ദിലീപിനു വേണ്ടി വാദിച്ച അധികാര കേന്ദ്രത്തിനുള്ള ചുട്ട മറുപടി
നടിയെ ആക്രമിച്ച കേസില് റിമാന്ഡില് കഴിയുന്ന നടന് ദിലീപിന്റെ ജാമ്യപേക്ഷ നിരസിച്ചുകൊണ്ട് ഹൈക്കോടതി ഉത്തരവിറക്കുമ്പോള് എല്ലാവരും ഉറ്റു നോക്കുന്നത് മുഖ്യമന്ത്രി പിണറായി വിജയനേയാണ്.
മംഗളം സിനിമയില് പല്ലിശേരിയാണ് മുഖ്യമന്ത്രിയുടെ ഇടപെടലുകളെ കുറിച്ചെഴുതുന്നത്. ഏല്ലാവരും വിചാരിച്ചിട്ടും ദിലീപിനെതിരെ പൊലീസ് അന്വേഷണം മുന്നോട്ട് പോയത് മുഖ്യമന്ത്രിയുടെ ഇച്ഛാശക്തി മൂലമാണെന്ന് പല്ലിശേരി പറയുന്നു. ജനവികാരത്തിനു മുമ്പില് ദിലീപിനെതിരെ കിട്ടിയ തെളിവിനു മുന്നില് ഇനിയും അറസ്റ്റ് ചെയ്തില്ലെങ്കില് താനാണ് ദിലീപിനെ മോചിപ്പിക്കാന് മുന്നില് നിന്നതെന്ന് ജനങ്ങള് പറഞ്ഞാല് നിഷേധിക്കാനാവില്ലെന്ന് മുഖ്യമന്ത്രി തിരിച്ചറിഞ്ഞുവെന്നാണ് പല്ലിശേരി വിലയിരുത്തുന്നത്. കേസില് സിബിഐ അന്വേഷണം നടക്കുമെന്ന പ്രതീക്ഷയും പല്ലിശേരി പങ്കുവയ്ക്കുന്നു.
അങ്ങനെ വന്നാല് ഇത്രയും കാലം രാഷ്ട്രീയത്തിലുണ്ടാക്കിയ സല്പ്പേരാണ്, ഇരട്ടച്ചങ്കാണ് ഇല്ലാതാകുന്നത്. അതുകൊണ്ടാണ് മുഖ്യമന്ത്രി ഒരു പാരലല് അന്വേഷണം ആരംഭിച്ചു. ചില ഉദ്യോഗസ്ഥര് ദിലീപിന്റെ കേസ് എഴുതിത്തള്ളാനുള്ള ശ്രമങ്ങളൊരുക്കിയപ്പോള് മുഖ്യമന്ത്രിയും ഡി.ജി.പിയും ഐ.ജിയും മറ്റു പൊലീസ് ഉദ്യോഗസ്ഥരും ദിലീപ് വലപൊട്ടിച്ച് തെളിവുകള് ശേഖരിച്ചു. അതിന്റെ അടിസ്ഥാനത്തിലായിരുന്നു അറസ്റ്റ് എന്ന് പല്ലിശേരി വിശദീകരിക്കുന്നു.
ഒരു വിട്ടുവീഴ്ചയും ചെയ്യാത്ത ഉയര്ന്ന ഉദ്യോഗസ്ഥര് വിളിച്ചുപറഞ്ഞാലും നിയമം നിയമത്തിന്റെ വഴിക്ക് എന്നു പറയുന്ന ക്ലീന് ഇമേജിന്റെ പൊലീസ് ഓഫീസറാണ് എസ്പി. ജോര്ജ്ജ്. അദ്ദേഹം ഇടുക്കിയില് എസ്പി.യായിരിക്കുമ്പോള് ചില സംഭവങ്ങള് എനിക്കറിയം. അത്രയ്ക്കും വലിയ കര്ശനക്കാരന് യാതൊരു തരത്തിലുമുള്ള പ്രലോഭനങ്ങള്ക്കും വഴങ്ങാത്ത ആള്. അതുകൊണ്ടാണല്ലോ ബുദ്ധിപരമായ അന്വേഷണത്തിലൂടെ പഴുതുകള് അടച്ച് തെളിവുകള് ശേഖരിച്ച് ദിലീപിനെ അറസ്റ്റ് ചെയ്തതെന്ന് പല്ലിശേരി പറയുന്നു.
ഇതിനിടയില് അന്വേഷണ സംഘംത്തില് നിന്നും എസ്പി ജോര്ജ്ജിനെ മാറ്റാന് ശക്തമായ ലോബി പ്രവര്ത്തിക്കുന്നുണ്ട്. തല്ക്കാലം മുഖ്യമന്ത്രി അതിനൊന്നും വഴങ്ങില്ല. വിശ്വസ്തരെന്നു വിചാരിച്ചിരുന്ന ക്ലീന് ഇമേജുണ്ടെന്ന് സ്വയം വിശ്വസിച്ചിരുന്ന ചിലര് മുഖ്യമന്ത്രിയെ ചതിച്ചു. ഇതില് നിന്ന് പാഠം ഉള്ക്കൊണ്ടാണ് ദിലീപ് വിഷയത്തിലെ ഇടപെടലെന്നാണ് പല്ലിശേരി പറയുന്നത്. ജാമ്യ ഹര്ജി ഹൈക്കോടതി തള്ളിയതോടെ പിണറായി വിജയന് സര്ക്കാരിന് കൈയടി ഉറപ്പാണ്. ഇതിന് പുതിയ തലം നല്കുന്നതാണ് പല്ലിശേരിയുടെ തുറന്നെഴുത്തും.
ജാമ്യം തള്ളിയത് ദിലീപിന് തിരിച്ചടിയാണ്. കേസ് അന്വേഷണം പുരോഗമിക്കുകയാണ്. അത് നിര്ണായക ഘട്ടത്തിലാണ്. അപ്പുണ്ണി ഒളിവിലാണ്. അയാളെ അറസ്റ്റു ചെയ്യേണ്ടതുണ്ട്. സാഹചര്യ തെളിവുകളും മറ്റും കൂട്ടിയിണക്കേണ്ട ഈ സാഹചര്യത്തില് ജാമ്യം അനുവദിക്കാന് കഴിയില്ലെന്നും കോടതി അസന്നിഗ്ധമായി വ്യക്തമാക്കി. സ്ത്രീക്കെതിരെയുണ്ടായത് അതിക്രൂരമായ അതിക്രമമാണെന്നും കോടതി നിരീക്ഷിച്ചു. ജാമ്യം നല്കിയാല് പ്രബലനായ പ്രതി സാക്ഷികളെ സ്വാധീനിക്കുമെന്ന പ്രോസിക്യൂഷന് വാദം കോടതി പൂര്ണ്ണമായും അംഗീകരിച്ചു. ഉന്നതനായതിനാല് തെളിവുകളും നശിപ്പിക്കപ്പെട്ടേക്കും. കേസ് ഡയറിയില് ദിലീപിന്റെ പങ്കാളിത്തം വ്യക്തമാക്കുന്നുണ്ട്.
ശാസ്ത്രീയമായ തെളിവുകളും ദിലീപിന് എതിരാണ്. നടിയെ ആക്രമിച്ച ദൃശ്യം ചിത്രീകരിച്ച മൊബൈല് ഫോണ് കണ്ടെത്തേണ്ടതുണ്ട്. അഭിഭാഷകര് അടക്കമുള്ളവരെ ചോദ്യം ചെയ്യേണ്ടതുണ്ടെന്നുമുള്ള പ്രോസിക്യുഷന് വാദം ഹൈക്കോടതി പൂര്ണ്ണമായും അംഗീകരിച്ചു.
https://www.facebook.com/Malayalivartha