ഓജോ ബോര്ഡ്; ആപത്ത് ക്ഷണിച്ചുവരുത്തരുത്...
അക്ഷരങ്ങളും അക്കങ്ങളും യെസ്, നോ, ഹലോ, ഗുഡ് ബൈ എന്നീ വാക്കുകളും ചില ചിത്രപണികളും ചിഹ്നങ്ങളും വരച്ചു ചേര്ത്ത ഒരു ബോര്ഡ് ആണ് ഓജോ ബോര്ഡ് അഥവാ സംസാരിക്കുന്ന ബോര്ഡ് അഥവാ ആത്മാവ് ബോര്ഡ്. ആത്മാവുമായുള്ള സംവേദനം സൂചിപ്പിക്കാന് ഉപയോഗിക്കുന്ന മരത്തിലോ പ്ലാസ്റ്റിക്കിലോ ഉണ്ടാക്കിയ ഒരു നാണയവും ഇതിനോടൊപ്പം ഉപയോഗിക്കുന്നു. ആത്മാവിനോട് സംവദിക്കുന്ന സമയം ഓജോ ചെയ്യാന് തയ്യാറെടുക്കുന്നവര് നേരത്തെ പറഞ്ഞ നാണയത്തില് വിരല് വയ്ക്കുകയും ആത്മാവ് പറയുന്ന വാക്കുകള്ക്ക് അനുസരിച്ച് അത് വിരലോട് കൂടി ചലിക്കുകയും ചെയ്യുന്നു.
അമാനുഷികതയിലും അസാധാരണയിലും ബന്ധപെട്ട്കിടക്കുന്ന ഓജോ ബോര്ഡിനെ ശാസ്തസമൂഹം ശാസ്ത്രീയതക്ക് നേരെ വിപരീതം എന്ന് അര്ഥമുള്ള ശാസ്ത്രാഭാസം എന്നാണ് വിളിക്കുന്നത്. ഓജോ ബോര്ഡില് നാണയത്തിന് മുകളില് കൈ വിരല് ചലിക്കുന്നതിനെ അതില് വിശ്വസിക്കുന്നവര് ആത്മാവുമായി ബന്ധപെടുത്തുമ്പോള് ശാസ്ത്രസമൂഹം അതിനെ ഇഡിയോ മോട്ടോര് റെസ്പോന്സ് എന്നാണ് വിളിക്കുന്നത്. ഇഡിയോ മോട്ടോര് റെസ്പോന്സ് പ്രകാരം ഉപബോധമനസാണ് നമ്മളറിയാതെ ഓജോ ചെയ്യുന്ന സമയത്ത് വിരലുകള് ചലിപ്പിക്കുന്നത്.
ഓജോ ബോര്ഡ് ഉപയോഗിക്കുന്നത് പ്രേതബാധ കൂടാന് ഇടയാക്കുമെന്ന മുന്നറിയിപ്പോടെ ചില ക്രിസ്തീയ വിഭാഗങ്ങള് ഓജോ ബോര്ഡ് ഉപയോഗിക്കുന്നതിനെ വിലക്കിയിട്ടുണ്ട്. ഓജോ ബോര്ഡ് കുട്ടിക്കളിയല്ല, പഠിക്കാതെ ചെയ്യുന്നത് ആപത്ത് ക്ഷണിച്ചുവരുത്തുകയാണ് ചെയ്യുന്നത്.
ഒരു തമാശയ്ക്കാണ് ആ ലേഡീസ് ഹോസ്റ്റലിലെ ആറാം നമ്പര് മുറിയില് നാലു കൂട്ടുകാരികള് ഒത്തു കൂടിയത്. ഓജോ ബോര്ഡും മെഴുകുതിരിയും നാണയങ്ങളും കൈയിലുണ്ട്. വാതിലും ജനാലകളും അവര് കുറ്റിയിട്ടു. ലൈറ്റുകളെല്ലാം അണച്ചു, ആത്മാവിനു വേണ്ടി പ്രാര്ഥിച്ചു. നാലു പേരുടെയും നെഞ്ചിടിപ്പു കേള്ക്കാം. എന്താണ് സംഭവിക്കാന് പോകുന്നത്? സമചതുര ചാര്ട് പേപ്പറില് എ മുതല് ഇസെഡ് വരെയുള്ള ഇംഗ്ലിഷ് അക്ഷരമാല. ഒപ്പം ഒന്നു മുതല് പൂജ്യം വരെയുള്ള അക്കങ്ങള്. നടുക്കുള്ള പോയന്റില് നാണയം വച്ചു എന്നിട്ടു പതുക്കെ വിളിച്ചു...
'ഗുഡ് സ്പിരിറ്റ് പ്ലീസ് കം....' പതുക്കെ നാണയമിളകിത്തുടങ്ങി. അക്ഷരങ്ങളിലേക്ക് നാണയം പോകും തോറും പേടി കൂടിക്കൂടി വന്നു. പെട്ടെന്നാണ് കാതടപ്പിക്കുന്ന ഇടി വെട്ടിയത്. മെഴുകുതിരി കെട്ടുപോയി. അടുത്ത മിന്നലില് അവര് ശരിക്കും കണ്ടു, വെളുത്ത രൂപം അവരെയും നോക്കി നില്ക്കുന്നു. അലറിക്കരഞ്ഞു കൊണ്ട് അവര് വാതിലിനു നേരെ ഓടി. എത്ര ഓടിയിട്ടും വാതില് കണ്ടില്ല... കുട്ടിക്കളി കളിക്കണ്ട ഒന്നാണോ ഓജോ ബോര്ഡ്? പാരാസൈക്കോളജിയില് ഡോക്ടറേറ്റുള്ള എം.പദ്മനാഭന് പറയുന്നത് 'വര്ഷങ്ങളായി ഞാന് ഇത്തരം വിശ്വാസങ്ങള്ക്കു പിറകെ ഉണ്ട്.
ഓജോ ബോര്ഡിനെക്കുറിച്ച് ക്ലാസുകളും എടുക്കുന്നുണ്ട്. വിവിധ രാജ്യങ്ങളിലായി ആയിരത്തി അഞ്ഞൂറോളം ശിഷ്യന്മാരുമുണ്ട്. ഞാന് മനസ്സിലാക്കിയിടത്തോളം ഓജോ ബോര്ഡ് കുട്ടിക്കളിയല്ല. അത് പഠിക്കാതെ ചെയ്യുന്നത് വളരെ ആപത്തുമാണ്, വൈദ്യുതി മനുഷ്യന് ഏറെ ഉപകാരമുള്ള ഒന്നാണ്, പക്ഷേ അതിനെക്കുറിച്ച് അറിയാതെ ചെയ്യുന്നതൊക്കെയും ആപത്തു വിളിച്ചു വരുത്തുകയേയുള്ളൂ. അതു പോലെ തന്നെയാണ് ഓജോ ബോര്ഡും. കുറ്റം വൈദ്യുതിയുടേതല്ല. അതുപയോഗിക്കാന് അറിയാത്തതുകൊണ്ടാണ്.
ശരീരമുണ്ടാകുമ്പോള് സംസാരത്തിലൂടെയാണ് മറ്റുള്ളവരോട് സംവദിക്കാന് പറ്റുന്നത്. ശരീരം നഷ്ടമായാലോ? ആ അവസ്ഥയിലാണ് ഓജോ ബോര്ഡു പോലെയുള്ളവ ഉപയോഗിച്ച് ആശയമവിനിമയത്തിനു കഴിയുന്നത്. അറിവില്ലാതെ ചെയ്യുമ്പോള് ഉണ്ടാകുന്ന പേടി സബ്കോണ്ഷ്യസ് മൈന്ഡിനെ ബാധിച്ച് അതു പലവിധ മാനസിക വിഭ്രാന്തിക്കു കാരണമാകാം.'
https://www.facebook.com/Malayalivartha