ടെക്കിയായ ഭാര്യയുടെ ബ്ലൗസിനുള്ളിലേക്ക് പാറ്റയെ പിടിച്ചിട്ട് ആനന്ദം കണ്ടെത്തുന്ന ഒരു ഭര്‍ത്താവ്; സംഭവം ഐ.ടി നഗരമായ ബാംഗ്ലൂരില്‍
ലൈംഗിക ബന്ധത്തിനിടെ ഭാര്യയുടെ ബ്ലൗസിനുള്ളിലേക്കും മറ്റും പാറ്റയെ പിടിച്ചിട്ട് ആനന്ദം അനുഭവിക്കുന്ന ഒരു ടെക്കി ഭര്‍ത്താവ്! ഐ ടി നഗരമായ ബാംഗ്ലൂരിലാണ് സംഭവം. ഇന്ദിരാനഗര്‍ സ്വദേശിയായ രണ്ട് കുട്ടികളുടെ അമ്മയാണ് ടെക്കിയായ ഭര്‍ത്താവിനെതിരെ പരാതിയുമായി പോലീസിനെ സമീപിച്ചിരിക്കുന്നത്.
നാല്‍പത് വയസ്സ് പ്രായമുള്ള ഇയാള്‍ വിചിത്ര സ്വഭാവത്തിനടിമയാണ്. സുജാത എന്ന സ്ത്രീയാണ് പരാതിക്കാരി. ഭര്‍ത്താവുമായി ലൈംഗിക ബന്ധത്തിന് വിസമ്മതിച്ചാല്‍ പാറ്റയെ പിടിച്ച് ബ്ലൗസിനുള്ളിലേക്ക് ഇടുന്നു എന്നാണ് പരാതി. ഇവര്‍ക്ക് പാറ്റയെ പേടിയാണ്. സുജാത പേടിച്ച് കരയുമ്പോള്‍ ഭര്‍ത്താവ് അവിനാശ് ശര്‍മ എന്ന ടെക്കിയ്ക്ക് ആവേശം കൂടും. കിടപ്പുമുറിയില്‍ ഭാര്യയുടെ കരച്ചില്‍ കേള്‍ക്കുന്നത് ഇയാള്‍ക്ക് ഭയങ്കര ആസ്വാദനമാണത്രെ.
ബാംഗ്ലൂരിലെ ബെന്നാര്‍ഘട്ട റോഡിലുള്ള ഒരു സോഫ്റ്റ് വെയര്‍ കമ്പനിയിലാണ് അവിനാശിന് ജോലി. സുജാതയും ഐ.ടി കമ്പനിയിലായിരുന്നു ജോലി ചെയ്തിരുന്നത്, പക്ഷേ ഇപ്പോള്‍ ജോലി ചെയ്യുന്നില്ല. ഇവര്‍ക്ക് രണ്ട് മക്കളാണുള്ളത്. മക്കളില്ലായിരുന്നെങ്കില്‍ താന്‍ പണ്ടേ അവിനാശിനെ വിട്ട് പോയേനെ എന്നാണ് സുജാത പറയുന്നത്.
കോളേജില്‍ ഒരുമിച്ച് പഠിച്ചവരായിരുന്നു ഇവര്‍ രണ്ടുപേരും. കോളജ് കാലം മുതലേ പരസ്പരം അറിയാം. അവിനാശ് മറ്റൊരു വിവാഹം കഴിച്ചു. എന്നാല്‍ ഏതാനും വര്‍ഷങ്ങള്‍ക്ക് ശേഷം അവര്‍ പിരിഞ്ഞു. പിന്നീടാണ് അവിനാശ് സുജാതയെ വിവാഹം ചെയ്തത്. പത്ത് വര്‍ഷം മുമ്പായിരുന്നു ഈ വിവാഹം. ഇവര്‍ക്ക് രണ്ട് കുട്ടികളുമുണ്ട്.
അവിനാശിന്റെ രണ്ടാം വിവാഹമാണിതെന്ന് പറഞ്ഞല്ലോ. ഇയാള്‍ക്ക് മറ്റ് പലരുമായും അവിഹിത ബന്ധങ്ങളുണ്ട് എന്നാണ് ഭാര്യയായ സുജാത പറയുന്നത്. തനിക്ക് വിവാഹമോചനം വേണമെന്ന് സുജാത അവിനാശിനോട് ആവശ്യപ്പെട്ടിരുന്നു. ഭര്‍ത്താവിന്റെ മറ്റ് ബന്ധങ്ങളെക്കുറിച്ച് അറിഞ്ഞ ശേഷം ഇയാളുമായി ലൈംഗിക ബന്ധത്തിന് സമ്മതിക്കാറില്ല എന്നാണ് ഇവര്‍ പറയുന്നത്.
ലൈംഗിക ബന്ധത്തിന് സമ്മതിച്ചില്ലെങ്കില്‍ പാറ്റയെ പിടിച്ച് ബോക്‌സുകളിലാക്കി മുന്നില്‍ കൊണ്ടുവന്ന് തുറന്ന് വിടും. സുജാതയുടെ കരച്ചില്‍ കേള്‍ക്കുമ്പോള്‍ ഇയാള്‍ക്ക് ആവേശം കൂടും. പങ്കാളിയുടെ പേടി മാറ്റാന്‍ വേണ്ടി ദമ്പതികള്‍ പരസ്പരം പേടിയുള്ള ജീവികളെ അടുത്തുകൊണ്ടുപോകുകയും പിടിക്കുകയും ചെയ്യുന്നത് സാധാരണയാണ് എന്നാണ് ഡോക്ടര്‍മാര്‍ പറയുന്നത്.
അതല്ല കാര്യമായിട്ടാണ് ഇയാള്‍ ഇങ്ങനെ ചെയ്യുന്നതെങ്കില്‍ കാര്യമായ മാനസിക പ്രശ്‌നങ്ങള്‍ എന്തെങ്കിലും ഉണ്ടാകും എന്ന് മനഃശാസ്ത്ര വിദഗ്ദര്‍ പറയുന്നു.
https://www.facebook.com/Malayalivartha
