വിദ്യാര്ത്ഥികളുടെ മുന്നില് വെച്ച് തമ്മിലടിച്ച് ടീച്ചര്മാര്
സ്കൂളിലെ പ്രധാനാധ്യാപികയും സയന്സ് അധ്യാപികയും തമ്മിലുള്ള അടിപിടി കണ്ട് കുട്ടികള് പകച്ചുപോയി. പഞ്ചാബിലെ ഡേരാ ബസ്സിലെ ഗവണ്മെന്റ് സ്കൂളിലാണ് സംഭവം. കുട്ടികള് നോക്കിനില്ക്കുമ്പോഴാണ് സ്കൂളിലെ പ്രധാനാധ്യാപികയായ വീണാബസ്സിയും സയന്സ് അധ്യാപികയായ കൈലാഷ് റാണിയും തമ്മില് തല്ലുണ്ടാക്കിയത്.
സംഭവത്തെക്കുറിച്ച് കൈലാഷ് റാണി വിശദീകരിക്കുന്നതിങ്ങനെ.. ''രണ്ടുദിവസത്തെ അവധിക്കുശേഷം തിങ്കളാഴ്ച സ്കൂളിലെത്തിയ എന്നെ പ്രധാനാധ്യാപിക കാരണമില്ലാതെ തല്ലുകയായിരുന്നു. സ്കൂള് ഫണ്ടുകള് അവര് ദുരുപയോഗം ചെയ്തതിനെപ്പറ്റി ഞാന് നേരത്തെ പരാതിപ്പെട്ടിരുന്നു. അതിന്റെ വൈരാഗ്യം അവര് തീര്ത്തത് മറ്റൊരു വഴിക്കാണ് അവര് കഴിഞ്ഞാല് ഞാനാണ് ഈ സ്കൂളിലെ സീനിയര് എന്നിട്ടും വൈസ് ഹെഡ്മിസ്ട്രസ്സിന്റെ ചാര്ജ് അവര് ഒരു ജൂനിയര് അധ്യാപികയ്ക്കാണു നല്കിയത്''.എന്നാല് കൈലാഷ് റാണി തനിക്കും ഇവിടെയുള്ള മറ്റ് അധ്യാപകര്ക്കും ഭീഷണിയാണെന്നാണ് പ്രധാനാധ്യാപികയുടെ വാദം. ഇതിനു മുമ്പ് അവര് മറ്റു മൂന്നു അധ്യാപകരെ ആക്രമിച്ചിട്ടുണ്ടെന്നും വീണാബസ്സി പറയുന്നു. സംഭവത്തെത്തുടര്ന്ന് ജില്ലാ വിദ്യാഭ്യാസ ഓഫീസര് സ്കൂളിലെത്തി സംഭവത്തിന്റെ സത്യാവസ്ഥ അന്വേഷിക്കുകയും മറ്റ് അധ്യാപകരില് നിന്ന് ഇവര്ക്കെതിരെ പരാതി എഴുതി സ്വീകരിക്കുകയും ചെയ്തു. ഇരുവരെയും മേലധികാരികള്ക്കു മുന്നില് ഹാജരാക്കുമെന്നും അറിയിച്ചു. കുട്ടികള്ക്കു മാതൃകയാകേണ്ട അധ്യാപകര് ഇതുപോലെ മോശമായി പെരുമാറിയാല് അതു കുട്ടികളുടെ പഠനത്തെയും ഭാവിയെയും ദോഷകരമായി ബാധിക്കുമെന്നും അദ്ദേഹം പറഞ്ഞു.
https://www.facebook.com/Malayalivartha