ഇന്ന് മഹാശിവരാത്രി, വ്രതാനുഷ്ഠാനങ്ങളോടെ ഭക്തജനങ്ങള്
ശിവപ്രീതിക്കായുള്ള എട്ടുവ്രതങ്ങളില് ഒന്നാണ് മഹാശിവരാത്രി. ശിവരാത്രി കൃഷ്ണചതുര്ദ്ദശി തിഥിയെ അടിസ്ഥാനമാക്കി അനുഷ്ഠിക്കപ്പെടുന്ന വ്രതമാണ്. ശിവരാത്രി വ്രതം അനുഷ്ഠിക്കുന്നതു മൂലം ഒരു വ്യക്തിയുടെ സകലപാപങ്ങളും നശിക്കും. പാലാഴി മഥനം നടത്തിയപ്പോള് ഉണ്ടായ കാളകൂട വിഷം ലോക രക്ഷാര്ത്ഥം ശ്രീ പരമേശ്വരന് പാനം ചെയ്തു. ഈ വിഷം ഉളളില്ച്ചെന്ന് ഭഗവാന് ഹാനികരമാവാതിരിക്കാന് പാര്വ്വതി ദേവി അദ്ദേഹത്തിന്റെ കണ്ഠത്തില് മുറുക്കിപ്പിടിക്കുകയും, വായില് നിന്നു പുറത്തു പോവാതിരിക്കാന് ഭഗവാന് വിഷ്ണു വായ പൊത്തിപ്പിടിക്കുകയും ചെയ്തു. അങ്ങനെ വിഷം കണ്ഠത്തില് ഉറയ്ക്കുകയും ഭഗവാന് നീലകണ്ഠന് എന്ന നാമധേയം ലഭിക്കുകയും ചെയ്തു. ഭഗവാന് ആപത്തൊന്നും വരാതെ പാര്വ്വതീദേവി ഉറക്കമിളച്ചിരുന്നു പ്രാര്ത്ഥിച്ച ദിവസമാണ് ശിവരാത്രി.
ശിവരാത്രി നാളില് അതിരാവിലെ ഉണര്ന്ന് ശരീരശുദ്ധി വരുത്തി ഭസ്മധാരണത്തോടെ ശിവക്ഷേത്ര ദര്ശനം നടത്തുക. പൂര്ണ്ണ ഉപവാസം ഉത്തമം. അതിനു സാധിക്കാത്തവര് ക്ഷേത്രത്തില് നിന്നുളള നേദ്യമോ, കരിക്കിന് വെളളമോ, പഴമോ കഴിക്കാവുന്നതാണ്. അന്നേദിവസം പഞ്ചാക്ഷരീ മന്ത്രം, ബില്യാഷ്ടകം, ശിവസഹസ്രനാമം, ശിവപുരാണപാരായണം. എന്നിവ ഭക്തിപൂര്വ്വം ചൊല്ലുക. രാത്രി പൂര്ണ്ണമായി ഉറക്കമിളച്ചു വേണം ശിവരാത്രി വ്രതം അനുഷ്ഠിക്കാന്. ഭഗവാന് കൂവളമാല സമര്പ്പിക്കുന്നതും, കൂവളത്തില കൊണ്ട് അര്ച്ചന, ജലധാര എന്നിവ നടത്തുന്നതും അതീവ വിശിഷ്ടമാണ്. ഭഗവാന്റെ പ്രിയ വൃക്ഷമായ കൂവളം നനയ്ക്കുന്നതും ഭക്തിപൂര്വ്വം പരിപാലിക്കുന്നതും ശിവപ്രീതികരമാണ്.പഞ്ചാക്ഷരീ മന്ത്രമായ 'ഓം നമശിവായ' 108 തവണ ഭക്തിപൂര്വ്വം ചൊല്ലുകയോ എഴുതുകയോ ചെയ്യാം
.
ശിവരാത്രി ദിനത്തില് വൈകുന്നേരം ശിവക്ഷേത്രത്തില് പുരുഷന്മാര് ശയനപ്രദക്ഷിണം നടത്തുകയും സ്ത്രീകള് അടിവച്ചുളള പ്രദക്ഷിണം ചെയ്ത് ഭഗവാനെ നമസ്ക്കരിക്കുകയും വേണം. പുരുഷന്മാര് സാഷ്ടാംഗ നമസ്കാരമാണ് ചെയ്യേണ്ടത്. ശിവരാത്രി ദിനത്തില് ഭക്തിപൂര്വ്വം ശിവക്ഷേത്രദര്ശനം നടത്തിയാല് നമ്മള് അറിയാതെ ചെയ്ത പാപങ്ങള് പോലും നശിക്കുമെന്നാണ് വിശ്വാസം. അന്നേ ദിവസം ബലി തര്പ്പണം നടത്തിയാല് പിതൃക്കളുടെ അനുഗ്രഹവും ലഭിക്കും.
ശിവനെ രാവിലെ ദര്ശിച്ചു പ്രാര്ത്ഥിച്ചാല് ശരീരത്തിന് ആരോഗ്യവും മനസ്സിന് ബലവും വര്ദ്ധിക്കും. ഉച്ചയ്ക്ക് പ്രര്ത്ഥിച്ചാല് സമ്പല്സമൃദ്ധമായ ജീവിതം നയിക്കാനുള്ള മാര്ഗം തെളിയും. വൈകുന്നേരം ദര്ശനം നടത്തി പ്രാര്ത്ഥിച്ചാല് കഷ്ട-നഷ്ടങ്ങള് മാറി നന്മയുണ്ടാകും. അര്ദ്ധയാമ പൂജാവേളയില് ദര്ശനം നടത്തി പ്രാര്ത്ഥിച്ചാല് ദാമ്പത്യജീവിതം സന്തുഷ്ടമാവുമെന്നും വിശ്വസിക്കപ്പെടുന്നു.
ഹൈന്ദവരുടെ ആഘോഷമായ ശിവരാത്രിയോടനുബന്ധിച്ച് നടത്തപ്പെടുന്ന ഒരു ആചാരമാണ് ശിവാലയ ഓട്ടം.
ശിവരാത്രി നാളില് ദ്വാദശ രുദ്രന്മാരെ വണങ്ങുക എന്നതാണ് ഈ ആചാരത്തിന്റെ സവിശേഷത. തമിഴ്നാട്ടിലെ കന്യാകുമാരി ജില്ലയില് വിളവന്കോട്, കല്ക്കുളം താലൂക്കുകളിലായുള്ള 12 ശിവക്ഷേത്രങ്ങളില് ഒരു രാത്രിയും ഒരു പകലും കൊണ്ട് നടത്തുന്ന ദര്ശനമാണിത്.
മഹാഭാരതകഥയുമായി ബന്ധപ്പെട്ടാണ് ശിവാലയഓട്ടത്തിനുപിന്നിലുള്ള ഐതിഹ്യം നിലനില്ക്കുന്നത്. ധര്മ്മപുത്രന് നടത്തിയ യാഗത്തില് പങ്കെടുക്കുവാന് ശ്രീകൃഷ്ണന്റെ നിര്ദ്ദേശപ്രകാരം വ്യാഘ്രപാദമുനിയെ കൂട്ടിക്കൊണ്ടുവരുവാന് ഭീമസേനന് പോയി. കടുത്ത ശിവഭക്തനായ വ്യാഘ്രപാദന് തന്റെ തപസ്സിളക്കിയ ഭീമനെ ആട്ടിപ്പായിച്ചു. ശ്രീകൃഷ്ണന് നല്കിയ 12 രുദ്രാക്ഷങ്ങളുമായി ഭീമന് വീണ്ടും തിരുമലയില് തപസ്സനുഷ്ഠിക്കുകയായിരുന്ന വ്യാഘ്രപാദനു സമീപമെത്തി. മുനി കോപിതനായി ഭീമനുനേരെ തിരിയുകയും ഭീമന് പിന്തിരിഞ്ഞ് ഗോവിന്ദാ... ഗോപാലാ....... എന്നു വിളിച്ച് ഓടന് തുടങ്ങുകയും ചെയ്തു. മുനി ഭീമന്റെ സമീപമെത്തുമ്പോള് ഭീമന് അവിടെ ഒരു രുദ്രാക്ഷം നിക്ഷേപിക്കും. അപ്പോള് അവിടെ ഒരു ശിവലിംഗം ഉയര്ന്നുവരികയും ചെയ്യും. മുനി അവിടെ പൂജ നടത്തുമ്പോള് ഭീമന് മുനിയെ വീണ്ടും യാഗത്തിനു പോകാന് പ്രേരിപ്പിക്കാന് ശ്രമിക്കും.
മുനി വീണ്ടും ഭീമന്റെ പുറകേ പോകുമ്പോള് ഭീമന് വീണ്ടും വീണ്ടും രുദ്രാക്ഷങ്ങള് നിക്ഷേപിക്കുകയും ചെയ്യും. അങ്ങനെ 11 രുദ്രാക്ഷങ്ങളും നിക്ഷേപിക്കുകയും ശിവലിംഗങ്ങള് ഉയര്ന്നു വരികയും ചെയ്തു. ഒടുവില് 12ആമത്തെ രുദ്രാക്ഷം നിക്ഷേപിച്ച സ്ഥലത്ത് ശ്രീകൃഷ്ണന് പ്രത്യക്ഷപ്പെട്ട് വ്യാഘ്രപാദന് ശിവനായും ഭീമന് വിഷ്ണുവായും ദര്ശനം നല്കുകയും ചെയ്തു. അങ്ങനെ ഇരുവര്ക്കും ശിവനും വിഷ്ണുവും ഒന്നെന്ന് വ്യകതമായി. അദ്ദേഹം പിന്നീട് ധര്മ്മപുത്രന്റെ യാഗത്തില് പങ്കുകൊണ്ടു. ഭീമന് രുദ്രാക്ഷം നിക്ഷേപിച്ചതിന്റെ ഫലമായി സ്ഥപിതമായ 12 ശിവക്ഷേത്രങ്ങളിലാണ് ശിവാലയ ഓട്ടം നടക്കുന്നത്
.
ശിവരാത്രി ദിവസത്തിന്റെ തലേ ദിവസം വൈകുന്നേരം തിരുമല ക്ഷേത്രത്തില് നിന്നും ആരംഭിക്കുന്ന ഓട്ടം ശിവരാത്രി ദിവസം വൈകുന്നേരത്തോടു കൂടി തിരുനട്ടാലം ക്ഷേത്രത്തില് അവസാനിക്കുന്നു. കാവി വസ്ത്രം, തുളസിമാല എന്നിവ അണിഞ്ഞ് കൈകളില് വിശറിയും ഭസ്മ സഞ്ചിയും കൊണ്ടാണ്
ഭക്തര് ഈ ദര്ശനം നടത്തുന്നത്. ശിവക്ഷേത്രങ്ങളിലേക്കാണ് യാത്രയെങ്കിലും ഗോവിന്ദാ.... ഗോപാലാ.... എന്നീ വൈഷ്ണവമന്ത്രങ്ങളാണ് ഇവര് ഉരുവിടുന്നത്. അതിനാല് ഇവര് ഗോവിന്ദന്മാര് എന്ന പേരിലും അറിയപ്പെടുന്നു.
https://www.facebook.com/Malayalivartha