ഞാന് പറയുന്നത് കേട്ട് വന്നാല് ലക്ഷങ്ങള് ഉണ്ടാക്കിത്തരാം... തന്നെ വിക്ടറും ഭാര്യയും പെണ്വാണിഭത്തിനായി ക്ഷണിച്ച വഴി തുറന്ന് കാട്ടി പെണ്കുട്ടി; പുറത്താകുന്നത് കുടുംബ പീഡനം
കുണ്ടറയില് 10 വയസുകാരിയെ പീഡിപ്പിച്ച വിക്ടറിനും ഭാര്യയ്ക്കും മകനുമെതിരെ ഗുരുതര പരാതിയുമായി വീട്ടമ്മയും മകളും. വിക്ടറിന്റെ വീടിന് സമീപം താമസിച്ചിരുന്ന അമ്മയും മകളുമാണ് പരാതിയുമായി രംഗത്തെത്തിയത്. വിക്ടറേയും കുടുംബത്തേയും പേടിച്ച് അമ്മ ഇപ്പോള് ആലപ്പുഴയിലാണ് താമസം. പെണ്കുട്ടി വിവാഹം കഴിഞ്ഞ് കൊല്ലത്തുമാണ്.
ഈ കുടുംബമാണ് തങ്ങളുടെ 16 വയസായ മകനെ കൊന്നതെന്ന് അമ്മയും മകളും പറഞ്ഞു. ഷിബു വീട്ടില് വന്നു തന്നെ ആക്രമിച്ചതായും സഹോദരി പറഞ്ഞു. എന്നാല് ഭാവിയില് വലിയ പ്രശ്നമാകുമെന്നും പരാതി നല്കേണ്ടെന്ന് പൊലീസ് പറഞ്ഞു. കുണ്ടറ സ്റ്റേഷനിലെ പൊലീസുകാര് സുഹൃത്തുക്കളാണെന്നാണ് വിക്ടര് പറഞ്ഞത്. മകന് മരിച്ച് 19 ദിവസം കഴിഞ്ഞാണ് പൊലീസ് വീട്ടില് വന്നത്. പണമുണ്ടെങ്കില് ഒപ്പമുണ്ടാകുമെന്ന് സ്റ്റേഷനിലെ എഎസ്ഐ പറഞ്ഞു. ഭീഷണി ഭയന്നാണ് കുണ്ടറയിലെ വീടു വിറ്റു പോയത്.
നീ കരുതിയിരുന്നോ നിന്നെ നോട്ടമിട്ടാണ് വന്നതെന്നാണ് അന്ന് സഹോദരന് മരിച്ചപ്പോള് പെണ്കുട്ടിയോട് ഷിബു പറഞ്ഞത്. നീ സൂക്ഷിച്ചില്ലേല് നിന്നെ കുത്തിക്കീറും. പള്ളയില് കത്തി വച്ചാണ് അയാള് അത് പറഞ്ഞതെന്നും പെണ്കുട്ടി പറഞ്ഞു.
അതിനിടെ തന്നെ പെണ്വാണിഭത്തിലേക്ക് വിക്ടറിന്റെ കുടുംബം ക്ഷണിച്ചതായും പെണ്കുട്ടി പറഞ്ഞു. അവരുടെ കൂടെ അവര് പറയുന്ന സ്ഥലത്ത് പോയാല് നല്ല സാമ്പത്തികമുണ്ടാക്കിതരാമെന്ന് വിക്ടറിന്റെ ഭാര്യ ലത പറഞ്ഞു. ഈ കാര്യം അച്ഛനേയും അമ്മയേയും അറിയിക്കരുത്. പക്ഷെ അത് വീട്ടില് പറഞ്ഞു. ചോദിക്കാന് ചെന്നപ്പോള് അത് വഴക്കായി.
അന്ന് സമീപത്തുള്ള തുണിക്കടയില് ജോലിക്ക് പോയിരുന്നു. അവിടന്ന് വരുന്ന വഴി വിക്ടറിന്റെ മകനായ ഷിബുവിന്റെ ആള്ക്കാര് തന്നെ തടഞ്ഞ് നിര്ത്തുകയും കൈയ്യില് പിടിക്കുകയും ചെയ്തു. അവിടെ നിന്നും ഓടിയാണ് രക്ഷപ്പെട്ടത്. പിന്നീട് പോലീസില് പരാതി പറഞ്ഞപ്പോള് പോലീസുകാര് ഉപദേശിക്കുകയാണ് ചെയ്തത്. നിനക്ക് 18 വയസല്ലേ ഉള്ള്. നല്ല രീതിയില് കല്യാണം കഴിച്ച് ജീവിക്കേണ്ടതല്ലേ. മാത്രമല്ല അവര് അയല്ക്കാരും. പറഞ്ഞ് തീര്ക്കുന്നതാ നല്ലതെന്നാണ് പോലീസുകാര് പറഞ്ഞത്.
താനൊരു മാനസിക രോഗിയാണെന്ന് സര്ട്ടിഫിക്കറ്റുണ്ടെന്നാണ് വിക്ടര് പറഞ്ഞത്. ഏത് കേസില് നിന്നും ഇത് വച്ച് ഊരാനറിയാം. മാത്രമല്ല ഇവിടത്തെ പോലീസുകാരെല്ലാം ഭാര്യയുടെ സുഹൃത്തുക്കളാണെന്നും വിക്ടര് പറഞ്ഞു.
https://www.facebook.com/Malayalivartha