കേരളം ഉറ്റ് നോക്കുന്ന രാമലീല സിനിമയുടെ ടിക്കറ്റ് വില്പ്പന തകൃതി
![](https://www.malayalivartha.com/assets/coverphotos/w657/72173_1506330164.jpg)
കേരളം ഉറ്റ് നോക്കുന്ന രാമലീല സിനിമയുടെ റിലീസ് വ്യാഴാഴ്ച നടക്കും. ചിത്രത്തിന്റെ ടിക്കറ്റ് വില്പ്പന തിങ്കളാഴ്ച തുടങ്ങി. ഫാന്സ് അസോസിയേഷനുകള് വഴിയാണ് വില്പ്പന തുടങ്ങിയത്. ദിലീപ് ജയിലിലായതിനെ തുടര്ന്ന് വിവാദങ്ങള് ഉണ്ടായ സ്ഥിതിക്ക് ഏറെ ആകാംഷയോടെയാണ് ചിത്രത്തെ ചലച്ചിത്രലോകവും പൊതുസമൂഹവും നോക്കിക്കാണുന്നത്.
14 കോടി മുതല്മുടക്കുള്ള ചിത്രത്തിന് മികച്ച ഇനീഷ്യല് ലഭിക്കുമെന്ന് ഉറപ്പാണ്. അഞ്ച് കോടിയോളം രൂപ സാറ്റലൈറ്റ് അവകാശത്തില് ലഭിക്കും. ഓവര്സീസ് അവകാശത്തിന് രണ്ട് കോടിയെങ്കിലും ലഭിക്കും. അങ്ങനെ നോക്കുമ്പോള് നിര്മാതാവിന് കൈ പൊള്ളില്ലെന്ന് ഉറപ്പാണ്.
ചിത്രത്തിനെതിരെ വുമണ് ഇന് കളക്ടീവ് സിനിമയും സോഷ്യല് മീഡിയിലെ ഒരു വിഭാഗവും ചലച്ചിത്ര അക്കാദമി എക്സിക്യൂട്ടീവ് അംഗവും രംഗത്ത് എത്തിയിട്ടുണ്ട്. എന്നാല് ഇതൊന്നും സിനിമയെ ബാധിക്കില്ലെന്നാണ് ഫാന്സുകാര് വിശ്വസിക്കുന്നത്. സിനിമ നല്ലതാണെങ്കില് വിജയമാകുമെന്ന് ഉറപ്പാണ്.
നടന്മാരുടെ സ്വഭാവഗുണം നോക്കിയല്ല സിനിമ കാണാന് മലയാളി പോകുന്നത്. എന്നാല് നടിയെ ആക്രമിച്ച കേസ് അപൂര്വങ്ങളില് അപൂര്വമായതിനാല് പ്രേക്ഷകരുടെ മനശാസ്ത്രം എങ്ങനെയാകുമെന്ന് പറയാനാവില്ലെന്ന് വിശ്വസിക്കാനാവില്ല. മലയാളസിനിമ ആദ്യമായാണ് ഇത്തരമൊരു പ്രതിസന്ധിയിലൂടെ കടന്ന് പോകുന്നത്.
സംസ്ഥാനത്ത് മാത്രം 300ലധികം കേന്ദ്രങ്ങളില് റിലീസ് ചെയ്യാനാണ് ആലോചിക്കുന്നത്. പ്രദര്ശനത്തിന് സംരക്ഷണം നല്കണമെന്ന് ആവശ്യപ്പെട്ട് ടോമിച്ചന് മുളക്പാടം കോടതിയെ സമീപിച്ചെങ്കിലും അനുമതി നല്കിയില്ല. അതേസമയം സിനിമ വന്വിജയമാക്കാന് ദിലീപിന്റെ അനുജനും താരത്തോട് അടുപ്പമുള്ള മറ്റ് സിനിമാ പ്രവര്ത്തകരും എല്ലാ പ്രവര്ത്തനങ്ങളും ചെയ്തുവരുകയാണ്. ഇന്ഡസ്ട്രിയുടെ മൊത്തം പ്രശ്നമായാണ് ഇതിനെ കാണുന്നത്.
https://www.facebook.com/Malayalivartha