വാട്ട്സ്ആപ്പ് ഉപയോഗിക്കുന്ന സ്ത്രീകള് നിര്ബന്ധമായും അറിഞ്ഞിരിക്കേണ്ട കാര്യങ്ങള്!
ആധുനിക യുഗത്തില് സ്ത്രീകള് ഏറ്റവും കൂടുതല് ചൂഷണം നേരിടുന്നത് വാട്ട്സ്ആപ്പ്, ഫേസ്ബുക്ക് പോലുള്ള സാമൂഹ്യ മാധ്യമങ്ങളിലൂടെയാണ്. കുടുംബപ്രശ്നങ്ങള് ഉള്പ്പെടെയുള്ള ഒട്ടനേകം സാമൂഹ്യപ്രശ്നങ്ങള്ക്കും ഇന്റര്നെറ്റ്, മൊബൈല് ഫോണ് തുടങ്ങിയ ആധുനിക സൗകര്യങ്ങള് കാരണമാവുന്നുണ്ട്. ഇവയെല്ലാം അതീവ ജാഗ്രതയോടെ കൈകാര്യം ചെയ്യേണ്ടവയാണെന്ന ബോധ്യം എല്ലാവര്ക്കുമുണ്ടെങ്കിലും എപ്രകാരമാണ് ഇത്തരം കാര്യങ്ങളില് സ്വയം സുരക്ഷയൊരുക്കുക എന്ന കാര്യത്തില് പലര്ക്കും അറിവില്ല.
ഇക്കാരണങ്ങളാല്, സാമൂഹ്യമാധ്യമങ്ങള്, പ്രത്യേകിച്ച് വാട്ട്സ്ആപ്പ് ഉപയോഗിക്കുന്ന സ്ത്രീകളും വിദ്യാര്ത്ഥിനികളും തീര്ച്ചയായും അറിഞ്ഞിരിക്കേണ്ട കാര്യങ്ങള് പങ്കുവയ്ക്കുകയാണ് എസ് ശ്രീജിത്ത് ഐപിഎസ് തന്റെ ഫേസ്ബുക്ക് പേജിലൂടെ. വാട്ട്സ്ആപ്പ് ഉപയോഗിക്കുന്നവര് സ്വന്തം സുരക്ഷ എപ്രകാരമാണ് ഉറപ്പുവരുത്തേണ്ടത്, ഇത്തരം മാധ്യമങ്ങളെ ദുരുപയോഗം ചെയ്യുന്ന ക്രിമിനലുകളെ കണ്ടെത്തി ശിക്ഷിക്കേണ്ടതെങ്ങനെയാണ് തുടങ്ങിയ കാര്യങ്ങളാണ് എസ് ശ്രീജിത്ത് വിശദീകരിക്കുന്നത്.
ഒരേ നമ്പറില് രണ്ട് പേര്ക്ക് ഒരുമിച്ച് ഒരേ സമയം വാട്ടസ്ആപ്പ് ഉപയോഗിക്കാന് പറ്റുമോ..? ഉത്തരം പറ്റും എന്നാണ്.എങ്ങിനെ: ? ഇതില് ഒരു വലിയ കെണി ഒളിഞ്ഞിരിപ്പുണ്ടെന്ന സത്യവും നാം അറിയേണ്ടിയിരിക്കുന്നു, കാരണം ഇന്ന് വാട്ട്സ്ആപ്പ് ഉപയോഗിക്കുന്നവരായ സ്ത്രീകളും അല്ലാത്തവരും സാധാരണ റീചാര്ജിനായും സര്വീസി നായും സാധാരണ റീചാര്ജ് കടക്കാരെ ആശ്രയിക്കുന്നവരാണ്, മിക്ക റീചാര്ജ് ചെയ്യുന്ന കടകളിലും ഇന്റര്നെറ്റ് കണക്ഷനുള്ള കമ്പ്യൂട്ടറുകളും ഉണ്ടായിരിക്കും.
മൊബൈല് ഫോണ് റീച്ചാര്ജ് ചെയ്യാനായി കടകളില് പോകുമ്പോള് ഒരു കാരണവശാലും ഫോണ് കടക്കാരന്റെ കയ്യില് കൊടുക്കാതിരിക്കുക. സര്വീസിനായി കൊടുക്കേണ്ടി വന്നാല് നമ്മുടെ വാട്ട്സ്ആപ്പ് ബേക്കപ്പ് ചെയ്ത ശേഷം വാട്ട്സ്ആപ്പ് അണ്ഇന്സ്റ്റാള് ചെയ്ത ശേഷമേ കൊടുക്കാവൂ. സിം കാര്ഡ്, മെമ്മറീ കാര്ഡ് മുതലായവയെല്ലാം സ്വന്തം കൈവശം സൂക്ഷിക്കുക.
എന്തെന്നാല് വെബ് എന്ന ഫീച്ചര് ഇന്ന് വാട്ട്സ് ആപ്പില് നിലവിലുണ്ട്. ഇത് വഴി ഏതൊരാളുടേയും .കമ്പ്യൂട്ടര് വഴി കണക്ട് ചെയ്യാന് വളരെ എളുപ്പമാണ്. ഒരു ബാര്കോഡ് സ്കാന് ചെയ്തു അത് വഴി ഒരേ സമയം ഫോണിലും കമ്പ്യൂട്ടറിലും വാട്ട്സ് ആപ്പ് കണക്ട് ചെയ്യാന് കഴിയും. നമ്മള് ആര്ക്കെല്ലാം സന്ദേശങ്ങള് അയക്കുന്നുണ്ടോ അത് മറ്റുള്ളവര്ക്ക് കാണാന് കഴിയുന്നു, ഇതിലൂടേ സ്ത്രീകളും വിദ്യാര്ത്ഥികളും പല കെണികള്ക്കും ഇരകളാവാം. ഇത്തരം കെണികളില് നാം അകപ്പെട്ടെന്ന് ഉറപ്പായാല് പിന്നെ നാം ചെയ്യേണ്ടത്, ഏത് നമ്പറിലാണോ പ്രശ്നം നേരിടുന്നത് ആ നമ്പര് ഉള്ള ഓപ്പണ് ഓപ്ഷന് ഓണ് ചെയ്ത ശേഷം, വാട്ട്സ് ആപ്പ് വെബ് എടുക്കുക. സൈന് ഔട്ട് ഓള് കമ്പ്യൂട്ടര് എന്ന ഓപ്ഷന് കാണാന് സാധിക്കും,അതില് ക്ലിക്ക് ചെയ്താല് ഏതെല്ലാം കമ്പ്യൂട്ടറില് ഈ നമ്പറിലുള്ള വാട്സ് ആപ്പ് സ്കാന് ചെയ്ത് കണക്ട് ആയിട്ടുണ്ടോ അവയെല്ലാം ഡിസ്കണക്ട് ആകുന്നതാണ്. പിന്നെ ഇത്തരം നീച പ്രവര്ത്തി ചെയ്തവരെ കണ്ടെത്തിക്കഴിഞ്ഞാല് നമുക്ക് പരാതി നല്കാം.
https://www.facebook.com/Malayalivartha