Widgets Magazine
27
Jun / 2017
Tuesday

ജന്മനാ കാഴ്ചയില്ലാത്ത കണ്‍മണിയും മണികണ്ഠനും ഇന്ന് വിവാഹിതരാകും

21 APRIL 2017 11:50 AM IST
മലയാളി വാര്‍ത്ത

ഇരുട്ടിന്റെ ലോകത്തു നിന്നു ഹൃദയവെളിച്ചത്തിലൂടെ പരിചയപ്പെട്ട കണ്‍മണിയും മണികണ്ഠനും ഇനിയെന്നും ഒപ്പം. ജന്മനാ കാഴ്ചയില്ലാത്ത, യാക്കര ശാസ്താ നഗര്‍ രാങ്ങാട്ട് വീട്ടില്‍ കണ്‍മണി എന്ന ചിത്രലേഖയും കോഴിക്കോട് വേങ്ങേരി എടാമണ്ണില്‍ സ്വദേശി മണികണ്ഠനും ഇന്നു വിവാഹിതരാകുന്നു. 

കണ്ണില്‍ വെളിച്ചം കെടുത്തിയാണ് ഇരുവരെയും ദൈവം ഭൂമിയിലേക്കു പറഞ്ഞയച്ചതെങ്കിലും എന്തിനെയും നേരിടാനുള്ള ഇച്ഛാശക്തി പകരം നല്‍കിയിരുന്നു. ആ ശക്തിയാണ് ഇവരുടെ വെളിച്ചം. കോട്ടപ്പുറം ഹെലന്‍ കെല്ലര്‍ സ്‌കൂളില്‍ നിന്ന് എസ്എസ്എല്‍സി കഴിഞ്ഞ ചിത്രലേഖ ഗവ.മോയന്‍ ഗേള്‍സ് ഹയര്‍ സെക്കന്‍ഡറി സ്‌കൂളില്‍ നിന്ന് ഉയര്‍ന്ന മാര്‍ക്കോടെയാണു പ്ലസ് ടു പാസായത്. വിവാഹം കഴിഞ്ഞ് തുടര്‍ന്നു പഠിക്കാനാണ് ആഗ്രഹമെന്ന് അവര്‍ പറയുന്നു. 

ചിത്രലേഖയെ വീട്ടുകാരും കൂട്ടുകാരികളും സ്‌നേഹത്തോടെ വിളിക്കുന്നതു കണ്‍മണി എന്നാണ്. സംഗീതവും നൃത്തവും അഭ്യസിച്ചിട്ടുണ്ട്. കോഴിക്കോട് ചെറുവത്തൂര്‍ ഗവ.ഹൈസ്‌കൂളില്‍ ഇംഗ്ലിഷ് അധ്യാപകനാണ് മണികണ്ഠന്‍. ഫെഡറേഷന്‍ ഓഫ് ദ് ബ്ലൈന്‍ഡ് സംസ്ഥാന കമ്മിറ്റിയുടെ മൂന്നു ദിവസം നീണ്ടു നിന്ന സംഗമത്തിലാണു ചിത്രലേഖ മണികണ്ഠനെ പരിചയപ്പെട്ടത്. കാഴ്ചയില്ലാത്ത ലോകത്തുനിന്നു വാക്കുകളിലൂടെ അവര്‍ തിരിച്ചറിഞ്ഞു. 

ഒരു തവണ കേട്ടാല്‍ ചിത്രലേഖ ആരുടെയും ശബ്ദം മറക്കില്ല. അങ്ങനെ മണികണ്ഠന്റെ ശബ്ദം എപ്പോഴും മനസ്സില്‍ തങ്ങിനിന്നു. സ്നേഹിക്കാനും മനസ്സിലാക്കാനും അവര്‍ക്കു കാഴ്ച വേണ്ടിയിരുന്നില്ല. ഒടുവില്‍ ഇഷ്ടം പറഞ്ഞറിയിച്ചു. വീട്ടുകാര്‍ സമ്മതം മൂളിയതോടെ ഒന്നിച്ചു ജീവിക്കാന്‍ തീരുമാനിച്ചു. യാക്കരയില്‍ ചുമട്ടുതൊഴിലാളിയായ വേലായുധനാണു ചിത്രലേഖയുടെ അച്ഛന്‍. അമ്മ സന്ധ്യ സ്വകാര്യ ആശുപത്രിയിലെ കന്റീന്‍ ജീവനക്കാരിയാണ്. എട്ടാം ക്ലാസ് വിദ്യാര്‍ഥിയായ കൃഷ്ണപ്രസാദാണു സഹോദരന്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Latest News
Most Read
Malayali Vartha Recommends
MalayaliVartha_300x250_GL