വാടക നല്കാതെ ഷൂട്ടിംഗ്, നിവിന്പോളിയെയും സംഘത്തെയും കോട്ടയം ജനറല് ആശുപത്രിയില് പൂട്ടിയിട്ടു
കോട്ടയം ജനറല് ആശുപത്രിയില് സിനിമാഷൂട്ടിംഗ് നടത്തിയ നിവിന്പോളിയെയും സംഘത്തെയും യൂത്ത്കോണ്ഗ്രസുകാര് തടഞ്ഞുവെച്ചു. ഷൂട്ടിംഗിനിടെയാണ് പ്രതിഷേധവുമായി യൂത്ത്കോണ്ഗ്രസുകാര് എത്തിയത്. എന്നാല് പ്രതിഷേധം സിനിമാ ഷൂട്ടിംഗിന്റെ ഭാഗമാണെന്നാണ് എല്ലാവരും ആദ്യം കരുതിയത്.
രോഗികളെ കിടത്തിയിരിക്കുന്ന വാര്ഡിന്റെ ഒരു വശത്ത് നിവിന് പോളി ഉള്പ്പെടെയുള്ളവര് അഭിനയിച്ച് തകര്ക്കുമ്പോഴാ മറുവശത്ത് യൂത്ത് കോണ്ഗ്രസുകാരുടെ പ്രതിഷേധം. വാഹനപാര്ക്കിങ്ങ് ഫീസ് മാത്രം ഈടാക്കി ജനറല് ആശുപത്രി സിനിമ ഷൂട്ടിങ്ങിന് വിട്ടുകൊടുത്തതിനെതിരെയായിരുന്നു യൂത്ത് കോണ്ഗ്രസ് പ്രതിഷേധം. നിവിന് പോളി അടക്കമുള്ളവര് പ്രതിഷേധത്തില് അമ്പരന്നു. ഷൂട്ടിംഗും തടസ്സപ്പെട്ടു.ഓപ്പറേഷന് തീയേററര്കൂടിയുള്ള പുരുഷന്മാരുടെ 11,12 വാര്ഡുകള് പ്രവര്ത്തിക്കുന്ന കെട്ടിടത്തിലാണ് ആദ്യ ദിവസം ഷൂട്ടിങ്ങ് നടന്നത്.
നിവിന് പോളിയുടെ സിനിമയിലൂടെ കോട്ടയം ആശുപത്രിയെ വെള്ളത്തിരയിലെ താരമാക്കാമെന്നു പറഞ്ഞതിനാല് ആശുപത്രി അധികൃതര് വാടക വാങ്ങാതെ ഷൂട്ടിംഗിന് സമ്മതിക്കുകയായിരുന്നു. ഇതിനെതിരെയായിരുന്നു യൂത്ത് കോണ്ഗ്രസ് പ്രതിഷേധം. തുടര്ന്ന് ജനറല് ആശുപത്രി സൂപ്രണ്ടിന്റെ നേതൃത്വത്തില് നടത്തിയ ചര്ച്ചയില് പാര്ക്കിങ്ങ് ഫീസിനൊപ്പം ഷൂട്ടിങ്ങ് നടക്കുന്ന ഓരോദിവസവും പതിനായിരം രൂപ വീതം ഈടാക്കാനും തീരുമാനിച്ചു. ആദ്യമായാണ് കോട്ടയം ജനറല് ആശുപത്രിയില് സിനിമാ ഷൂട്ടിങ്ങ് നടക്കുന്നത്. നഗരത്തില് വിവാഹത്തിനും പൊതുപരിപാടിക്കുമെത്തുന്ന വാഹനങ്ങള് പാര്ക്ക് ചെയ്യാന് ആശുപത്രി കോമ്പൗണ്ട് പാര്ക്കിങ് ഫീസ് ഈടാക്കി വിട്ടുകൊടുക്കാറുണ്ട്. ഷൂട്ടിങ്ങിനായി സിനിമാ പ്രവര്ത്തകര് സമീപിച്ചപ്പോഴും വാഹന പാര്ക്കിങ്ങിനായി ഈടാക്കുന്ന അയ്യായിരം രൂപ മാത്രമേ ഈടാക്കിയുള്ളു. ഇതാണ് വിവാദങ്ങള്ക്ക് തുടക്കമിട്ടത്. ആശുപത്രി കെട്ടിടം കൂടി ഉപയോഗിച്ചുള്ള ഷൂട്ടിങ്ങ് നടക്കുന്നതിനാല് സംഭാവന കൂടി ഈടാക്കണമെന്നായിരുന്നു യൂത്ത് കോണ്ഗ്രസുകാരുടെ ആവശ്യം.
ജനറല് ആശുപത്രി ഷൂട്ടിങ്ങിനായി വിട്ടുകിട്ടാനായി നഗരസഭ, ഡി.എം.ഒ, ആശുപത്രി സൂപ്രണ്ട് എന്നിവരുടെ അനുമതി നേടിയിരുന്നതായും അവര് നിര്ദ്ദേശിച്ചപ്രകാരം പതിനായിരം രൂപ അഡ്വാന്സായും ആശുപത്രി വികസനസമിതി ഫണ്ടിലേക്ക് അയ്യായിരം രൂപയും നല്കിയതായി മാനേജര് പറഞ്ഞു. മൂന്നുദിവസത്തെ ഷൂട്ടിങ്ങാണ് ആശുപത്രിയില് നടക്കുന്നത്. ഷൂട്ടിങ്ങ് നടക്കുന്ന ദിവസം അയ്യായിരം രൂപ വീതം അടയ്ക്കും. ചിത്രത്തില് കോളജ് യൂണിന് നേതാവിന്റെ വേഷത്തിലാണ് നിവിന് എത്തുന്നത്. സിദ്ധാര്ഥ ശിവയാണ് ചിത്രത്തിന്റെ സംവിധായകന്.കാക്കമുട്ടൈയിലൂടെ ശ്രദ്ധേയായ ഐശ്വര്യ രാജേഷാണ് ഒരു നായിക. ഗായത്രി സുരേഷ്, അപര്ണ ഗോപിനാഥ് എന്നിവരാണ് മറ്റ് നായികമാര്.
https://www.facebook.com/Malayalivartha