'എന്ത് വിശ്വാസത്തിന്റെ പേരിലായാലും ശരി ഈ കാഴ്ച വല്ലാതെ വേദനിപ്പിക്കുന്നു'...
അച്ഛനൊപ്പം നഗ്നപാദരായി ശബരിമലയിൽ പോകുന്ന കുഞ്ഞുങ്ങളുടെ ചിത്രം പങ്കുവച്ച് സിപിഐഎം നേതാവും കണ്ണൂർ ജില്ലാ പഞ്ചായത്ത് വൈസ് പ്രസിഡന്റുമായ പിപി ദിവ്യയുടെ ഫേസ്ബുക്ക് പോസ്റ്റ് സോഷ്യൽ മീഡിയയിൽ ചർച്ചയാകുന്നു.
'എന്ത് വിശ്വാസത്തിന്റെ പേരിലായാലും ശരി ഈ കാഴ്ച വല്ലാതെ വേദനിപ്പിക്കുന്നു. കാസർഗോഡു നിന്നും കാൽനടയായി അഛനോടൊപ്പം രണ്ടു കുരുന്നുകൾ ശബരിമലയിലേക്ക്. പൊരിവെയിലത്ത് നഗ്നപാദരായ് ഈ കുഞ്ഞുങ്ങൾ താണ്ടാനുള്ളത് 400 കിലോമീറ്റർ. ആരു ചെയ്ത പാപഭാരം തീർക്കാനാണാവോ'- ദിവ്യ കുറിച്ചു.
ദിവ്യയുടെ ഈ ഫേസ്ബുക്ക് പോസ്റ്റിനെ അനുകൂലിച്ചും പ്രതികൂലിച്ചും നിരവധിപ്പേർ രംഗത്തെത്തി. ഭക്തി എന്തെന്ന് പോലും തിരിച്ചറിയാത്ത ഈ പ്രായത്തിൽ അവർക്ക് ഇതൊരു ഭാരം തന്നെയാണ്, ബാലവേലക്ക് കേസ്സെടുക്കണം, 400 കി.മി.ദൂരം, ഒരു സാധാരണ ആരോഗ്യമുള്ള ആളിനു പോലും പാദരക്ഷയില്ലാതെ നടക്കുക എന്നത് കഠിന പ്രയത്നം തന്നെ .രണ്ടു പിഞ്ചു കുട്ടികളെക്കൊണ്ട് ഇരുമുടിയും തലയിലേറ്റി ഇക്കണ്ട ദൂരമത്രയും നഗ്നപാദരാക്കി നടത്തിക്കുന്നത് ക്രൂരമായ പ്രവൃത്തിയാണ് എന്നിങ്ങനെ ദിവ്യയുടെ പോസ്റ്റിനെ അനുകൂലിച്ചുകൊണ്ട് ചിലർ രംഗത്തെത്തിയപ്പോൾ ഇതിനെ മറ്റുചിലർ എതിർക്കുകയും ചെയ്യുന്നുണ്ട്.
https://www.facebook.com/Malayalivartha