80-ാം വയസ്സില് ആശുപത്രി തന്നെ നിര്ബ്ബന്ധിച്ചു യാത്രയയപ്പ് നല്കി; അതിനു മുമ്പ് ഷില്ലോംഗിലെ ഈ നഴ്സ് എടുത്തത് ആയിരത്തിലധികം പ്രസവങ്ങള്
ആയിരത്തിലധികം ജനനങ്ങളില് കയ്യൊപ്പ് ചാര്ത്തി ചരിത്രമായ ഷില്ലോംഗിലെ ക്യീക്ക് മുഖിം ഒടുവില് 80-ാം വയസ്സില് ജോലിയില് നിന്നും വിരമിച്ചു. മാലാഖമാരുടെ ജോലികളിലെ ഇന്ത്യയുടെ പ്രതീകമായി വാഴ്ത്തപ്പെടുന്ന ഇവര് വടക്കുകിഴക്കന് സംസ്ഥാനമായ മേഘാലയയിലെ ഉള്നാടന് പ്രദേശത്തെ മലയോര ജില്ലയിലെ നഴ്സും മിഡ്വൈഫുമൊക്കെയായ ക്യീക്കിന് പ്രായമേറിയതിനെ തുടര്ന്ന് ഒടുവില് നിര്ബ്ബന്ധിത വിരമിക്കല് നല്കുകയായിരുന്നു . 62 വര്ഷത്തോളം ജോലി ചെയ്ത ഷില്ലോംഗിലെ ഖാരംഗ് റൂറല് സെന്ററിലെ സേവനമാണ് ക്വീക്ക് അവസാനിപ്പിക്കുന്നത്.
നാട്ടില് കോംഗ് ക്വീക്ക് എന്ന് സ്നേഹത്തോടെ അറിയപ്പെടുന്ന ക്വീക്ക് 2017 ജൂണ് വരെ ഖാരംഗ് റൂറല് സെന്ററില് മുഴുവന് സമയ ജീവനക്കാരിയായിരുന്നു. വാര്ദ്ധക്യസഹജമായ അസുഖത്തെ തുടര്ന്ന് ആശുപത്രിയില് പ്രവേശിപ്പിച്ചതോടെയാണ് നിര്ബ്ബന്ധിത വിരമിക്കല് നല്കിയത്. ശനിയാഴ്ച കെആര്സി മാനേജ്മെന്റ് കമ്മറ്റി അവര്ക്ക് ഉചിതമായ യാത്രയയപ്പ് നല്കി. മനുഷ്യസ്നേഹിയായിരുന്ന ഇംഗഌഷുകാരി ആനി മാര്ഗരറ്റ് ബാര് സ്ഥാപിച്ച കെആര്സി യിലെ മുഴുവന് സമയ ജീവനക്കാരിയായിരുന്ന ക്വീക്ക് ജീവിതത്തിന്റെ ഒരു നല്ല ഭാഗവും അവിടെയായിരുന്നു ചെലവഴിച്ചത്.
ബാര് സ്ഥാപിച്ച കെആര്സിയില് നഴ്സിംഗ് പരിശീലനം നേടിയ ആദ്യകാല വിദ്യാര്ത്ഥി കൂടിയാണ് ക്വീക്ക്. 1952 ലായിരുന്നു പ്രാദേശിക കേന്ദ്രത്തിലേക്ക് ക്വീക്ക് ഉള്പ്പെടെയുള്ള വിദ്യാര്ത്ഥികളെ എടുത്തത്. വിദ്യാഭ്യാസം പൂര്ത്തിയാക്കിയ ശേഷം നഴ്സിംഗില് പരിശീലനം നേടുകയും ഷില്ലോംഗ് സിവില് ഹോസ്പിറ്റലില് ഇന്റേന്ഷിപ്പ് പൂര്ത്തിയാക്കുകയും ചെയ്ത അവര് ഗണേശ് ദാസ് ഹോസ്പിറ്റല്, ടിബി ഹോസ്പിറ്റല് എന്നിവിടങ്ങളില് മൂന്ന് വര്ഷം സേവനം അനുഷ്ഠിച്ച ശേഷമാണ് കെആര്സിയില് ജോലി ചെയ്യാന് തുടങ്ങിയത്.
കെ ആര്സിയില് ആറ് ദശകത്തോളം മിക്കവാറും എല്ലാ ദിവസവും അര്ദ്ധരാത്രി വരെ ജോലി ചെയ്തിരുന്നു. ഷില്ലോംഗിലെ ലേഡി റീഡ് ബേസിക് സ്കൂളിലും ആസാമിലെ ശരണ്യ ആശ്രമത്തിലും വിദ്യാഭ്യാസം ചെയ്ത ക്യീക്ക് നെയ്ത്ത്, പച്ചക്കറി കൃഷി എന്നിവയും പഠിച്ചിട്ടുണ്ട്. ലെയ്ത്ത്ക്രോ പ്രയറിലെ കസ്തൂര്ബാ സെന്ററില് നഴ്സായും മിഡ്വൈഫായും ജോലി ചെയ്തു. 20 വയസ്സുള്ളപ്പോള് 1957 ല് ഡ്രാന്വെല് വാലാംഗിനെ വിവാഹം കഴിച്ചു.
താന് ജനനത്തിന് സഹായിച്ച കുട്ടികളുടെ കൃത്യമായ എണ്ണമെടുക്കാന് മറന്നു പോയെന്ന് പറഞ്ഞ ഇവര് മാസം രണ്ടു പ്രസവമെങ്കിലൂം ഖാരംഗിലും പരിസര പ്രദേശങ്ങളിലുമായി എടുത്തിട്ടുണ്ട്. ഡോക്ടര് ഇല്ലാത്തപ്പോള് പോലും സെന്ററില് വര്ഷങ്ങളോളം തനിച്ചും ജോലി ചെയ്യേണ്ടി വന്നിട്ടുണ്ട്. 2011 ലെ സെന്സസ് പ്രകാരം ഷില്ലോംഗില് നിന്നും 40 കിലോമീറ്റര് അകലെയുള്ള ഖാരംഗ് ഗ്രാമത്തില് 352 കുടുംബങ്ങളുണ്ട്. 2117 പേരും. പിംഗ്വെയ്റ്റ്, മാവ്ലെയ്ന്, ഡിയംഗിലിയംഗ്, നോംഗ്ജ്രോംഗ് എന്നീ ഗ്രാമങ്ങളിലായി 800 കുടുംബങ്ങളും 6000 പേരുമാണ് കഴിയുന്നത്
https://www.facebook.com/Malayalivartha