പക്ഷിക്ക് അടയിരിക്കാന്‍ വേണ്ടി വന്‍കിട നിര്‍മ്മാണ പ്രവര്‍ത്തനം നിർത്തിവെച്ചു
മാതൃത്വത്തിന്റെ മഹനീയത അത്യുന്നതമാണെന്ന് തെളിയിച്ച് ദുബായ് ഭരണാധികാരി സോഷ്യൽ മീഡിയകളിൽ വൈറലാകുന്നു.
ഒരു പക്ഷിക്ക് അടയിരിക്കാന്‍ വേണ്ടി വന്‍കിട നിര്‍മ്മാണ പ്രവര്‍ത്തനം നിര്‍ത്തിവെക്കാൻ ഏതെങ്കിലും ഭരണാധികാരി പറയുമെന്ന് വിശ്വസിക്കുന്നുണ്ടോ? 1800കോടിയുടെ നിര്‍മാണ പ്രവര്‍ത്തനം നടക്കുന്ന സ്ഥലത്തെ അടയിരിക്കുന്ന പക്ഷിയുടെ മുട്ട വിരിഞ്ഞ് കുഞ്ഞുങ്ങള്‍ പുറത്തു വരുന്നതു വരെ പദ്ധതി നിര്‍ത്തിവെക്കാന്‍ ഉത്തരവിട്ടിരിക്കുകയാണ് യുഎഇ വൈസ്പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂം.
പുതുതായി നടപ്പാക്കാനുദ്ദേശിക്കുന്ന വികസന പദ്ധതിയുടെ സൈറ്റ് സന്ദര്‍ശിക്കാന്‍ നടത്തിയ യാത്രക്കിടെയാണ് അദ്ദേഹം മരുക്കാട്ടില്‍ മുട്ടയിട്ടു നില്‍ക്കുന്ന ഹ്യൂബാര പക്ഷിയെ കാണുന്നത്. ഇരുവരും മരുഭൂമിയില്‍ ഹെലികോപ്റ്ററില്‍ സഞ്ചരിക്കവെയാണ് നിര്‍മാണപ്രവര്‍ത്തനം നടക്കുന്നിടത്ത് മുട്ടയ്ക്ക് അടയിരിക്കുന്ന പക്ഷി ശ്രദ്ധയില്‍പ്പെടുന്നത്. നിര്‍മാണപ്രവൃത്തിയുടെ ശബ്ദകോലാഹലങ്ങള്‍ക്കിടയില്‍ പരിഭ്രാന്തയായി ഓടുന്ന പക്ഷിയുടെ സുരക്ഷ ഉറപ്പാക്കുന്നതിന് പദ്ധതി മറ്റൊരിടത്തേക്ക് മാറ്റണമെന്ന് അപ്പോള്‍ത്തന്നെ ഉത്തരവിടുകയായിരുന്നു. ഇരുവരും പക്ഷിയെ നിരീക്ഷിക്കുന്ന വീഡിയോ ദൃശ്യം ഉപപ്രധാനമന്ത്രിയും ആഭ്യന്തരമന്ത്രിയുമായ ലെഫ്. ജനറല്‍ ശൈഖ് സെയ്ഫ് ബിന്‍ സായിദ് അല്‍ നഹ്യാനാണ് ഇന്‍സ്റ്റഗ്രാമില്‍ പോസ്റ്റുചെയ്തത്. -
വംശനാശഭീഷണിയുടെ വക്കിലുള്ള ഹ്യൂബാര പക്ഷികളുടെ സംരക്ഷണത്തിനായി നിരവധിപദ്ധതികള്‍ യു.എ.ഇ. ഗവണ്മെന്റ് നടപ്പിലാക്കുന്നുണ്ട്.
https://www.facebook.com/Malayalivartha
