Widgets Magazine
23
Mar / 2017
Thursday

വിവാഹവേദിയില്‍ വരന്‍ സിംഹപ്പുറത്തേറി എത്തി!

20 MARCH 2017 12:29 PM IST
മലയാളി വാര്‍ത്ത

വിവാഹം ആഘോഷമാക്കാന്‍ കുതിരപ്പുറത്തും ആനപ്പുറത്തും ഒക്കെ കയറി വരാറുണ്ട് വരന്‍. ഇതിനായി വ്യത്യസ്തങ്ങളായ മാര്‍ഗങ്ങളാണ് ഓരോരുത്തരും സ്വീകരിക്കാറുള്ളത്. വിശിഷ്ടാതിഥികളുടെ സാന്നിധ്യം ഉറപ്പാക്കുക, കോടികള്‍ മുടക്കിയുള്ള വിവാഹവേദി ഒരുക്കുക, വിലകൂടിയ ആഹാരപാനീയങ്ങള്‍ വിളമ്പുക തുടങ്ങിയവയാണ് ഇവയില്‍ ചിലത്. എന്നാല്‍ ഇതില്‍ നിന്നെല്ലാം വ്യത്യസ്തമായ ഒരു വിവാഹമാണ് കഴിഞ്ഞ ദിവസം പാകിസ്ഥാനിലെ മുള്‍ട്ടാനില്‍ നടന്നത്.

സിംഹത്തിന്റെ 'അകമ്പടി' യോടെയാണ് ഇവിടെ വരന്‍ വിവാഹവേദിയിലെത്തിയത്. വരന്‍ സഞ്ചരിച്ച വാഹനത്തില്‍ പ്രത്യേക കൂട്ടിലാക്കിയാണ് സിംഹത്തെ വിവാഹവേദിയില്‍ എത്തിച്ചത്. സിംഹക്കൂട്ടിന് മുകളിലായി പ്രത്യേക ഇരിപ്പിടം ഒരുക്കിയായിരുന്നു വരന്‍ ഇരുന്നത്. തന്റെ ജീവിതത്തിലെ ഏറ്റവും വലിയ സ്വപ്നങ്ങളിലൊന്നാണ് ഇതിലൂടെ സാധിച്ചതെന്നായിരുന്നു ഈ വരവിനെക്കുറിച്ചുള്ള വരന്റെ പ്രതികരണം.

ഇതിനു പുറമേ മറ്റ് ആഡംബരങ്ങള്‍ കൊണ്ടും ഈ വിവാഹം ശ്രദ്ധപിടിച്ചു പറ്റിയതായി പാക് മാധ്യമങ്ങള്‍ റിപ്പോര്‍ട്ട് ചെയ്തു. വധുവിനെപ്പോലെ തന്നെ നിറ ആഭരണങ്ങള്‍ ധരിച്ചായിരുന്നു വരനും അതിഥികള്‍ക്ക് മുന്നില്‍ പ്രത്യക്ഷപ്പെട്ടത്. 15,000 പേര്‍ പങ്കെടുത്ത വിവാഹച്ചടങ്ങില്‍ വൈവിധ്യവും വിലകൂടിയതുമായ ആഹാരപാനീയങ്ങളാണ് വിളമ്പിയത്.

അഞ്ചുകോടിയുടെ സ്ത്രീധനമാണ് വരന് വധുവിന്റെ വീട്ടുകാര്‍ നല്‍കിയത്. കൂടാതെ വരന്റെ സഹോദരങ്ങള്‍ക്കും ബന്ധുക്കള്‍ക്കും ബൈക്കുകള്‍ സമ്മാനമായി നല്‍കുകയും ചെയ്തു. ഈ അത്യാഡംബര വിവാഹത്തെക്കുറിച്ച് അന്വേഷിക്കാനുള്ള ഒരുക്കത്തിലാണ് പാകിസ്താനിലെ നികുതി വകുപ്പ്. മാര്‍ച്ച് 24-നുള്ളില്‍ വ്യക്തമായ വിശദീകരണം നല്‍കിയില്ലെങ്കില്‍ കര്‍ശന നടപടിയെടുക്കാനാണ് അധികൃതരുടെ തീരുമാനം. സാമൂഹിക മാധ്യമങ്ങളിലും ഈ ധൂര്‍ത്ത് വിവാഹത്തിനെതിരെ വന്‍ പ്രതിഷേധമാണ് ഉയര്‍ന്നിരിക്കുന്നത്.

 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Latest News
Most Read
Malayali Vartha Recommends
MalayaliVartha_300x250_GL
ബ്രിട്ടിഷ് പാര്‍ലമെന്റിനു നേരെ ഭീകരാക്രമണം; ഒരു സ്ത്രീയുള്‍പ്പെടെ 5 പേര്‍ കൊല്ലപ്പെട്ടു; നാല്‍പത്തോളം പേര്‍ക്ക് പരുക്ക്, അക്രമിയെ വെടിവച്ചുകൊന്നു
Hide News