയ്യാന് പറ്റിയ യാതൊരു ശാരീരിക പീഡന തെളിവുകളും ലഭിച്ചില്ല. തന്മൂലം അവര് അവിടത്തെ പ്രാദേശിക ഗാര്ഹിക പീഡന സേവന കേന്ദ്രത്തില് പോയി സുരക്ഷയ്ക്കായുള്ള ആസൂത്രണങ്ങള് നടത്തണമെന്നും കൗണ്സിലിംഗ് സ്വീകരിക്കണമെന്ന ഉപദേശം നല്കി യാത്രയായി. അതിനു തൊട്ടടുത്ത ദിവസമാണ് അവളുടെ ഭര്ത്താവ് പോയി തോക്ക് വാങ്ങിയത്.
തന്മൂലം മാനസിക പീഡനങ്ങള് ഉള്ള വിവാഹങ്ങളും ജീവനെടുക്കുന്ന രീതിയില് ദുരന്ത പൂര്ണ്ണമാകാനുള്ള സാധ്യത വളരെയേറെയാണെന്ന സത്യം എല്ലാവരും തിരിച്ചറിയണമെന്ന് അവര് പറയുന്നു.
https://www.facebook.com/Malayalivartha