Widgets Magazine
23
May / 2017
Tuesday

പ്രണയം നടിച്ച് കൂടെ താമസിപ്പിച്ച് പീഡനത്തിന് വിധേയമാക്കിയെന്ന് ടെക്‌നോപാര്‍ക്ക് ജീവനക്കാരി

17 MAY 2017 01:00 PM IST
മലയാളി വാര്‍ത്ത

ടെക്‌നോപാര്‍ക്ക് ജീവനക്കാരിയായ യുവതിയെ പ്രണയം നടിച്ച് കൂടെ താമസിപ്പിച്ച് പീഡനത്തിന് വിധേയമാക്കിയയാളെ കഴക്കൂട്ടം പോലീസ് അറസ്റ്റ് ചെയ്തു. തെലുങ്കാന ഖമ്മം ഇന്ദിരാ നഗര്‍ സ്വദേശി മോഹന്‍ സിംഗ് ഠാക്കൂര്‍ (28) ആണ് അറസ്റ്റിലായത്. അന്ധ്രാപ്രദേശ്, വിജയവാഡ സ്വദേശിനിയായ യുവതിയുടെ പരാതിയിന്‍മേലാണ് അറസ്റ്റ് ചെയ്തത്.

2015 നവംബറില്‍ ടെക്‌നോപാര്‍ക്കില്‍ ജോലിയില്‍ പ്രവേശിച്ച യുവതിയുമായി അതേ കമ്പനിയില്‍ തന്നെ ജോലി നോക്കുന്ന പ്രതി പ്രണയത്തിലാകുകയും തുടര്‍ന്ന് വിവാഹം കഴിച്ചുകൊള്ളാം എന്ന് പ്രലോഭിപ്പിച്ച് പീഡനത്തിന് ഇരയാക്കുകയും ചെയ്യുകയായിരുന്നു. 2015 ഡിസംബര്‍ മുതല്‍ പല പ്രാവശ്യം യുവതിയെ പ്രലോഭിപ്പിച്ച് പ്രതിയുടെ ഫ്‌ളാറ്റില്‍ താമസിപ്പിക്കുകയും അവിടെവച്ച് പീഡിപ്പിക്കുകയുമാണ് ചെയ്തത്.

ഈ സമയത്ത് നാട്ടില്‍ യുവാവിന് വേറെ വിവാഹത്തിന്റെ ഒരുക്കങ്ങള്‍ നടക്കുകയായിരുന്നു. ഈ സമയത്തിനിടയില്‍ തന്നെ പരാതിക്കാരി ഗര്‍ഭിണിയാവുകയും ചെയ്തു. വിവരം അറിഞ്ഞ പ്രതി രഹസ്യമായി ഒരു സ്വകാര്യ ആശുപത്രിയില്‍ എത്തിച്ച് ഗര്‍ഭം അലസിപ്പിക്കുകയും ചെയ്തു. യുവതി കഴക്കൂട്ടം സൈബര്‍ സിറ്റി അസ്സിസ്റ്റന്റ് കമ്മീഷണറുടെ ഓഫീസില്‍ പരാതിയുമായി എത്തുന്ന സമയത്താണ് പോലീസ് വിവരം അറിയുന്നത്. തുടര്‍ന്ന് കേസ് എടുത്ത ശേഷം നടത്തിയ അസൂത്രിത നീക്കത്തിലാണ് തെലുങ്കാനയിലെ നക്‌സല്‍ മേഖലയില്‍ നിന്നും കഴക്കൂട്ടം സൈബര്‍ സിറ്റി പോലീസ് പ്രതിയെ അറസ്റ്റ് ചെയ്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Latest News
Most Read
Malayali Vartha Recommends
MalayaliVartha_300x250_GL