ഭൂമിയുടെ കറക്കത്തിന്റെ വേഗത കുറയുന്നതായി കണ്ടെത്തല്‍; ദുരന്തങ്ങള്‍ പെരുകുമെന്ന് മുന്നറിയിപ്പ്
ലോകത്തെ ഞെട്ടിച്ച് ശാസ്ത്രജ്ഞന്‍മാരുടെ കണ്ടെത്തല്‍. വരും വര്‍ഷങ്ങളില്‍ ലോകത്ത് വിനാശകരമായ ഭൂകമ്പങ്ങളുടെ എണ്ണം വര്‍ധിക്കാന്‍ സാധ്യതയുണ്ടെന്ന വിലയിരുത്തലുകളാണ് ശാസ്ത്രജ്ഞന്‍മാര്‍ നല്‍കുന്നത്. ഭൂമിയുടെ ഭ്രമണവേഗത്തിലുള്ള വ്യതിയാനങ്ങളാണ് ഭൂകമ്പ സാധ്യത വര്‍ധിപ്പിക്കുന്നത്.
ഭൂമിയുടെ ഭ്രമണത്തില്‍ ഉണ്ടാകുന്ന വ്യതിയാനങ്ങള്‍ വളരെ സൂക്ഷ്മമാണെങ്കില്‍ പോലും വലിയ അളവിലുള്ള ഭൂഗര്‍ഭ ഊര്‍ജ്ജ വികിരണത്തിന് അത് കാരണമാകുമെന്നാണ് ചൂണ്ടിക്കാണിക്കപ്പെടുന്നത്. അതായത്, ദിവസത്തിന്റെ നീളത്തില്‍ ഉണ്ടാകുന്ന വ്യതിയാനങ്ങള്‍ വളരെ സൂക്ഷ്മമാണെങ്കില്‍ പോലും വലിയ അളവിലുള്ള ഭൂഗര്‍ഭ ഊര്‍ജ്ജ വികിരണത്തിന് കാരണമാകുമത്രേ
കഴിഞ്ഞ ഒരു നൂറ്റാണ്ടിനിടയില്‍ ഉണ്ടായിട്ടുളള പ്രധാനപ്പെട്ട ഭൂചനങ്ങളുടെ വിവരങ്ങളെല്ലാം വിശദമായി രേഖപ്പെടുത്തിയിരിക്കുന്നത് ഇവരുടെ പഠനത്തെ ഗണ്യമായി സഹായിച്ചു. മറ്റ് കാലങ്ങളെ അപേക്ഷിച്ച് അഞ്ച് ഘട്ടങ്ങളില്‍ ഭൂകമ്പങ്ങളുടെ എണ്ണത്തില്‍ ഗണ്യമായ വര്‍ദ്ധനയുണ്ടായതായി അവര്‍ കണ്ടെത്തി
ആ കാലഘട്ടങ്ങളില്‍ പ്രതിവര്‍ഷം 25 മുതല്‍ 30 വരെ തീവ്രമായ ഭൂമികുലുക്കങ്ങളാണ് ഉണ്ടായതെന്ന് ബില്‍ഹാം പറയുന്നു. ബാക്കിയുള്ള കാലഘട്ടങ്ങളില്‍ പ്രതിവര്‍ഷം 15 ഓളം ഭൂകമ്പങ്ങളാണ് ഉണ്ടായത്. ഈ സമയത്തുണ്ടായ തീവ്രമായ ഭൂചലന പ്രവണതകളും മറ്റ് ഘടകങ്ങളുമായി താരതമ്യം ചെയ്തപ്പോഴാണ് ഭൂമിയുടെ ഭ്രമണവേഗം വളരെ സൂക്ഷമമായി കുറയുമ്പോള്‍ ഭൂകമ്പങ്ങളുടെ എണ്ണം പെരുകുന്നതായി കണ്ടെത്തിയത്.
https://www.facebook.com/Malayalivartha
