എല്ലാം ജാമ്യത്തിനായി.... തിരക്കൊന്നുമില്ലാതെ ആരാധകരില്ലാതെ ഒറ്റയാനായി ദിലീപ് ജയിലില് ജീവിതം തള്ളി നീക്കുമ്പോള്
ആലുവ സബ് ജയിലിലെ 523ആം നമ്പര് തടവുകാരനായ ദിലീപ് തികഞ്ഞ അച്ചടക്കത്തിലാണ്. സിനിമാ സൂപ്പര്താരത്തിന്റെ ജാഡയില്ലാതെ ഒറ്റയാനായി സഹതടവുകാരോടൊപ്പം ദിലീപ് കഴിയുന്നു. ഇന്ന് ജാമ്യം പരിഗണിക്കാനിരിക്കെ കഴിഞ്ഞ രണ്ടു ദിവസമായി സങ്കീര്ത്തനം വായനയാണ്. ജയിലിനുള്ളില് തടവുകാര്ക്ക് മാനസാന്തരം വരാനായി പ്രാര്ത്ഥിക്കാനെത്തുന്നവര് കൈമാറിയ സങ്കീര്ത്തനം സെല്ലിലെ ഒരു കോണില് കിടന്നാണ് ദിലീപിന് കിട്ടുന്നത്. ഒറ്റയിരുപ്പിന് വായിച്ചു. പിന്നീട് പല തവണ വായിച്ചു. ഇപ്പോഴും വായിച്ചു കൊണ്ടിരിക്കുന്നു. അങ്ങനെ ജാമ്യ ഹര്ജിയില് അനുകൂല വിധി വരുമെന്ന പ്രതീക്ഷയില് ജനപ്രിയ താരം പ്രാര്ത്ഥനകളുമായി ആലുവ ജയിലില് തുടരുകയാണ്.
രാത്രിയിലെ കൊതുക് ശല്യം താരത്തിന്റെ ഉറക്കം കെടുത്തുണ്ട്. കൊതുക് തിരി കത്തിച്ചു വെച്ചിട്ടും സ്വസ്ഥമായി ഉറങ്ങാനാവുന്നില്ല ദിലീപിന്. പകലുറങ്ങിയാണ് രാത്രിയിലെ ക്ഷീണം തീര്ക്കുന്നത്. കഴിഞ്ഞ രണ്ട് ദിവസമായി ഉറക്കം പോകുമ്പോള് സഹതടവുകാര്ക്ക് ദിലീപ് സിനിമ സെറ്റിലെ കഥകള് പറഞ്ഞു കൊടുക്കുന്നുണ്ട്. ഈ കേസില് താന് നിരപരാധിയാണന്നാണ് ദിലീപ് സഹതടവുകാരോട് പറയുന്നത്. അങ്ങനെ ജയിലിലെ സാഹചര്യവുമായി നടന് എല്ലാ അര്ത്ഥത്തിലും ഇണങ്ങിച്ചേര്ന്നു കഴിഞ്ഞു. ആരോടും പരിഭവം പറയാതെയാണ് സൂപ്പര്താരം ജയിലിലെ സംവിധാനങ്ങളുമായി സഹകരിച്ചു പോകുന്നത്.
ബൈബിളിന്റെ ആശയമാണ് സങ്കീര്ത്തനത്തിലൂടെ മനസുകളിലേക്ക് എത്തുന്നത്. പല ജയില് തടവുകാരും ആത്മവിശ്വാസം വീണ്ടുടെക്കാന് ഉപയോഗിക്കുന്ന പുസ്തകം. ഇത് തന്നെയാണ് ദിലീപിന്റെ ജയിലിലെ ഉറ്റ സുഹൃത്ത്. ഓരോ വായനയും മനസിന് വല്ലാത്ത സുഖവും ആശ്വാസവും നല്കുന്നതായി ദിലീപ് തന്നെ വാര്ഡന്മാരോടു പറഞ്ഞു. സങ്കീര്ത്തനം വായിച്ചു തുടങ്ങിയ ശേഷം ദിലീപിലെ മാറ്റം സഹതടവുകാര്ക്കും അനുഭവമായി, വിഷണ്ണനായി ഒറ്റക്കിരുന്ന സൂപ്പര് സ്റ്റാര് ഇപ്പോള് സഹ തടവുകാരുടെ പേരും ഊരുമൊക്കെ അന്വേഷിച്ചു തുടങ്ങി. സങ്കീര്ത്തന വായനക്ക് പുറമെ നാമജപവും തുടങ്ങിയിട്ടുണ്ട് ദിലീപ്.
താരം സെല്ലിലെ അഞ്ചു പേരോടും മിണ്ടി തുടങ്ങിയതോടെ അവരും പ്രാര്ത്ഥിക്കുകയാണ് ദിലീപിന്റെ മോചനത്തിന്. തിങ്കളാഴ്ച ജാമ്യഹര്ജി പരിഗണിക്കുന്നതുകൊണ്ട് തന്നെ ദിലീപിന്റെ പ്രതീക്ഷയും ഏറുകയാണ് ജാമ്യം ലഭിക്കുമെന്ന് അഭിഭാഷകന് ഉറപ്പു നല്കിയതായി ദിലീപ് തന്നെ വാര്ഡന്മാരോടും സഹതടവുകാരോടും പറഞ്ഞു. വിഷണ്ണനായി ഇരിക്കുന്നത് മാറിയെങ്കിലും ഞായറാഴ്ച തടവുകാര്ക്കായി പ്രദര്ശിപ്പിച്ച തമിഴ് സിനിമ കാണാന് ദിലീപ് പോയില്ല. സഹതടവുകാര് സിനിമക്ക് പോയപ്പോഴും ദിലീപ് സങ്കീര്ത്തന വായനയില് മുഴുകി. പത്രം സെല്ലുകളില് എത്തിക്കുമെങ്കിലും ദിലീപ് വായിക്കാറില്ല. സഹതടവുകാരോടു തന്നെ പറ്റിയുള്ള വാര്ത്തകള് ഉറക്കെ വായിക്കരുതെന്ന് പ്രത്യേകം പറഞ്ഞിട്ടുണ്ട്.
തന്നെ ക്രൂശിക്കുന്ന വാര്ത്തകള് വായിക്കുമ്പോള് സങ്കടം വരുമെന്ന് ദിലീപ് തന്നെ ജയില് സൂപ്രണ്ടിനോടു തുറന്ന് പറഞ്ഞു .സുപ്രീം കോടതിയിലെ അഭിഭാഷകരും ചില സിനിമ പ്രവര്ത്തകരും ഒക്കെ ദിലീപിനെ കാണാന് എത്തുന്നുണ്ട്. ഇതില് ദിലീപ് കാണാന് താല്പര്യപ്പെടുന്നവരെ മാത്രമാണ് സൂപ്രണ്ടിന്റെ റൂമിലേക്ക് കടത്തി വിടുന്നത്. അമ്മയോടും മകളോടും ഭാര്യ കാവ്യയോടും ജയിലില് കാണാന് വരരുതെന്ന് ദിലീപ് പ്രത്യേകം നിദ്ദേശിച്ചിട്ടുണ്ട്. ഇവരെ മൂന്ന് പേരെയും അനുവാദമുള്ളപ്പോഴൊക്കെ ദിലീപ് ഫോണില് വിളിക്കുന്നുണ്ട്.
https://www.facebook.com/Malayalivartha