ബാഹ്യമായി നിരവധി ചടങ്ങുകളും പൂജകളും ശിവാരാധനയില്‍ ഉണ്ടെങ്കിലും, ശിവന് നല്‍കാവുന്ന ഏറ്റവും മനോഹരമായ പൂക്കളാണ് ജ്ഞാനം , സമചിത്തത, ശാന്തി എന്നിവ. നമ്മളില്‍ത്തന്നെയുള്ള ശിവ തത്വത്തെ ആഘോഷിക്കുന്നതാണ് ശരിയായ ശിവരാത്രി.
ശിവപഞ്ചാക്ഷരീമന്ത്രവുമായി ഇന്ന് ഭാരതം . അങ്ങു വടക്ക്, സത്യശിവസൗന്ദര്യങ്ങളുടെ ഭദ്രപീഠമായ ശിവശൈലം മുതല്‍ ഇങ്ങു തെക്ക് വടക്കുന്നാഥനായി, സര്‍വം നടത്തുംനാഥനമരുന്ന ദേവാലയങ്ങളില്‍ വരെ തിരുനടയിലും മനസ്സിലും ഭക്തര്‍ ഇന്ദുകലാധരനെ ഭജിക്കുക മാത്രം ചെയ്യുന്ന 24 മണിക്കൂറുകള്‍.
ചേതനയുടെ ഏറ്റവും സൗന്ദര്യമുള്ള ഘടകമാണ് ശിവതത്വം.നമ്മളിലെല്ലാരിലുമുള്ള ഈ ശിവത്വത്തിനു ജീവന്‍ നല്‍കുന്നതിന്റെ പ്രതീകമാണ്ശിവരാത്രി.
മനുഷ്യന് ഉണ്ടായിക്കൂടാത്ത അമിതമോഹങ്ങളെയും അസൂയയെയും മായയെയും ഒക്കെ പ്രതിനിധാനം ചെയ്യുന്ന നിറമാണു കറുപ്പ്. ഈ കറുപ്പിനെ മനസ്സിൽ നിന്ന് അകറ്റാനാണ് നമശ്ശിവായ എന്ന ധ്യാനം ...
അമാവാസിക്കു തൊട്ടുമുന്നിലുള്ള രാത്രിയാണു ശിവരാത്രി. ഈ ദിവസം രാത്രിയില്‍ ജ്യോതിര്‍ലിംഗമായി ശിവന് പ്രത്യക്ഷപ്പെട്ടുവെന്നാണു വിശ്വാസം; അന്ധകാരമകറ്റി വെളിച്ചത്തിന്റെയും അജ്ഞാനമകറ്റി ജ്ഞാനത്തിന്റെയും പ്രഭ ലോകത്തിനുമേല്‍ വര്‍ഷിച്ചുകൊണ്ട്.
ശിവപുരാണത്തിലും കമ്പരാമായണത്തിലും ദേവീഭാഗവതത്തിലുമൊക്കെ ശിവരാത്രിയെപ്പറ്റി പരാമര്‍ശങ്ങളുണ്ട്
കുംഭത്തിലെ (ഫാല്‍ഗുനമാസം) കൃഷ്ണപക്ഷചതുര്‍ദ്ദശി ദിവസമാണ് ശിവരാത്രി ആചരിക്കുന്നത്. ദുരഹങ്കാരപ്രേരിതരായി പരസ്പരം യുദ്ധംചെയ്ത ബ്രഹ്മാവിനും വിഷ്ണുവിനും മുന്നില്‍ അദ്ഭുതകരമായ ജ്യോതിസ്സ്വരൂപമായി പരമശിവന്‍ പ്രത്യക്ഷപ്പെട്ട ദിവസമാണ് ഇതെന്നാണു ശിവരാത്രിയെ സംബന്ധിക്കുന്ന ഒരു ഐതിഹ്യം.
അമൃതിനായി ദേവാസുരന്മാര്‍ ഒത്തുചേര്‍ന്നു പാലാഴി കടഞ്ഞു. സര്‍വലോകത്തെയും നശിപ്പിക്കാന്‍തക്ക വീര്യമുള്ള കാളകൂടവിഷം കടയലിന്റെ ഒരു ഘട്ടത്തില്‍ ലഭിച്ചു. പ്രപഞ്ചത്തെ നാശത്തില്‍ന്നു രക്ഷിക്കുന്നതിന് പരമശിവന്‍ അതിനെ പാനം ചെയ്തു. ഇങ്ങനെ ഭഗവാന്‍ സ്വയം വിഷപാനം ചെയ്തു ലോകത്തെ കാത്ത ദിനമാണു ശിവരാത്രി എന്നതാണു പ്രസിദ്ധമായ മറ്റൊരു ഐതിഹ്യം.
ശിവന്റെ ലോകാനുഗ്രഹത്തെ സ്മരിച്ചുകൊണ്ട്‌ ഭക്തര്‍ ഈ ദിവസം ഉപവാസവും ജാഗരണവും അനുഷ്ഠിച്ചു ശിവാനുഗ്രഹത്തിനായി പ്രാര്‍ഥിക്കുന്നു.
ബ്രഹ്മസങ്കല്‍പവുമായി ബന്ധപ്പെട്ടുള്ള തുംഗജടാധാരീശ്വരനായ പരമശിവനോടു പ്രാര്‍ഥിച്ചാല്‍ കലികാലദോഷമില്ലാതാകുമെന്നാണ് വിശ്വാസം . ഉള്ളിലെ കലിയെ നീക്കാന്‍ കണ്ണില്‍ പ്രഭയായി വിടരണമേയെന്നാണു ഭക്തര്‍ കൂപ്പുകൈകളുമായി വല്‍ക്കലധാരിയോടു പ്രാര്‍ഥിക്കുന്നത്.
ഭൗതികതയില്‍നിന്ന് ഉയര്‍ന്ന് അനന്തവും നിഷ്‌കളങ്കവും ആനന്ദകരവുമായ ശിവതത്ത്വത്തിന്റെ പരമപ്രഭാവത്തില്‍ മുങ്ങാന്‍ പറ്റുന്ന ഏറ്റവും ശ്രേഷ്ഠമായ സമയമാണ് ശിവരാത്രി. ബാഹ്യമായി നിരവധി ചടങ്ങുകളും പൂജകളും ശിവാരാധനയില്‍ ഉണ്ടെങ്കിലും, ശിവന് നല്‍കാവുന്ന ഏറ്റവും മനോഹരമായ പൂക്കളാണ് ജ്ഞാനം , സമചിത്തത, ശാന്തി എന്നിവ. നമ്മളില്‍ത്തന്നെയുള്ള ശിവ തത്വത്തെ ആഘോഷിക്കുന്നതാണ് ശരിയായ ശിവരാത്രി.
https://www.facebook.com/Malayalivartha
