ക്രീം പുരട്ടുന്നതിനിടെ നെഞ്ചില് ബോട്ടില് പൊട്ടിത്തെറിച്ച് വനിതാ ഫിറ്റ്നെസ് ബ്ലോഗര് മരിച്ചു
ലോകപ്രശസ്ത വനിതാ ഫിറ്റ്നെസ് ബ്ലോഗര് നെഞ്ചില് ക്രീം പുരട്ടുന്നതിനിടെ ക്രീംതേച്ച് പിടിപ്പിക്കാന് ഉപയോഗിക്കുന്ന ബോട്ടില് പൊട്ടിത്തെറിച്ച് മരിച്ചു. തന്റെ ബോഡി ഫിറ്റ്നെസ് ടെക്നിക്കുകള് ഇന്സ്റ്റഗ്രാമിലൂടെ പ്രചരിപ്പിച്ച് താരമായി മാറിയ ഫ്രഞ്ചുകാരി റബേക്കാ ബര്ഗറാണ് നിര്ഭാഗ്യമരണത്തിന് ഇരയായത്. ജൂണ് 18-ന് കിഴക്കന് ഫ്രാന്സിലെ വീട്ടില്വച്ചായിരുന്നു അപകടമെന്ന് ബന്ധുക്കള് അറിയിച്ചു. റബേക്കയുടെ ഇന്സ്റ്റഗ്രാം അക്കൗണ്ടിലൂടെയാണ് അപകടവിവരവും മരണവും ബന്ധുക്കള് അറിയിച്ചത്.
ഫിറ്റ്നെസ് മോഡലായ റബേക്ക, ഫിറ്റ്നെസ് ഉല്പ്പന്നങ്ങളുടെ അവതാരകയും കൂടിയായിരുന്നു. ഇവരുടെ പരിപാടികള്ക്കും ഫിറ്റ്നെസ് ഷോകള്ക്കും സോഷ്യല്മീഡിയയില് വന് ആരാധകരാണുണ്ടായിരുന്നത്.
മരണവിവരമറിയിച്ചുള്ള ഇന്സ്റ്റഗ്രാം പോസ്റ്റിനൊപ്പം അപകടത്തിനിടയാക്കിയ ക്രീം കാനിസ്റ്റര്(കുപ്പിക്കകത്ത് ക്രീംനിറച്ച് വയ്ക്കുന്ന ചെറിയ ബോട്ടില്) തകര്ന്ന് കിടക്കുന്ന ചിത്രവും ബന്ധുക്കള് പോസ്റ്റ് ചെയ്തിട്ടുണ്ട്. ഈ കനിസ്റ്റര് ഉപയോഗിക്കുമ്പോള് ശ്രദ്ധിക്കണമെന്ന മുന്നറിയിപ്പ് നല്കിയാണ് പോസ്റ്റ്. ഇത്തരത്തിലുള്ള നിരവധി കാനിസ്റ്ററുകള് പലരും ഉപയോഗിക്കുന്ന സാഹചര്യത്തിലാണ് മുന്നറിയിപ്പെന്ന് പോസ്റ്റില് പറയുന്നു.
https://www.facebook.com/Malayalivartha