ആ കുട്ടി എനിക്കെന്റെ മോളെപ്പോലെ... അവളോട് ചോദിച്ചാല് എല്ലാം പറയും; പിന്നെ അവള് കരഞ്ഞതെന്തിനെന്നാല്...
ആ കുട്ടി എനിക്കെന്റെ മോളെപ്പോലെയെന്ന് ആരോപണ വിധേയമായ അസി. കമാന്ഡന്റ് വിനയകുമാര് നായര്. കൊല്ലത്തു നടന്ന ദേശീയ സൈബര് സുരക്ഷ സമ്മേളനത്തിനിടെ അവതാരകയോട് മോശമായി പെരുമാറിയെന്ന ആരോപണങ്ങള്ക്കാണ് വിശദീകരണവുമായി അദ്ദേഹം രംഗത്തെത്തിയത്.
കോളേജ് വിദ്യാര്ത്ഥിയായ ഒരു പെണ്കുട്ടിയുടെ അച്ഛനാണ് ഞാന്. പെണ്കുട്ടിയോട് മോശമായി പെരുമാറിയിട്ടില്ല. അവതാരക പരാതി നല്കിയതായി വിശ്വസിക്കുന്നില്ല.
ഒരു മാധ്യമത്തിലാണ് ആദ്യം വാര്ത്ത വന്നത്. തുടര്ന്ന് മറ്റുള്ളവയും ഏറ്റെടുക്കുകയായിരുന്നു. എനിക്കു പ്രദര്ശനത്തിന്റെ ചുമതലയായിരുന്നെന്നും സമ്മേളന ഹാളില് വന്നതുമാണെന്നുള്ള ആരോപണങ്ങള് മുതല് എല്ലാം കെട്ടി ചമച്ചതാണ്. പ്രോഗ്രാം കമ്മറ്റി കണ്വീനറായിരുന്നു ഞാന്. സ്റ്റേജിന്റെ ചുമതല ഉണ്ടായിരുന്ന ഉദ്യോഗസ്ഥനോട് ചോദിച്ചാല് എല്ലാം വ്യക്തമാകും. പരിപാടിയുടെ നിയന്ത്രണവും അവതാരകര്ക്ക് നിര്ദ്ധേശം നല്കുന്നതും എന്റെ ചുമതല ആയിരുന്നു.
അവതാരകരുടെ നമ്പറും കയ്യിലുണ്ടായിരുന്നു. നമ്പര് ചോദിച്ചു ശല്യപ്പെടുത്തിയെന്നതും തെറ്റാണ്. പരിപാടി നടക്കുന്നതിനു മുന്പ് പെണ്കുട്ടി കരയുന്നതു കണ്ടു കാര്യം അന്വേഷിച്ചപ്പോള് അവതരണം തെറ്റിയത് കൊണ്ട് മാഡം വഴക്കു പറഞ്ഞു എന്നാണ് പറഞ്ഞത് എന്നാല് ഏത് മാഡം ആണെന്ന് പറഞ്ഞില്ല. പരിപാടിയുടെ ദിവസങ്ങളില് ഭക്ഷണം കഴിക്കാനൊക്കെ അവതാരകരായ പെണ്കുട്ടികള് ഒപ്പം വന്നിരുന്നു മകള്ക്ക് കൊടുക്കുന്ന പരിഗണനയാണ് ആ കുട്ടികള്ക്കും കൊടുത്തത്. ആ കുട്ടി ഇത്തരത്തില് ഒരു പരാതി കൊടുത്തെന്ന് കരുതുന്നില്ല.
പോലീസ് വകുപ്പില് ശത്രുക്കള് കാണും പക്ഷേ വ്യക്തിപരമായി ആരേയും ഓര്ക്കുന്നില്ല. മനപ്പൂര്വ്വം കെട്ടിചമച്ചതാണിത്. ഈ സംഭവത്തില് അന്വേഷണം നടത്തുന്ന കൊല്ലം റൂറല് എസ്പി അജിത ബീഗം ഇതു വരെ തന്നോട് വിശദീകരണം ചോദിച്ചിട്ടില്ല. മറ്റ് മേലുദ്യോഗസ്ഥരും ഇതേ കുറിച്ച് തന്റെ ഭാഗം കേട്ടിട്ടില്ല. ഒരാളെ നശിപ്പിക്കാന് ഇതിനപ്പുറം കഴിയില്ല. വീട്ടുകാരുടെയും ബന്ധുക്കളുടെയും മുന്നില് അപമാനിതനായി. ഇനി എന്തു വാര്ത്ത പകരം വന്നിട്ടും കാര്യമില്ല. ആ കുട്ടിയോട് മോശമായി പെരുമാറിയിട്ടില്ല എന്ന സത്യത്തില് ഉറച്ചു നില്ക്കുന്നു. ആ കുട്ടി പരാതി നല്കിയെന്നതും വിശ്വസിക്കുന്നില്ല. അതേ സമയം കേസ് നല്കിയെന്നു പറയുന്ന അവതാരക കേസിനോട് പ്രതികരിച്ചിട്ടില്ല.
https://www.facebook.com/Malayalivartha