പൊതുവേ ഭാരതീയരായ പുരുഷന്മാര്‍ തങ്ങളുടേതായ ചില ഇഷ്ടങ്ങളെ മറ്റുള്ളവരോട് പറയാതെ മനസ്സില്‍ സൂക്ഷിക്കാറുണ്ട്. തങ്ങള്‍ക്ക് വിധിച്ചതെന്തോ അതില്‍ തൃപ്തരായി ജീവിക്കുന്നവരും കുറവല്ല. പലരും തുറന്ന് പറയില്ലെങ്കിലും ഇന്ത്യയിലെ പുരുഷന്മാര്‍ക്ക് കൂടുതലും മദാലസകളായ സ്ത്രീകളോടാണ് പ്രിയമെന്ന് ഒരു സര്‍വ്വേ വെളിവാക്കുന്നു.

തന്റെ ജീവിത സഖിയായി കടന്ന് വരുന്ന പെണ്‍കുട്ടി അടിമുടി സുന്ദരിയായിരിക്കുന്നതിനൊപ്പം തന്നെ ബുദ്ധിമതിയും തന്റെ കുടുംബത്തിലെ എല്ലാവരോടും സഹകരിച്ച് പോകുന്നവളും കൂടി ആണെങ്കില്‍ പൊന്നുംകുടത്തിന് പൊട്ടെന്നപോലെ പുരുഷന്മാര്‍ക്ക് ഏറെ പ്രിയമുള്ളവരാകുകയും ചെയ്യും. തന്റെ ഭാര്യ എല്ലാ അര്‍ത്ഥത്തിലും മറ്റു സ്ത്രീകളില്‍ നിന്നും അല്പം വ്യത്യസ്ഥയായിരിക്കണം എന്നും ആഗ്രഹിക്കുന്ന പുരുഷന്മാരും കുറവല്ല.

ഇവയെല്ലാം സാധാരണമായ കാര്യങ്ങള്‍ തന്നെയാണെന്നിരിക്കെ ഇവയില്‍ നിന്നും ഭിന്നമായി തന്റെ ഭാര്യയായി വരുന്ന പെണ്‍കുട്ടിയില്‍ പ്രതീക്ഷിക്കുന്ന മറ്റു ചില ആഗ്രഹങ്ങളും പുരുഷന്മാര്‍ക്ക് ഉണ്ട്.

1. സ്വയം പര്യാപ്ത...

ഇന്ത്യയിലെ ഭൂരിപക്ഷം പുരുഷന്മാരും തന്റെ പങ്കാളി സ്വയം പര്യാപ്തത ഉള്ളവളായിരിക്കണം എന്ന് ആഗ്രഹിക്കുന്നവരാണ്. സ്വന്തം കാലില്‍ നില്‍ക്കുന്ന സ്ത്രീകളോട് അവര്‍ക്ക് താത്പര്യം കൂടും. അത്തരം സ്ത്രീകളോടൊപ്പം ജീവിച്ചാല്‍ തങ്ങള്‍ ബഹുമാനിതരാകുമെന്നും സല്‍പേര് വര്‍ദ്ധിക്കുമെന്നും അവര്‍ കരുതുന്നു.

2.സ്വാഭിമാനി...

ഏതെങ്കിലും പുരുഷന്റെ ഇഷ്ടം നേടി എടുക്കണമെന്നുണ്ടെങ്കില്‍ നിങ്ങള്‍ സ്വാഭിമാനികളാകുക. അത്തരം സ്ത്രീകളോട് പുരുഷന്മാര്‍ക്ക് ഇഷ്ടം കൂടും. അവര്‍ അത് തുറന്ന് പറയില്ലെങ്കിലും തന്റെ ജീവിതപങ്കാളി സ്വാഭിമാനിയായിരിക്കണം എന്ന് അവര്‍ ഉള്ളിന്റെ ഉള്ളില്‍ ആഗ്രഹിക്കുന്നുണ്ട്.

3. ഫ്‌ലേര്‍ട്ടിംഗ്...

ന്യൂജനറേഷന്‍ ജീവിത ശൈലിയിലെ ഫ്‌ലേര്‍ട്ടിംഗ് സ്വഭാവ ശൈലിയുള്ള സ്ത്രീകളെ പുരുഷന്മാര്‍ക്ക് ഇഷ്ടമാകുമത്രേ. അത്തരം ജീവിതശൈലിയുള്ള സ്ത്രീകളോടൊപ്പം കഴിയുമ്പോള്‍ പരസ്പരമുള്ള സ്‌നേഹം എക്കാലവും അങ്ങനെ തന്നെ നിലനിര്‍ത്താന്‍ കഴിയുമെന്ന് അവര്‍ വിശ്വസിക്കുന്നു.

4. സത്യസന്ധത...

വിശ്വസ്ഥയായ പങ്കാളിയെ ആഗ്രഹിക്കാത്ത ഒരാളും ലോകത്ത് ഉണ്ടാകില്ല എന്നതാണ് വാസ്തവം. എല്ല പുരുഷുന്മാരും തന്നില്‍ നിന്നും ഒന്നും മറച്ച് വയ്ക്കാത്ത സത്യസന്ധയായ പങ്കാളിയെ ആണ് ആഗ്രഹിക്കുന്നത്.

5. സമര്‍പ്പണം...

തന്റെ പങ്കാളി എല്ലാം തന്നില്‍ സമര്‍പ്പിച്ച് ജീവിക്കുന്ന ആളായിരിക്കണം എന്ന് പുരുഷന്മാര്‍ ആഗ്രഹിക്കുന്നു. തന്റെ ഒപ്പം തന്നെ നിന്ന് തനിക്ക് വേണ്ടുന്നതെല്ലാം ചെയ്ത് തരുന്നവളായിരിക്കണം അവള്‍. വെറും അഭിനയത്തില്‍ മാത്രം എല്ലാം ഒതുക്കുന്ന സ്ത്രീകളെ പുരുഷന്മാര്‍ ഇഷ്ടപ്പെടില്ല.